YOSUA 23:16 - Susula Malalaok Hehelu Palak Ma Hehelu Beuk

¹⁶ Metema, emi la'olena Manetualain fo emi Manetualaim-ma, hehelu-balataan, fo Ana paleta basan neu emi, fo daenga emi tao tungan, tehu emi meu makaluku-makatele neu lamatua fe'ek-kala, boema sene-do'ok neu lamatuak sila-la, soona neukose Manetualain namanasa, fo Ana huku emi. Ka'da nai fai nggenggelok esa mesak-kana, neukose mopok emi basa-basam-mala neme nusak malole fo Manetualain fen neu emi ia.”

YOSUA 23:16 ပူးပေါင်းရင်းမြစ်များ

1RAJA-RAJA 14:15

Neukose Manetualain huku Israel nalosa nanggonga-nggangik sama leo fii dook-ka nai oe dale. Neukose Manetualain fe'aheni Israel neme nusak malole fo Ana fen neu sila bei-ba'i kai nala ia. Neukose Ana tao tapasasalas leo Lee Efrat-ta selik leu, nanahu ala lafofo'a basa nasa-melun nenik ala tao Asyera fo lamatua daebafa inak-ka, doki-dulan.

1RAJA-RAJA 9:6

Tehu metema o do o tititi-nonosim lasadea Au ma ta tunga neu Au hoholo-lalaneng ma paletang-nga la boema o sene-do'ok neu lamatua daebafa fe'e kala,

1RAJA-RAJA 9:7

soona neukose Au usiheni Au anang Israel neme nusak fo Au fe basan neu sila so. Neukose Au boeo la'oela uma ini fo Au aketu basan da'di mamana hule-haladoik neu Au. Neukose hataholi Israel-la nananakamumulu-nakamamaek ma nanahika-humek nai mamanak lala'en-na.

2RAJA-RAJA 17:7

Samaria tu'da, nanahu hataholi Israel-la, lasala-lasingo neu sila Manetualain, fo manasoi-tefa-nalas leme mane Masir-ra mai, de nos kalua leme nusak ndia mai. Ala sene-do'ok neu lamatua daebafak fe'ek-kala,

2RAJA-RAJA 24:20

Manetualain namanasa nanseli no laun Yerusalem-mala, ma hataholi Yehuda-la, de nalosa, Ana ta taoafik-kasa so'on.

YESAYA 24:5

Daebafak-ka, da'di nanggenggeo, nanahu laun-na la'olena Manetualain paletan-nala, ala nggati nakeketun-na, ma lalelesi hehelu-balataak fo Ana taon no sila, losa dodoon-na.

YEREMIA 32:23

Tehu nai lelek ala mai lo nusak ia mai de latona-la boema, ala ta nau tunga O paletam-mala fa, ma ala ta laso'da tunga O nanoli-nafa'dan fa. Basa hata fo O paletak neu sala ala ta tao-no'i esa boen. Hu ndia de O muni fes basa susa-soe iala neu sila.

YEREMIA 32:24

Hataholi Babel-la ala tao papala nanadamak musu feo kota soaneu latona-la, de besak ia latee-latati so. Natee-natatik-ka, la'a-ndoes-sa, ma he'di laus matuaina, neukose taon-na kota ia tu'da lo sila neu. O mita matan boe, basa hata fo O mafa'dak-kala ala da'di mata nitak.

BILANGAN 33:56

Metema emi ta usi heni fas soona, neukose Au tao amopo-amate emi, sama leo Au tutu'un soaneu sila.”

ULANGAN 17:3

ma paletan-nala nenik ana sene-do'ok ma amahele neu lamatua daebafak fe'ek-kala, do neu le'do-a, bulak-ka, do nduuk-kala,

ULANGAN 28:15

“Tehu metema, emi ta tunga emi Manetualaim-ma, ma emi ta tunga no emi dalek katematuam-ma, neu basa paletan ma hoholo-lalanen fo faik ia, au fen neu emi fa, soona basa soo-supak ia-la, neukose ala tuni-ndeni-la emi:

ULANGAN 6:15

Metema emi sene-do'ok neu lamatua fe'ek-kala, soona neukose emi hapu emi Manetualaim-ma nasa-melun, ma Ana tao namate-namopo la'iesak emi, nana emi Manetualaim-ma fo, manai emi tala'da heom-ma, Ana ta nau makasasamak-kana no hata esa boen.

HAKIM-HAKIM 2:20

Hu ndia de, Manetualain namanasa nanseli hataholi Israel-la, de nafa'da nae, “Au paleta basa leoina ia bei-ba'i kain-nala, fo ela ala ho'u lahele hehelu-balataak, fo Au taon no sila. Tehu leoina ia, tao ketu hehelu-balataak ndia; ala la'olena Au paletang-ngala.

SEMUEL SUSULAK-KA ESAN-NA 12:25

Tehu, metema emi tao mahele sala-singok soona, neukose mopo-mate emi ma emi manem-ma.”