YOSUA 23:10 - Susula Malalaok Hehelu Palak Ma Hehelu Beuk

¹⁰ Emi hataholim esa, hapu sengi hataholi lifun esa, nanahu emi Manetualaim-ma nde nata'ti soaneu emi, sama leo Ana helu basak-ka so.

YOSUA 23:10 ပူးပေါင်းရင်းမြစ်များ

2 SEMUEL 23:8

Dauk malanga solda'du palani tatibatun-nala, na'den-nala nde ia: Hataholi makasososak-ka nde, Ishbaal, hataholi Hakhmoni, fo mauli-malangan nai “Bubuak ka Telu-a.” (Triwira). Ana la'ban hai hataholi 800, nai natee-natatik esa dalek, de ana tee nisa la'iesak-kasa.

1 TAWARIKH 5:20

Solda'du sila-la lamahele neu Manetualain, de loke tutulu-fafalik neun, boema Manetualain sipok sila nonoken-na, de Ana fes ala sengi hataholi Hagri sila-la loo hataholi manatulu-falis-sala.

MAZMUR 35:1

Dauk kokoa-kikiok. Manetualain la'ban hataholi manala'ban au-a, matee-matati no hataholi fo, nasuu natee-natati no au.

MAZMUR 46:7

Manetualain nanggulu, boema daebafak-ka nakalulutuk; leoina-la lakalupu, nusak-kala lakalulutuk.

KELUARAN 14:14

Neukose Manetualain natee-nata'ti nggati emi, de emi pe'daom.”

YESAYA 30:17

Metema musu-a hataholin esa, ana fe nasanene'da mahelek soona, neukose hataholi lifun esa lalai, ma metema hataholi lima fe nasanene'da mahelek soona, neukose emi basa-basam-mala malai. Neme emi solda'dum-mala mai, ela ka'da dii dedeo esa nai pupukuk lain.

IMAMAT 26:7

Neukose, emi bisa sengi emi musu-mala;

IMAMAT 26:8

Ka'da no hataholi lima mesak-kana, emi bisa sengi hataholi natun esa, ma ka'da no hataholi natun esa, emi bisa sengi hataholi lifun sanahulu.

ZAKHARIA 12:8

Nai faik ndia, neukose Au asulu-ahapa laun Yerusalem-mala; ma manandole-dakuk nanseli, nai sila dalek boeo, neukose ala da'di mabe'i-balakaik, sama leo Dauk be'i-balakain. Neukose Dauk tititi-nonosin hela-noles, sama leo Au ata nusa so'dang-nga hela-noles nakalenak, sama leo Au nde hela-noles-sala.

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?

ULANGAN 20:3

‘Tolano-tolanoong-ngala lemin! Mamanene dei! Te faik ia, emi muse meu matee-matati. Boso bii-mamata'u, do dalem-ma boso ba'ihana, do mapangamak.

ULANGAN 20:4

Emi Manetualaim-ma, Ana tunga fo Ana tulu-fali emi, fo Ana fe emi sengi.’

ULANGAN 28:7

Metema musu-a, ana sapu-na emi soona, neukose Manetualain sengi emi musum-ma. Neukose ala mai latee-latati no napalanik, tehu lalai tu'u-fo'a.

ULANGAN 3:22

Boso bii-mamata'u neu hataholi sila, nanahu o Manetualaim-ma, neukose natee-nata'ti nggati o.”

ULANGAN 32:20

Nafa'da nae, ‘Au ta tulu-fali sila so'on; nemen-na fo Au mete su'dik-kasa, neu mate'en-na, ala tao leo beek. Nana leoina sila-la, lalangabatu, ma ala ta lilineka makandondook fa

ULANGAN 32:30

Hapu nai bee, hataholi esa, bisa usi hataholi lifun esa, ma hataholi dua, bisa tao-la hataholi lifun sanahulu lalai? Sila Manetualain-na, nase'oheni sila so; Manetualain fo palani tatibatu ndia, Ana la'oela sila so.

YOSUA 10:42

Ka'da nai natee-natatik la'iesa mesak-kana, de Yosua sengi basa manek sila-la, ma nangatuun-na, sila nusa paletan-nala, nanahu Manetualain fo Israel Manetualain na, natee-nata'ti soaneu Israel.

YOSUA 23:11

Hu ndia de, mafandendelak leona, fo sue-lai emi Manetualaim-ma.

YOSUA 23:3

Emi mita basa emi Manetualaim-ma, tao basa hata lala'en-na soaneu basa leoina manai ia-la, hu ka nde emi. Fo manamatatik soaneu emi nde been-na, Manetualain, fo emi Manetualaim-ma, mesak-kana.

HAKIM-HAKIM 15:15

Basa boema, nita keledei timi duik esa, bei beuk. Ana helen-nan, de ana fepanisa hataholi lifun esa, nenik keledei timi duik ndia.

HAKIM-HAKIM 3:31

Mauli-malangan sila-la nde Samgar fo Anat anan-na. Ndia boeo, natee-nata'ti, de ana soi-po'i hataholi Israel-la. Ana taonisa hataholi Filistin natun nee, nenik aitete'e foo sapin-na.

SEMUEL SUSULAK-KA ESAN-NA 14:6

Boema Yonatan nafa'da touanak manaho'u tee-tafan ndia nae, “Mai fo ata teu leo hataholi Filistin dinitiu sila-la, uma nanean-na teu. Fafa'kama Manetualain nau tulu-fali ita. Nana Manetualain hapu fe sesengik neu, nau nenik hataholi makadotok, do hataholi lumanak boe.”