YOSUA 23:14 - Susula Malalaok Hehelu Palak Ma Hehelu Beuk

¹⁴ Besak ia, fain-na losa, au mate ia so. Emi basa-basam-mala, esa-esak bubuluk matalolole, mae emi Manetualaim-ma, fe basa emi, hata malole lala'en, fo Ana helu basan so. Ana tao natetu la'iesak, hehelu-balataan so, ta ela esa boen.

YOSUA 23:14 ပူးပေါင်းရင်းမြစ်များ

KEJADIAN 47:29

Lelek faim-ma losa, fo sanga maten boema, naloo Yusuf fo anan ndia, boema nafa'da nae, “Metema o sue au soona tao o limam-ma neu au puu huung duas tala'da, fo soo-supa mae neukose o ta matoi au nai Masir ia fa.

1RAJA-RAJA 2:2

“Fain-na losa, au mate ia so. Ela leo been-na o mamahele ma mapalani.

1RAJA-RAJA 8:56

“Koa-kio Manetualain fo Ana fe basa mole-dame neu anan-nala sama leo hata fo Ana helun tunga atan Musa. Basa hata malole fo Ana helu ka, Ana tao natetun so.

AYUB 30:23

Au bubuluk, O moo au leo mamates-sa neu, mamanak fo, basa hataholi maso'dak-kala, nanatao nakabubuak.

KELUARAN 3:8

Hu ndia de, Au kona u, fo soi-po'is leme hataholi Masir-ra liman mai, fo Au os kalua leme nusak ndia mai, leo nusa maloaina esa neu. Daen-na kamasu'ik ma nalole, de besak ia, leoina Kanaan, leoina Het, Amori, Feris, Hewi ma Yebus ala leo lai nusak ndia.

PENGKHOTBAH 12:5

O ta mapalani nda'e leo mamana madema muu fa, de muse la'ok besa-besa. O langa doom-ma mofa, ma nai lelek o la'ok-ka, o helak o eim-ma. Boema mopo la'iesak o dale hihii-nanaum lala'en-na. Ita la'ok tasale leo ita mamana mate'en-na teu. Hataholi-la falu, ma lakaleleu ndolo-ndolo enok-ka.

PENGKHOTBAH 9:10

Tao-no'i o bela-ba'un lala'en-na nenik o be'i-balakaim lala'en-na. Nana mahani te, ta hapu seluk dudu'a-aafik do ue-le'dis so'on. Ta hapu malelak do manatee-tenok nai hataholi manamatek-kala daebafan-na fa. Ma neukose o muu leo naa muu.

YESKIAL 20:28

Au os leo nusak fo, Au helu basa, Au fen leo sila neu so. Lelek fo, ala lita pupuku mademaina-ma, ma ai matuaina-la, doon-nala leloaka, boema leu tunu-hotu tutunu-hohotu nai mamanak sila-la. Ala tao-la Au amanasa, nanahu sila tutunu-hohotu nanatunun-nala, ma tutunu-hohotu angon-nala.

BILANGAN 23:19

Manetualain ta sama leo hataholi daebafak-ka fa, fo mu'dak la'iesak-kana, nasasale dale, ma Ana hii nasapepeko-nasandandali. Metema, Manetualain helu soona, tao leo bee-o, Ana tao natetun! Metema Ana kokolak soona, tao leo bee-o, neukose ana da'di!

LUKAS 21:33

Lalai a ma daebafa ka neukose ala sapu-lalo, tehu Au dede'a-kokolang lahele losa dodoo na.”

IBRANI 9:27

Manetualain naketu basa, hataholi daebafa ka mate ka'da la'iesa, fo basa ndia soona, Manetualain naketu-nala'di hataholi sila tatao-nono'in.

SEMUEL SUSULAK-KA ESAN-NA 3:19

Semuel boetai namatua-ka. Manetualain sama-sama non, de Ana tao-na basa hata lala'en-na fo Semuel nafa'dak-ka, tete'ek-ka ana da'di.