YOSUA 22:25 - Susula Malalaok Hehelu Palak Ma Hehelu Beuk

²⁵ Mitak, Ana tao Lee Yarden ia neu ita tala'da, fo ela ana ba'e ami moo emi, fo Ruben ma Gad hataholin-nala. Te'e-te'e, emi ta manuu tututi-nanatok hata-hata moo Manetualain fa.’ Soona mahani te, neukose hata da'di? Tao leo bee-o, neukose emi tititi-nonosim, tao-la ami tititi-nonosim hahae makaluku-makatele neu Manetualain.

YOSUA 22:25 ပူးပေါင်းရင်းမြစ်များ

2 SEMUEL 20:1

Nai kota Gilead-ta, hapu tou manatao tasibu esa, na'de Seba. Bikri neme leo Benyamin-na mai, anan ndia. Lelek hataholi manatunga Dauk-ka, beenongo mai boema, Seba puu pupuuk-ka, ma naloo bou-bou nae, “Dauk ndia, hataholi fe'ek, de sosoak hata, ita tunga hataholi ndia? Hai hataholi Israel-la lemin, mai fo ata fali teu-tala!”

1RAJA-RAJA 12:16

Lelek laun-na bubuluk lae manek-ka ta nau namanene fas boema ala eki ma lafa'da lae, “Tafaduli beek neu Dauk ma tititi-nonosin-nala! Sila beita tao lita hata esa boen soaneu ita fa. Laun Israel-la lemin, mai fo ita fali te'u tala! Neme na fo ana ito-ato ndia aoinan-na mesak-kana!” Boema laun Israel-la fali Leona,

1RAJA-RAJA 14:16

Neukose Manetualain la'oela Israel nanahu Yerobeam nasala-nasingo so, ma ana tao na hataholi Israel-la lasala-lasingo boe.”

1RAJA-RAJA 15:30

Yerobeam nasala-nasingo, de ana tao na hataholi Israel-la boeo lasala-lasingo. No enok ndia, Yerobeam tao lafo'a Amak fo hataholi Israel-la Manetualain-na nasa-melun.

NEHEMIA 2:20

Boema au ataa ae, “Manetualain fo manakoasa nai nusa so'dak-ka, neukose Ana tao-na ami ue-le'dim nabuna-naboa. Ami nde been-na Ndia atan-nala, de neukose ami mulai mafofo'a. Tehu emi ta manuu hak do pusaka hata esa boen nai Yerusalem fa. Nakalenak metema hataholi kokolak la'eneu Yerusalem soona, neukose ala ta seseik o na'dem-ma fa.”

MAZMUR 16:5

Manetualain, au anuu-ka, nde ka'da O mesam-ma; O fe au basa hata lala'en fo, au paluuk-ka, au ua-naleng, nai O limam dale.

HATAHOLI 8:21

O ta manuu hak soaneu tunga ami nai ami lau-onom dalek fa, nana o dale ma ta ndos soaneu Manetualain fa.

YOSUA 22:24

Ade, ami dudu'am-ma, ta nde ndia fa, tolano-tolanoong-ngala lemin! Ami mapadedeik mei tunu-hotuk ndia, nanahu ami bii-bii ka'da, mahani te neu fai makabuin te, neukose emi tititi-nonosim lafa'da ami tititi-nonosim lae, ‘Emi ta manuu tututi-nanatok hata-hata moo Manetualain fo Israel Manetualain-na fa!

YOSUA 22:26

Da'di, ami mapadedeik mei tunu-hotuk, ta soaneu tutunu-hohotu nanatunuk do ami tunu-hotum-mala fa,

YOSUA 22:27

tehu soaneu da'di ta'du-tana ba'eneu ita hataholi ka duak-kala, ma ba'eneu ita tititi-nonosin nai fai makabuin, lafa'da lae tete'ek-ka, ami ia sene-do'ok neu Manetualain nai Lalaa Teman-na, nenik teni tutunu-hohotu nanatunuk, tunu-hotuk-kala, ma tutunu-hohotu tia-laik-ka. No enok ndia, neukose emi tititi-nonosim, ta lafa'da lae, ami tititi-nonosim ta lanuu tututi-nanatok hata-hata loo Manetualain fa.

SEMUEL SUSULAK-KA ESAN-NA 26:19

Ama Manek, mamanene atam-ma dokodoen ia. Leounik-ka, Manetualain nde nadenu Ama Manek, fo daenga la'ban atam-ma soona, tunu-hotu tutunu-hohotuk esa, fo neukose ana hapu tao natenak heni nasa-melun neu atam-ma. Tehu, leounik-ka, manamadenu Ama Manek ndia, nde been-na, hataholi daebafak soona, sa'di leo been-na, Manetualain soo-supas! Nanahu no sila tatao-nono'in ndia de, atam-ma nanausi henik neme Manetualain dae-na mai, de no nakasetik, atam-ma muse neu leo mamana fe'ek, fo nai bee, atam-ma muse sene-do'ok neu lamatua daebafak nusa dea-la.