YOSUA 23:6 - Susula Malalaok Hehelu Palak Ma Hehelu Beuk

⁶ Hu ndia de, manea leona, fo ela emi tunga ma makalala'ok basa hata lala'en fo nanasulak nai Musa Susula Hoholo-lalanen dale, Boso la'olena hoholo-lalanek sila-la, esa boen.

YOSUA 23:6 ပူးပေါင်းရင်းမြစ်များ

1RAJA-RAJA 2:3

Tao-no'i hata fo o Manetualain paletan neu o. Tao tunga basa hoholo-lalanen ma paleta-paletan fo nanasulak nai Musa susulan dale, fo ela o muu leo bee muu boeo neukose o hapu buna-boak nai o tutunga-sasangam lala'en-na dalek.

MAZMUR 101:3

neukose au ta po'ilotak tatao-nono'i mangalauk-ka fa. Au ta hii hataholi manafali deak-ka, tatao-nono'in fa, ma au ta nau sanga langa he'dik o fas.

MAZMUR 119:102

Au ta afandele heni, O hoholo-lalanem fa, nana, O nde manoli au-a.

YEREMIA 9:3

ma laheheleaon tataas esa, fo lasapepeko-lasandandali. Ndoos-sa ta koasan-nai nusak-ka lala'en-na fa, nakalenak puta-paik feo nusak-ka. Manetualain nafa'da nae, “Au anang-ngala, ta hahae tao tatao-nono'i mangalauk fa, Ala ta manaku Au, da'di leo sila Manetualain fa.”

1 KORINTUS 16:13

Ela leo bee na manea matalolole ma matea-mahele nai emi maso'da ma dalek, da'dileo hataholi kamahehelek. Da'di palani ma balakaik, ma da'di mabe'i-balakaik.

ULANGAN 12:32

Tao-no'i basa hata lala'en fo, au paletan neu emi; boso popo-tama do ho'i heni faa anak boen.

ULANGAN 17:20

Metema, ana lees matalololen soona, neukose ana ta tatao oan nae ndia malole lena neme hataholi fo, sila leoina esa, ma neukose ana ta la'olena Manetualain paletan-nala, no enok leobeek ndia boe. Boema, ndia no tititi-nonosin-nala, neukose ala paleta leoinan, neme bobongik leo bobongik neu.”

ULANGAN 28:14

Tehu boso mafandeleheni paleta sila-la makandondook, nenik enok matak leo beek-ka boe. Boeo, boso sene-do'ok ma mamahele neu lamatua daebafak-kala.”

ULANGAN 5:32

Tolano-tolanoong-ngala lemin, tunga no dale katematuak, neu basa hata fo emi Manetualaim-ma paletan neu emi. Boso la'olena paleta sila-la esa boen.

IBRANI 12:4

Nana, nai ulepo'de soaneu la'ban sala-singo ka, emi beita la'iesa fo ulepo'de losa emi daa ma muse titihenin fa.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”