YOSUA 24:7 - Susula Malalaok Hehelu Palak Ma Hehelu Beuk

⁷ boema laloo bou-bou neu Au loke tutulu-fafalik. Boema mamanak manai sila loo hataholi Masir-ra tala'da ndia, Au tao-an da'di makahatuk, ma Au akadofu ketu hataholi Masir sila-la nenik tasi oe, losa basa-basas bolo. Emi bubuluk, basa hata fo Au taon soaneu Masir so. Emi leo meme moo solokaek-ka, doon-na seli.

YOSUA 24:7 ပူးပေါင်းရင်းမြစ်များ

KELUARAN 14:10

Lelek, hataholi Israel-la lita manek Masir-ra no solda'dun-nala mai boema, ala bii lanseli, de ala nggasi neu Manetualain, fo loke tutulu-fafalik.

KELUARAN 14:20

nai solda'du Masir-ra ma solda'du Israel-la tala'da. Ko'as ndia, neni makahatuk, nalosa le'odae katemak esa, solda'du bubua ka duak sila-la, esa ta hapu deka no esa fa.

KELUARAN 14:31

Lelek hataholi Israel-la lita tao leo beek, de Manetualain no koasa matuainan-na, Ana sengi hataholi Masir-ra boema, ala dodoo doak-kana nanseli, nalosa lamahele neun, ma lamahele neu Musa, fo Manetualain atan ndia.

ULANGAN 1:46

“Basa ndia boema, ita leo doon-na seli neme Kades.

ULANGAN 2:14

Ndia ana da'di nai lelek ita la'oela Kades-Barnea teuk 38 boema, ita lena Lee Zered-ta. Mate la'iesak solda'du maneme bobongik ndia mai, sama leo Manetualain nafa'dan-na.

ULANGAN 29:2

Musa nadenu basa hataholi Israel-la fo, ala lakabubua, boema nafa'das nae, “Emi mita matam, hata fo Manetualain taon soaneu mane Masir-ra, no basa manapaletan manai nusak ndia lala'en-na so.

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

IBRANI 3:17

Ma soaneu see ka nde, Manetualain namanasas losa teuk hahulu dale na? Soaneu sila fo lasala-lasingo fo ala tu'da, de mates leme mo maloa hetu?