YOSUA 23:15 - Susula Malalaok Hehelu Palak Ma Hehelu Beuk

¹⁵ Tehu, sama leo Ana tao natetu hehelu balataan lala'en-na, leondiak boe, tao leo bee-o neukose nakalala'ok huhukun lala'en-na soaneu emi.

YOSUA 23:15 ပူးပေါင်းရင်းမြစ်များ

1RAJA-RAJA 14:15

Neukose Manetualain huku Israel nalosa nanggonga-nggangik sama leo fii dook-ka nai oe dale. Neukose Manetualain fe'aheni Israel neme nusak malole fo Ana fen neu sila bei-ba'i kai nala ia. Neukose Ana tao tapasasalas leo Lee Efrat-ta selik leu, nanahu ala lafofo'a basa nasa-melun nenik ala tao Asyera fo lamatua daebafa inak-ka, doki-dulan.

1RAJA-RAJA 8:56

“Koa-kio Manetualain fo Ana fe basa mole-dame neu anan-nala sama leo hata fo Ana helun tunga atan Musa. Basa hata malole fo Ana helu ka, Ana tao natetun so.

YESAYA 24:6

Hu ndia de, Manetualain supa-soo basa daebafak-ka so, ma Ana huku laun-na, nanahu sila tatao-nono'in. Sila nanatao naputuk, de ka'da sila lumanak laso'da.

YEREMIA 32:24

Hataholi Babel-la ala tao papala nanadamak musu feo kota soaneu latona-la, de besak ia latee-latati so. Natee-natatik-ka, la'a-ndoes-sa, ma he'di laus matuaina, neukose taon-na kota ia tu'da lo sila neu. O mita matan boe, basa hata fo O mafa'dak-kala ala da'di mata nitak.

YEREMIA 32:42

Sama leo Au uni susa-soe ba'eneu leoina ia, leondiak boe neukose Au fes basa malole-malole la'eneu fo Au helu basan ba'eneu sila so.

YEREMIA 35:17

Hundia, de Au, Manetualain Fo Manakoasa, fo Israel Manetualain-na, neukose uni fe emi hataholi Yehuda-la ma Yerusalem-mala – basa totoa-tataak fo Au aketu basan soaneu emi, sama leo hata fo Au afa'dak-ka. Au afa'da dede'ak ndia nanahu emi ta nau mamanene, metema Au kokolak o emi, ma emi ta nau mataa fa metema Au alo emi.”

IMAMAT 26:3

Metema emi maso'da tunga Au nakaneneteng-ngala, ma tunga Au paletang-ngala

1 TESALONIKA 2:16

Lena-lenak, ala sanga enok fo lapanggengge ami, fo ami boso meu tui-benga fe nggileo bobongi ta Yahudi la, halak fo manini so'dak fes ala. No enok ndia de, hataholi Yahudi sila la, boe tama lakandoo sala-singo nala, de nalosa sala-singo nala, dede'u na lamadai. De besak ia, neu mate'e na, ala hapu Manetualain nasa-melun!

HAKIM-HAKIM 13:1

Hataholi Israel-la lasala-lasingo seluk neu Manetualain, boema Manetualain po'ilotak hataholi Filistin-nala, koasas teuk 40 dalen-na.

HAKIM-HAKIM 3:12

Hataholi Israel-la, lasala-lasingo seluk neu Manetualain, nalosa Manetualain tao-na Eglon, fo mane Moab-pa, balakain-na lena heni Israel.

HAKIM-HAKIM 3:8

Boema, Manetualain namanasa hataholi Israel-la, de Ana po'ilotak Manek Kusyan-Risyataim neme Mesopotamia, ana sengis. Manek ndia koasas teuk 8 dalen-na.

HAKIM-HAKIM 6:1

Hataholi Israel-la lasala-lasingo la'iesa seluk neu Manetualain nalosa Ana po'ilotak leoina Midian-na koasas teuk hitu dalen-na.