YOSUA 24:23 - Susula Malalaok Hehelu Palak Ma Hehelu Beuk

²³ Yosua nae, “Metema leondiak soona, si'u heni leoina fe'ek-kala lamatua daebafan manai emi dalek-ka, ma maheluk mae neukose emi lilineka neu Manetualain fo Israel Manetualain-na.”

YOSUA 24:23 ပူးပေါင်းရင်းမြစ်များ

1RAJA-RAJA 8:57

Sa'di leo been-na ita Manetualain no ita sama leo nok ita bei-ba'i kai nala. Sa'di leo been-na Ana ta la'oela ita fa.

1RAJA-RAJA 8:58

Sa'di leo been-na Ana tao ita da'di hataholi fo lilineka neun, fo ela ita tasoda tataas esa tunga hihii-nanaun, ma tunga basa hoholo-lalanek, ma paleta fo Ana fe basan neu ita bei-ba'i kai nala so.

MAZMUR 119:36

Fe au dale hihiik, soaneu tunga O nakanenetem-ma, lena heni dale hihiik fo da'di kamasu'ik

MAZMUR 141:4

Madook au, neme hihii-nanauk fo tao tatao-nono'i mangalauk-ka mai. Boso po'ilotak au, fo au akabubua o hataholi malelesik-ka ma au u'a sama-sama os, nai sila feta-doten.

MAZMUR 81:10

Nai emi dalek, boso hapu lamatua daebafa fe'ek boso sene-do'ok neu hataholi nusa dea-la lamatua daebafan-na.

KELUARAN 20:23

Boso tao dodoki-dudulak lilofulak do lilopilas, fo sene-do'ok neun, te emi muse sene-do'ok ka'da neu Au mesang-nga.

AMSAL 2:2

Taoafik neu dede'a manatee-tenok-ka, ma sanga enok leona, fo malelak-kana.

HOSEA 14:8

Neukose, ala fali ma'is leo Au mai, fo ala leo nai Au nasulu-nahapang dale. Neukose so'dan-nala, boetai da'di tetu-temak, sama leo gandum-ma moli nai tina maoe-maisik-ka, ma sama leo osi angol-la. Na'den-nala nanakoa-nanakiok, sama leo oe angol Libanon-na.

YOSUA 24:14

Yosua kokolak nakandoo nae, “Da'di, besak ia, fe ha'da-holomata neu Manetualain. Mamahele neun no dalek-katematuak ma no lilinekak. Si'u heni basa lamatua daebafak, fo makahulun-na, emi bei-ba'i kaim-mala sene-do'ok-kasa neme Mesopotamia ma Masir. Ka'da mamahele neu Manetualain.