YOSUA 24:19 - Susula Malalaok Hehelu Palak Ma Hehelu Beuk

^19-20 Boema Yosua nafa'da nae, “Tehu fafa'kama, neukose emi ta mapalani makaluku-makatele mahele neu Manetualain fa, nana Ndia Manetualain malalao-malalafuk, Fo Ka'da Kisak. Ana ta nau hataholi nakasusu'dik no fan. Metema, emi la'oelan, fo makaluku-makatele neu lamatua daebafak fe'ek soona, neukose Ana ta fe do'o do ampon neu emi sala-singom fa. Nasafalin-na, neukose Ana la'ban ma Ana huku emi. Neukose, Ana tao namopo-namate emi, leomae makahulun-na, Ana malole no emi.”

YOSUA 24:19 ပူးပေါင်းရင်းမြစ်များ

2TAWARIKH 36:16

Tehu ala lakamiminak Manetualain hataholi nadedenun sila-la, ma ala hika nabi-nabin-nala boema ala ta taoafik neu hala-kokolan fa. Mate'en-na Manetualain namanasa nanseli neus, nalosa ta hapu eno kaluak seluk ba'eneus soaneu latapo'i leme huhuku-dodokin mai.

MAZMUR 99:3

Nemen-na fo, ala koa-kio na'den fo mandela-masa'ak-ka. Ndia malalao-malalafuk.

MAZMUR 99:5

So'uk mamadema ita Aman Manetualain sene-do'ok nai kandela manen-na matan-na. Ndia malalao-malalafuk!

MAZMUR 99:9

So'uk mamadema ita Aman Manetualain, ma sene-do'ok-kana, nai pupukun fo malalao-malalafuk-ka, nana ita Aman Manetualain, malalao-malalafuk.

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

KELUARAN 23:21

Taoafik neun, fo tungan. Boso la'ban-nana, nanahu Au hataholi nadedenung ndia, de neukose ana ta fe do'o do ampon neu emi la'o lenam-ma fa.

KELUARAN 34:14

Boso sene-do'ok neu lamatua fe'ek, nana Au Manetualain, nde been-na Manetualain fo ta nau nakasasamak-kana no su'di beek-ka fa.

KELUARAN 34:7

Au sue-lai lahele tititi-nonosi lifu-lifuk kala, ma manafe do'o do ampon neu salak ma sala-singok; tehu hataholi masalak-ka, Au ta soi-po'in makandondook neme huhukun-na mai fa, ma Au huku upu-anan losa bobongi ka telu ma ka haa boe, nanahu sila ina-aman, bei-ba'in sala-singon-nala.”

YESAYA 2:9

Neukose basa hataholi-la nananakamumulu-nakamamaek ma nananakadadaek. Boso fes do'o do ampon, ou Manetualain!

YESAYA 27:11

Metema ndanan-nala lamatuu, fo la'dis soona, inak-kala ala mai ko'o lenis fo ala taos da'di ai ha'i. Leoina ndia, ta nalelak hata-hata fa, de sila Manetualain fo, mana makadada'dik-kana, neukose ta sue-lai fas.

YESAYA 30:11

Heok leona, fo tunga eno fe'ek. Boso mapangge ami mo Israel Manetualain malalao-malalafun-na.”

YESAYA 30:15

Manetualain Fo Mademaina, Israel Manetualain malalao-malalafun-na, nafa'da anan-nala nae, “Tukatei-saledale, ma pe'daom mahele leona, soona neukose Au soi-tefa-ala emi. Mamahele neu Au no dale mananee-nee lino-linok, soona neukose Au atetea-ahehele emi.” Tehu emi ta nau fa!

YESAYA 5:16

Tehu Manetualain Fo Manakoasa natu'du matua-mademan nenik Ana tao hata fo ndoos. Neukose natu'du malalao-malalafun, nenik naketu-nala'di leoinan-na.

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

IMAMAT 11:44

Au nde emi Manetualain, hu ndia de manea, fo ela emi malalaok-malalafuk mahele, nanahu Au malalaok-malalafuk.

IMAMAT 11:45

Au nde Manetualain, fo noo emi kalua meme Masir mai, fo daenga Au da'di emi Manetualaim. Ela leo been-na, emi malalao-malalafuk, nanahu Au malalao-malalafuk.

IMAMAT 19:2

nanduku-nalosak paleta ia-la neu leoina Israel-la nae, “Ela leo been-na, emi malalao-malalafuk, nanahu Au fo emi Manetualain nde been-na, malalao-malalafuk.

IMAMAT 20:26

Au ta'da fe'e emi neme leoina fe'ek-kala mai, fo ela emi da'di Au nuung. Emi muse malalao-malalafuk, nanahu Au nde Manetualain, ma Au malalao-malalafuk.

IMAMAT 20:7

Manea, fo ela emi malalao-malalafuk mahele, nanahu Au nde emi Amam Manetualaim.

NAHUM 1:2

Manetualain ta nau hataholi nakasusu'dik no fan, hataholi manala'ban-nana, tao leo bee-o ana hapu huhukuk No nasa-meluk nanseli, Ana balas nape'da dalen-na neus.

HABAKUK 1:13

Tehu, tao le'e de O makatatakak, mete hataholi manatao mangalauk fo dale susue-lalai tak sila-la? Ade O ta malalao-malalafuk manseli, soaneu mete tatao-nono'i magalauk fa hetu? Ade O ta malua mete ta ndoos ma matetuk-ka fa hetu? Da'di, tao le'e de, O ka'da denge-denge, nai lelek hataholi malenalanga-masa'basok-kala tao lakalulutuk hataholi kamahehelek-kala?

MATEOS 6:24

“Ta hapu hataholi esa tao-no'i fe tuan dua la'iesa fa. Nanahu neukose ana sue-lai esa lenaheni esa ka. Boema neukose ana lilineka nahele tuan esa, tehu esa ka soona ta. Leondiak boe, ba'eneu emi. Emi ta hapu tao-no'i soaneu Manetualain, ma soaneu hata-heto daebafa ka fa.

YOSUA 24:18

Ma lelek ita masok nusak ia, Manetualain usi heni basa hataholi Amori manaleo nai ia-la. Da'di, ami nau makaluku-makatele neu Manetualain nana Ndia nde ita Manetualain-na!”

YOSUA 24:23

Yosua nae, “Metema leondiak soona, si'u heni leoina fe'ek-kala lamatua daebafan manai emi dalek-ka, ma maheluk mae neukose emi lilineka neu Manetualain fo Israel Manetualain-na.”

RUT SUSULAN-NA 1:15

Boema, Naomi nafa'dan nae, “Rut, mitak o palam-ma fali ne'un leo leoinan-na, ma lamatua daebafan-nala neu so. O boeo, muu leon anango, tungan, fo fali leona!”

SEMUEL SUSULAK-KA ESAN-NA 3:14

Hu ndia de, Au soo-supa fe Eli teidale-bobongin-na, ae leomae tutunu-hohotuk do tunu-hotu matak leo beek ndia boeo, neukose ta hapu lose heni sila sala-singo matuainan ndia, losa dodoon-na.”

SEMUEL SUSULAK-KA ESAN-NA 6:20

Boema Bet-Semes laun-nala lafa'da lae, “See kande bisa nakatatakak nai Amak, Manetualain Fo Malalao-malalafuk ndia matan? Ita muse teni peti ndia leo bee neu, fo ela dook-ka neme ita mai?”