YOSUA 23:8 - Susula Malalaok Hehelu Palak Ma Hehelu Beuk

⁸ Nakalenak, emi muse lilineka mahele neu Manetualain, sama leo emi taon losa besak ia.

YOSUA 23:8 ပူးပေါင်းရင်းမြစ်များ

2RAJA-RAJA 18:6

ma ana lilineka neun. Ana beita la'ban nita Manetualain fa. Hizkia tunga no te'e-te'ek, basa Manetualain paletan lala'en fo Ana fen tunga Musa.

HATAHOLI 11:23

Ma lelek Barnabas losa naa de nita Manetualain ba'e-pala tao hataholi sila la tao leo beek, boema namahoko nanseli. Boema nokes fo ela te'e-te'e ala lilineka neu Lamatua ka no dale katematuak.

ULANGAN 10:20

Fe ha'da-holomata neu emi Manetualaim-ma, ma makaluku-makatele neu ka'da Ndia mesak-kana. Ela leo been-na, emi lilineka mahele neun, ma emi soo-supa menik ka'da Ndia na'den-na mesak-kana.

ULANGAN 11:22

Tunga basa hoholo-lalanek fo, au anduku-alosak-kana neu emi ndia, no dalek-katematuak: Sue-lai emi Manetualaim-ma, ma tao basa hata lala'en fo, Ana paletan neu emi, ma ela leo been-na, emi lilineka mahele neun.

ULANGAN 13:4

Hataholi matak leondiak-ka, muse hukunisan, nanahu ana nau taon-na emi, matofa-matalak meme enok fo, emi Manetualaim-ma paletan neu emi. Hataholi ndia nde been-na, hataholi mangalauk, nanahu ana nadenu emi, lena-la'ban emi Manetualaim-ma fo, manasoi-po'i emi meme Masir mai, mamanak fo emi da'di ata. Da'di, muse tao nisa hataholi ndia, fo ela mopo tatao-nono'i mangalauk ndia. Tehu, ela leo been-na, emi tunga emi Manetualaim-ma, ma fe ha'da-hoholomata neun; tungan ma tao-no'i basa paletan-nala lala'en-na. Lilineka mahele, ma mamahele neun.

ULANGAN 4:4

Tehu emi fo manalilineka nahele neu emi Manetualaim-ma, bei naso'da losa besak ia.

ULANGAN 8:20

Metema, emi ta lilineka neu emi Manetualaim-ma fa soona, neukose Ana tao namate-namopo emi boe, da'di leo Ana tao namate-namopo leoina fe'ek-kala neme emi matam-ma.”

YOSUA 22:5

Ma manea leona, fo ela emi tunga Musa fe emi hoholo-lalanek-kala, fo nde: Sue-lai emi Manetualaim-ma, tunga hihii-nanaun, tunga paletan-nala, lilineka neun, ma hule-haladoi neun no emi dale katema tuam-ma, ma no basa emi aopaa-samanem lala'en-na.”

YOSUA 23:7

No enok ndia, neukose emi ta sese'do-babalik moo leoina fo ala bei leo lai emi tala'da fa. Neukose, emi ta seseik sila lamatua daebafan-nala na'den-na, do soo-supa menik na'dek ndia fa. Boeo emi ta hule-haladoi do sene-do'ok neu lamatua daebafak sila fa.

YOSUA 23:9

Manetualain usi-heni leoina matua ma mabe'i-balakaik-kala soaneu emi so, de sila hataholin esa boeo, ta nakatatakak nabe'i la'ban emi fa.