YOSUA 23:11 - Susula Malalaok Hehelu Palak Ma Hehelu Beuk

¹¹ Hu ndia de, mafandendelak leona, fo sue-lai emi Manetualaim-ma.

YOSUA 23:11 ပူးပေါင်းရင်းမြစ်များ

KELUARAN 20:6

Tehu, Au atu'du Au susue-lalaing neu hataholi fo manasue-lai Au, ma manatunga Au paletang-ngala, tititi-nonosin lifu-lifun.

AMSAL 4:23

Manea matalolole o dalem-ma, nana o dalem-ma naketu o so'dam-ma eno-dalan.

LUKAS 21:34

Basa boema Yesus nae, “Manea ao ina mala leona, fo boso nalosak emi su'ba ka'da feta-dote, ma minu ala-lalu, do dudu'a-dodoo manseli neu emi so'da ma paluu na, nalosa emi ta mahehele aom, nai lelek fo faik ndia ana mai no kaiboik.

ROMA 8:28

Ita bubuluk basa, Manetualain ito-ato basa dede'ak lala'ena, de nalosa nini buna-boa malole soaneu hataholi manasue-lai nana, ma hataholi fo nandaa no dale tutu'u na.

1 KORINTUS 16:22

Hataholi fo ana ta sue-lai Lamatua ka, neme na fo nanasoo-supak! Maranata! – Ami Lamatua ma mai leona.

1 KORINTUS 8:3

Tehu hataholi fo te'e-te'e ana sue-lai Manetualai na, Manetualain nalelak hataholi ndia.

EFESUS 5:15

Hu ndia de, taoafik matalolole, o so'da ma eno-dalan. Boso maso'da sama leo hataholi nggoa kala; te maso'da sama leo hataholi malela kala.

ULANGAN 30:16

Faik ia, au paleta emi, fo sue-lai emi Manetualaim-ma, ma tungan, boema tao-no i basa hoholo-lalanen ma paletan lala'en-na, fo ela emi maso'da no tetu-temak, ma emi da'di leoina matuaina. Neukose, emi Manetualaim-ma fe emi baba'e-papalak nai nusak fo, ta dook-ka so'on te, emi mangatuu-man ndia.

ULANGAN 30:20

Sue-lai emi Manetualaim-ma, ma tungan leona, ma lilineka neun. Soona, emi ma emi tititi-nonosim, neukose laso'da ma teu naluk nai nusak fo, Manetualain helu basan neu emi bei-ba'i kaim Abraham, Isak ma Yakob.”

ULANGAN 4:15

“Mafandendelek matalolole! Te nai lelek Manetualain kokolak no emi neme ha'i dale mai, fo neme Letek Sinai-a, emi ta mita hata esa boen.

ULANGAN 4:9

Taoafik ma mafandendelek matalolole, fo ela nai emi fai maso'dam-ma dalek, emi ta mafandele heni hata fo emi mita matam so. Tui emi upu-anam-mala,

IBRANI 12:15

Manea leona, fo boso nalosak hapu hataholi esa boen, ana kalua neme Manetualain dale malole na mai, fo ela boso hapu nggelok da'di sama leo bubu'u-palusa malasok nai emi tala'da heom, nalosa nini toto'a-tatak ma ana tao nalutu hataholi ba'u ninik ndia laso na.

YOSUA 22:5

Ma manea leona, fo ela emi tunga Musa fe emi hoholo-lalanek-kala, fo nde: Sue-lai emi Manetualaim-ma, tunga hihii-nanaun, tunga paletan-nala, lilineka neun, ma hule-haladoi neun no emi dale katema tuam-ma, ma no basa emi aopaa-samanem lala'en-na.”

YOSUA 23:10

Emi hataholim esa, hapu sengi hataholi lifun esa, nanahu emi Manetualaim-ma nde nata'ti soaneu emi, sama leo Ana helu basak-ka so.

YOSUA 23:12

Metema, emi ta lilineka, ma emi sese'do-babalik moo leoina fo ala bei leo lai emi tala'da, boema emi taos da'di emi saom soona,