YOSUA 22:27 - Susula Malalaok Hehelu Palak Ma Hehelu Beuk

²⁷ tehu soaneu da'di ta'du-tana ba'eneu ita hataholi ka duak-kala, ma ba'eneu ita tititi-nonosin nai fai makabuin, lafa'da lae tete'ek-ka, ami ia sene-do'ok neu Manetualain nai Lalaa Teman-na, nenik teni tutunu-hohotu nanatunuk, tunu-hotuk-kala, ma tutunu-hohotu tia-laik-ka. No enok ndia, neukose emi tititi-nonosim, ta lafa'da lae, ami tititi-nonosim ta lanuu tututi-nanatok hata-hata loo Manetualain fa.

YOSUA 22:27 ပူးပေါင်းရင်းမြစ်များ

KEJADIAN 31:48

Laban nafa'da Yakob nae, “Batu nananaunuk ia, neukose ana da'di, batu nasanenedak neu ita dua.” Hu ndia de, loke mamanak ndia soona lae, Galed.

KEJADIAN 31:52

Nau batu nananaunuk ia, do batu nasanene'dak ndia, fe nasanene'dak neu ita, nae au ta bole la'o seli batu nananaunuk ia, ma batu nasanene'dak ia, fo au sapu-a o, ma o boeo, ta bole la'o seli batu nananaunuk ia, ma batu nasanene'dak ia, fo o sapu-ma au.

MAZMUR 16:5

Manetualain, au anuu-ka, nde ka'da O mesam-ma; O fe au basa hata lala'en fo, au paluuk-ka, au ua-naleng, nai O limam dale.

YESAYA 19:19

Nai lelek ndia, nai nusa Masir-ra usen-na, neukose hapu mei tunu-hotuk esa soaneu Manetualain, ma nai dae toon-na, hapu dii batu esa, fo nanahele hehelik soaneu Manetualain.

ULANGAN 12:11

Basa soona, neukose emi Manetualaim-ma hele mamanak esa, fo nai bee, emi muse sene-do'ok neun. Emi muse meni basa hata lala'en, fo au paletan neu emi, fo nde, tutunu-hohotu nanatunuk, ma tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, ma tunu-hotu hehelik fo emi helu, fen neu Manetualain.

YOSUA 22:10

Lelek leo Ruben, Gad ma leo Manasye manai Lee Yarden-na boboan dulu ndia, losa Gelilot, fo bei nai Lee Yarden-na boboan muli, boema lapadedeik-la mei tunu-hotu matua, manahiik, ma nananita nalelak esa, deka no lee-a.

YOSUA 22:26

Da'di, ami mapadedeik mei tunu-hotuk, ta soaneu tutunu-hohotu nanatunuk do ami tunu-hotum-mala fa,

YOSUA 22:28

Da'di, ami dudu'am-ma nde ia, leounik-ka, emi tititi-nonosim lafa'da lae leondia soona, ami tititi-nonosim bisa lafa'da lae, ‘Mete mei tunu-hotuk ndia leona! Ami bei-ba'i kaim-mala lapadedeik-la mei tunu-hotuk esa, lupan-na sama no Manetualain mei tunu-hotun-na, ta soaneu tutunu-hohotu nanatunuk, do soaneu tunu-hotuk, tehu soaneu da'di ta'du-tana ba'eneu ita hataholi ka duak-kala.’

YOSUA 22:34

Mate'en-na, leo Ruben ma Gad ndia, lafa'da lae, “Mei tutunu-hohotuk ia, ana da'di sakasii soanei ita basa-basa-tala nae Manetualain nde Manetualain-na.” Boema ala foi mei tunu-hotuk ndia na'de, “Sakasii.”

YOSUA 24:27

Basa ndia boema, Yosua nafa'da basa hataholi sila-la nae, “Batu ia, ana da'di ita sakasiin-na. Basa hala-kokolak fo Manetualain kokolak-kana neu ita, Ana kokolak basan nai batu ia matan-na so. Da'di, neukose batu ia, nde da'di sakasii ba'eneu emi, fo ana fe nafandendelek neu emi, fo ela emi ta la'ban emi Manetualaim-ma fa.”

SEMUEL SUSULAK-KA ESAN-NA 7:12

Basa ndia boema, Semuel napadedeik batu esa nai Mizpa no Sen dae toon-na. Nafa'da nae, “Tete'ek-ka Manetualain tulu-fali ita so.” – boema ana foi batu ndia na'de, “Batu Manatulu-manafali.”