YOSUA 24:26 - Susula Malalaok Hehelu Palak Ma Hehelu Beuk

²⁶ Ana sulak basa hoholo-lalanek ma nakanenetek sila-la nai Manetualain Susula Hoholo-lalanen dale. Basa boema, ana ho'i-na, batu matua esa, de napadedeik-kana neu ai manituk huun-na, fo nai mamana hehelik soaneu Manetualain.

YOSUA 24:26 ပူးပေါင်းရင်းမြစ်များ

KEJADIAN 31:45

Basa boema, Yakob ho'i-na batu esa, de napadedeik-kana, da'di batu nasanene'dak.

KEJADIAN 35:4

Boema ala fe basa dodoki-dudula lamatua daebafak nusa dea fo ala ho'uk-kala leo Yakob neu, ma sila lolo'en manai di'idoon-nala boe. Yakob natoi basa bua-lo'as sila-la nai ai manituk huun-na nai deka no Sikhem.

KEJADIAN 35:8

Nai naa boe Debora, fo inak manamasu'u Ribka nai lelek bei anan-na, maten boema latoin nai ai manituk huun-na fo nai kota ndia boboa konan-na. Hu ndia de, ai ndia nanafoik na'de “Ai Kikii-makaleleuk.”

KELUARAN 24:4

Basa ndia boema, Musa sulak-na basa Manetualain paletan-na. Balahaa fafaik boema, napadedeik na mei tunu-hotuk esa no dii sanahulu dua nai letek ndia huun-na; dii esa soona, ana da'di ta'du tana neu Israel leon esa.

HAKIM-HAKIM 9:6

Boema, basa laun Sikhem-mala, ma laun Bet-Milo-la lala'en-na, lakabubua de leu leo luluu aifula manituk-ka, nai Sikhem. Ala losa naa boema, ala so'u Abimelekh da'di manek.

SEMUEL SUSULAK-KA ESAN-NA 7:12

Basa ndia boema, Semuel napadedeik batu esa nai Mizpa no Sen dae toon-na. Nafa'da nae, “Tete'ek-ka Manetualain tulu-fali ita so.” – boema ana foi batu ndia na'de, “Batu Manatulu-manafali.”