YOSUA 22:6 - Susula Malalaok Hehelu Palak Ma Hehelu Beuk

^6-9 Basa boema, Yosua hule-haladoi fes, de ana po'is fali le'us leo sila nusan-na leu, no ana fes hala-heheluk-ka nde ia nae, “Besak ia, emi mamasu'i so, de emi fali no emi meni bana-manu makadotok, lilofulak, lilopilas, liti, besi ma bua papakek. Boeo, baba'e emi kalo meni hata-heto-la, neu emi hataholim fo emi leo esa.” Boema leo Ruben, Gad ma leo Manasye manai Lee Yarden-na boboan dulu ndia, la'oela hataholi Israel fe'e kala, de ala la'o leme Silo nai Kanaan, leo sila daen-na nai nusa Gilead-ta. Ala leo dae ndia, nanahu Manetualain paletan-na tunga Musa. (Leo Manasye seli, sipo basa dae manai Lee Yarden-na selik, neme Musa mai so, ma leo Manasye fe'ek seli, sipo dae manai Lee Yarden-na boboan muli, sama-sama no leo fe'ek-kala, neme Yosua mai.)

YOSUA 22:6 ပူးပေါင်းရင်းမြစ်များ

KEJADIAN 14:19

boema ana fe Abram baba'e-papalak nae, “Sa'di leo been-na Manetualain Fo Mademaina, fo nakadada'dik basa lalai ma daebafak-ka, ba'e-pala Abram!

KEJADIAN 47:10

Basa ndia boema, Yakob nate'a sanga la'o, de ana fe baba'e-papala nasi'da-naba'ek.

KEJADIAN 47:7

Yusuf boeo nadenu aman nalelelaok no manek-ka. Yakob ba'e-pala manek-ka,

2 SEMUEL 6:18

Boema, ana fe laun Israel-la, baba'e-papalak nenik Manetualain Fo Manakoasa, na'den-na.

2 SEMUEL 6:19

Basa boema, ana baba'e fe basa-basas nana'ak. Basa hataholi manai sila-la, nau touk do inak boe, ana fe esan-na, paa nanadalak biak esa, loti ma koki kismis. Basa ndia boema, basa-basas fali le'us leo esa-esak uman neu.

2 SEMUEL 6:20

Nai lelek, Dauk fali ne'un leo uma manek-ka neu, fo nate'a teidalen-nala boema, Mikhal kalua mai leo Dauk mai, de nafa'da nae, “Faik ia, mane Israel-la te'e-te'e, tao-na aoinan-na nananita-nalelak! Nakahola-la so, sama leo hataholi nggoa-panganaa fo ta nanuu mamaek nai uma manek-ka, hataholi mana'a ngga'din-nala ata inaanan-nala matan fa!”

1RAJA-RAJA 8:66

Neu faik-ka falu na boema, Salomo nadenu hataholi sila-la fali le'us. Hataholi sila-la basa-basas koa-kion boema ala fali leo sila uman no dalen-nala lamahoko, nanahu basa baba'e-papalak fo Manetualain fe basan neu atan Dauk ma neu leoina Israel fo anan-nala.

2TAWARIKH 30:18

Fe'ek neme ndia mai, nai hataholi Efraim, Manasye, Isakhar ma Zebulon dalek, ba'uk-ka mai, tehu ala beita tao lalalao-lalalafu lakahuluk aoinan-nala fa. Da'di ala tunga feta Paskah ndia, ta nandaa no hata fo nananaketu basak so. Hu ndia de, Manek Hizkia hule-haladoi soaneu hataholi sila-la nae,

KELUARAN 39:43

Musa palisak basa hata lala'en-na, de nita nae ala tao lan nandaa sama leo Manetualain paletan-na. Boema Musa fes baba'e-papalak.

LUKAS 2:34

Simeon fes baba'e-papalak, boema nafa'da Maria, fo Ni'iana ndia inan nae, “Ni'iana ia, Manetualain hele basan soaneu Ana tao namopo-namate, ma Ana soi-tefa na hataholi Israel ba'u ka. Neukose Ana da'di ta'du esa neme Manetualain mai, ma neukose hataholi ba'u ka ala la'ban nana,

LUKAS 24:50

Basa ndia boema, Yesus nos kalua leo kota Betania leu. Ala losa ndia boema, Ana so'uk lima na de Ana fes baba'e-papalak.

YOSUA 14:13

Boema Yosua ba'e-pala Kaleb, fo Yefune anan-na, de ana fen kota Hebron-na, da'di ndia pusakan.

YOSUA 24:28

Mate'en-na, boema Yosua nadenu hataholi sila fali le'us; boema basa-basas fali le'us leo esa-esak daen-na neu.

SEMUEL SUSULAK-KA ESAN-NA 10:25

Basa boema, Semuel nafa'da mangalele'do leoina ndia, la'eneu manek-ka hak-ka ma bela-ba'un, boema ana sulak-kana nai susulak fo nanape'dak nai mamana malalao-malalafuk-ka dalek. Basa ndia boema, Semuel nadenu leoina ndia lala'en-na, fali le'us leo esa-esak uman neu.

SEMUEL SUSULAK-KA ESAN-NA 13:2

ana hele hataholi Israel lifun telu; nai hataholi sila-la dalek, hataholi lifun dua loo Saul nai Mikhmas, ma nai Betel dae letelepan-na, ma lifun esa loo anamanen Yonatan leu leo Gibea, fo nai leo Benyamin-na nusan-na. Ana po'i laun bei elak-kala fo ala fali le'us leo esa-esak uman neu.

SEMUEL SUSULAK-KA ESAN-NA 2:20

Boema Eli fe baba'e-papalak neu Elkana no saon-na, de nafa'da Elkana nae, “Sa'di leo been-na, Manetualain fe seluk o anak neme o saom ia mai, fo ana nggati ni'iana fo o fe basan neu Manetualain so.” Basa ndia boema, ala fali le'us leo Rama leu.