YOSUA 22:29 - Susula Malalaok Hehelu Palak Ma Hehelu Beuk

²⁹ Mamahele leona, te ami ta nau la'ban Manetualain fa, do hahae makaluku-makatele neun, nenik popo-tama seluk mei tunu-hotu fe'ek, soaneu tutunu-hohotu nanatunuk do tutunu-hohotu gandum do soaneu tunu-hotuk, te se'kona, Manetualain fo ita Manetualain-na nanuu mei tunu-hotuk nai Manetualain Lalaa Teman-na, matan-na so.”

YOSUA 22:29 ပူးပေါင်းရင်းမြစ်များ

KEJADIAN 44:17

Yusuf nae, “Ta, au ta nau tao leondiak fa! Ka'da see ndia fo hapu nggalaa nininuk ndia, neukose ana da'di au atang. Fe'ek kala bole fali no so'dak leo emi amam meu.”

KEJADIAN 44:7

Ala lataan lae, “Tuan dudu'a na leobeek? Ami soo mae ami ta tao leondiak fa!

1RAJA-RAJA 21:3

Nabot nataa nae, “Au bei-ba'i kaing-ngala pusakan osi angol ia. No Manetualain na'den-na, au ta bole fen neu Tuan fa!”

2RAJA-RAJA 18:22

Basa boema, Asyur malanga solda'du manai lain ndia, nafa'da nae, “Do fafa'kama, emi mafa'da, mae emi mamahena neu emi Manetualain do? Nai lelek, Hizkia fe paleta, fo ela hataholi Yehuda-la, ma hataholi Yerusalem-mala, maso-kasasi ka'da nai mei tunu-hotuk manai Yerusalem-ma matan-na, ade nanatao nakalulutuk ndia, ta nde mei tunu-hotuk-ka, ma mamana sene-do'ok neu Manetualain-na hetu?

2TAWARIKH 32:12

Ndia de tao nakalulutuk mamana makaluku-makatele ma mei tunu-hotuk-kala soaneu Manetualain, boema nadenu hataholi Yehuda-la ma Yerusalem-mala sene-do'ok boema ala tunu boomenik nai ka'da mei tunu-hotuk esa.

ROMA 3:6

Tehu ta leondiak fa! Nana metema Manetualain ta ndoos fa soona, tao le'e de naketu-nala'di daebafa ka ia?

ROMA 6:2

Tao leo beeo ta leondiak fa! Nana sala-singo ka, ta koasa ita so'on. Hu ndia de, hapu nai bee, ita bole tao sala-singok takandondoo henin?

ROMA 9:14

Ade besak ia, ita ho'i nakeketu na leo beek? Ita tafa'da tae, Manetualain ta naketu tunga ndo na fa do? Mae tao leo bee o, Manetualain naketu tunga ndo na.

ULANGAN 12:11

Basa soona, neukose emi Manetualaim-ma hele mamanak esa, fo nai bee, emi muse sene-do'ok neun. Emi muse meni basa hata lala'en, fo au paletan neu emi, fo nde, tutunu-hohotu nanatunuk, ma tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, ma tunu-hotu hehelik fo emi helu, fen neu Manetualain.

YOSUA 22:23

Manetualain mesak-kana huku ami, metema ami manuu dudu'a la'ban Manetualain nenik ami mapadedeik ami mei tunu-hotu mesam-ma, fo tunu-hotu tutunu-hohotu nanatunuk, do tutunu-hohotu gandum, do tutunu-hohotu tia-laik-ka neu lain.

YOSUA 22:26

Da'di, ami mapadedeik mei tunu-hotuk, ta soaneu tutunu-hohotu nanatunuk do ami tunu-hotum-mala fa,

YOSUA 22:28

Da'di, ami dudu'am-ma nde ia, leounik-ka, emi tititi-nonosim lafa'da lae leondia soona, ami tititi-nonosim bisa lafa'da lae, ‘Mete mei tunu-hotuk ndia leona! Ami bei-ba'i kaim-mala lapadedeik-la mei tunu-hotuk esa, lupan-na sama no Manetualain mei tunu-hotun-na, ta soaneu tutunu-hohotu nanatunuk, do soaneu tunu-hotuk, tehu soaneu da'di ta'du-tana ba'eneu ita hataholi ka duak-kala.’

YOSUA 22:30

Basa hata fo hataholi maneme leo Ruben, Gad ma leo Manasye manai boboan dulu sila lafa'da mangalele'dok-ka, Imam Pinehas, laun Israel-la, lasi ha'dan ka sanahulun, fo leme Lee Yarden-na boboan muli mai ndia, lamanene. Boema dalen-nala loa-loak mesan, no nafa'da mangalele'dok ndia.

YOSUA 24:16

Boema hataholi Israel sila-la lataa lae, “Neukose ami ta la'oela Manetualain makadondook, fo ami mamahele neu lamatua daebafak-kala fa!

SEMUEL SUSULAK-KA ESAN-NA 12:23

La'eneu au soona, sa'di leo been-na, boso nalosak au asala-asingo neu Manetualain nanahu au ta hule-haladoi fe emi fa. Nasafalin-na, neukose au boeo, au anoli akandoo emi nanolik malole ma ndoos.