YOSUA 23:9 - Susula Malalaok Hehelu Palak Ma Hehelu Beuk

⁹ Manetualain usi-heni leoina matua ma mabe'i-balakaik-kala soaneu emi so, de sila hataholin esa boeo, ta nakatatakak nabe'i la'ban emi fa.

YOSUA 23:9 ပူးပေါင်းရင်းမြစ်များ

1RAJA-RAJA 21:26

Ahab tao sala-singok fo neni mamaek nanseli a nde: ana sene-do'ok neu sosongo-tatangok sama leo hataholi Amori-la tao-no'i ka. Hataholi Amori sila, Manetualain usihenis kalua leme nusa Kanaan-na naik lelek hataholi Israel-la masok nusak ndia.

2TAWARIKH 20:7

O nde ami Amam Manetualaim. Lelek O anam-mala, fo leoina Israel-la, mai leo nusak ia mai, O usiheni hataholi-hataholi fo nai lelek ndia ala leo leme ia. Boema O fe nusak ia neu O tia-laim Abraham tititi-nonosin, fo da'di sila dae-oen losa dodoon-na.

KELUARAN 23:23

Neukose Au ata nusa so'dang-nga, ana la'ok nai emi uluk, fo noo emi leo leoina Amori, Het, Feris, Kanaan, Hewi ma Yebus nusan-na neu, fo neukose Au tao amopo-amate leoina sila-la.

KELUARAN 23:30

Neukose, Au usi luma-luma os, losa emi hataholim-mala dede'un-na dai, soaneu langatuu-la dae ndia.

HATAHOLI 7:45

Basa boema ita bei ba'ikai nala lini seluk Uma Lopo ndia, nai lelek lo Yosua leu loso la ita nusan ia neme leoina la koasa na, fo Manetualain usihenis leme mata na mai. Uma Lopo ndia nahele neme ndia losa Dauk tepo na.

ULANGAN 11:23

Soona, neukose Manetualain usiheni basa leoina sila-la, neme emi matam-ma mai, ma neukose emi leo leoina sila-la nusan-na; fo nde leoina fo ba'ulena emi, ma balakain-nala lena heni emi ndia.

ULANGAN 7:24

Neukose, Ana fe sila manen-nala leo emi neu. Fo neukose, emi taomisas, ma mopo na'den-nala. Ta hapu hataholi esa boen, fo ana bisa nakatatakak nasasalematak no emi fa; nana neukose emi tao mamate-mamopo la'iesak-kasa.

YOSUA 1:5

Ta hapu hataholi esa boen, neukose bisa sengi o fa Yosua, nai o fai maso'dam-ma dalek. Nana neukose Au nai o boboam-ma tataas esa, sama leo makahulun-na, Au nai Musa boboan-na. Neukose, Au ta la'oela o fa.

YOSUA 15:14

Enak tititi-nonosin nde hataholi Sesai, Ahiman, ma Talmai. Kaleb usi heni basa-basas leme Hebron mai.

YOSUA 23:5

Metema, emi meu mata'ti moo leoina sila-la soona, emi Manetualaim-ma, neukose tao-na leoina sila-la lakadedeak, fo lalai leme emi mai. Neukose emi soa sila nusan-na, sama leo emi Manetualaim-ma, helu basan neu emi so.

YOSUA 23:8

Nakalenak, emi muse lilineka mahele neu Manetualain, sama leo emi taon losa besak ia.

YOSUA 24:18

Ma lelek ita masok nusak ia, Manetualain usi heni basa hataholi Amori manaleo nai ia-la. Da'di, ami nau makaluku-makatele neu Manetualain nana Ndia nde ita Manetualain-na!”