YOSUA 23:3 - Susula Malalaok Hehelu Palak Ma Hehelu Beuk

³ Emi mita basa emi Manetualaim-ma, tao basa hata lala'en-na soaneu basa leoina manai ia-la, hu ka nde emi. Fo manamatatik soaneu emi nde been-na, Manetualain, fo emi Manetualaim-ma, mesak-kana.

YOSUA 23:3 ပူးပေါင်းရင်းမြစ်များ

KELUARAN 14:14

Neukose Manetualain natee-nata'ti nggati emi, de emi pe'daom.”

KELUARAN 19:4

nae, “Emi mita basa hata fo Au tao-no'in neu hataholi Masir-ra, ma tao leo beek de Au oo emi leo Au mai, nai mamanak ia no koasa matuaina, sama leo manupui kaka'ka no anan-na nai li'dan lain.

YESKIAL 20:28

Au os leo nusak fo, Au helu basa, Au fen leo sila neu so. Lelek fo, ala lita pupuku mademaina-ma, ma ai matuaina-la, doon-nala leloaka, boema leu tunu-hotu tutunu-hohotu nai mamanak sila-la. Ala tao-la Au amanasa, nanahu sila tutunu-hohotu nanatunun-nala, ma tutunu-hohotu angon-nala.

MALEAKHI 1:5

Neukose, leoina Israel-la lita matan, fo lafa'da lae, “Tete'ek-ka, Manetualain matuaina; koasan-na, losa dae Israel-la selik!”

ULANGAN 1:30

Emi Manetualaim-ma, neukose nauli-nalanga emi, fo natee-nata'ti soaneu emi, sama leo emi mita matam neme Masir so,

ULANGAN 20:4

Emi Manetualaim-ma, Ana tunga fo Ana tulu-fali emi, fo Ana fe emi sengi.’

ULANGAN 4:9

Taoafik ma mafandendelek matalolole, fo ela nai emi fai maso'dam-ma dalek, emi ta mafandele heni hata fo emi mita matam so. Tui emi upu-anam-mala,

ULANGAN 7:17

Fafa'kama, emi dodoo-mae, leoina sila-la, de'ulena emi, nalosa emi ta bisa usiheni fas.

ULANGAN 7:24

Neukose, Ana fe sila manen-nala leo emi neu. Fo neukose, emi taomisas, ma mopo na'den-nala. Ta hapu hataholi esa boen, fo ana bisa nakatatakak nasasalematak no emi fa; nana neukose emi tao mamate-mamopo la'iesak-kasa.

YOSUA 10:14

Manada'di ndia, beita da'di nita fa, ma neukose nai faik esa, ana ta da'di sama leo faik ndia, fo nae Manetualain tunga hataholi daebafak-ka dale hihiin-na. Manetualain natee-nata'ti nok Israel!

YOSUA 10:42

Ka'da nai natee-natatik la'iesa mesak-kana, de Yosua sengi basa manek sila-la, ma nangatuun-na, sila nusa paletan-nala, nanahu Manetualain fo Israel Manetualain na, natee-nata'ti soaneu Israel.

YOSUA 23:10

Emi hataholim esa, hapu sengi hataholi lifun esa, nanahu emi Manetualaim-ma nde nata'ti soaneu emi, sama leo Ana helu basak-ka so.