YOSUA 22:22 - Susula Malalaok Hehelu Palak Ma Hehelu Beuk

²² “Fo Manakoasa nde Manetualain! Fo Manakoasa nde Manetualain! Ana bubuluk, tao le'e de, ami tao dede'ak ia, ma ami nau, fo ela emi boeo bubuluk-kana! Leounik-ka, ami tao dede'ak ndia, no dudu'ak la'ban Manetualain do hu kande, ami ta mamahele seluk-kana fa soona, nemen-na fo ami mate besak ia boe!

YOSUA 22:22 ပူးပေါင်းရင်းမြစ်များ

1RAJA-RAJA 8:39

sa'di leo been-na, O nai O mamana leleom manai nusa so'dak-ka mamanene boema fe do'o do ampon ma tulu-falis. Ka'da O mesam-ma nde bubuluk hataholi daebafak-ka dale bobongo anan-na. Hu ndia de, tao hataholi esa-esak nandaa no tatao-nono'i nala,

AYUB 10:7

Tunga ndoon-na, O bubuluk ma mame'da, mae au salang ta, tehu ndoos. O bubuluk mae ta hapu esa boen ana soi-tefa nala au neme O limam-ma mai fa.

AYUB 23:10

Tehu, Ana bubuluk basa au enong lala'en-na, boeo au ei nggangganing lala'en-na Metema, Ana fola au, sama leo lilopilas-sa, soona neukose, Ana bubuluk nae, au daleng-nga leo lilo isik.

AYUB 31:22

soona nemen-na, fo la'di au limang duas, fo latapo'i leme au alung-nga mai.

MAZMUR 136:2

Moke makasi neu Manetualain Fo Mademaina; susue-lalain manaketu-basa tak, losa dodoon-na.

MAZMUR 37:6

Neukose, Ana nafa'da o lilinekam sama leo mangale'dok-ka, ma o dale ndoom-ma, sama leo fai lele'don-na.

MAZMUR 40:9

Au amahoko tao-no'i O hihii-nanaum, ou Manetualain, au pe'da O hoholo-lalanem nai au daleng dale.”

MAZMUR 44:21

Leounik-ka, ami ta sene-do'ok seluk neu Manetualain fa, te ami hule-haladoi neu lamatua daebafak fa'ek soona,

MAZMUR 44:22

tao leo bee-o, neukose Ana bubuluk-kana, nana Ana bubuluk dede'a nananafunik manai ami dalem dale-a.

MAZMUR 50:1

Asaf kokoa-kikion. Manetualain Fo Manakoasa, kokolak nae, Naloo bou-bou neu daebafak-ka lala'ena, neme dulu losa muli.

MAZMUR 82:1

Asaf Kokoa-kikion. Manetualain nauli-nalanga nakabua malalao-malalafuk-ka, nai nusa so'dak-ka, boema Ana fe naketu-nala'din nae:

MAZMUR 95:3

Nana Manetualain nde bee-na, Manetualain fo matua-madema, Manek makadelek fo nai lamatua daebafak lala'ena lain.

MAZMUR 97:7

Basa hataholi fo, manasene-do'ok neu sosongo-tatangok-ka, neukose nananakamumulu-nakamamaek, ma hataholi fo, dalen-na namatua neu bua-lo'as fo sosoa-ndandaan tak-kala; basa lamatua daebafak-kala, neukose ala sene-do'ok nai Manetualain matan.

KELUARAN 18:11

Besak ia, au bubuluk ae Manetualain, ba'ulena basa lamatuak lala'en-na, nanahu Ana tao basa sila-la, nai lelek hataholi Masir-ra no koao-ndaeaok nanseli, ala tuni-ndeni hataholi Israel-la.”

YEREMIA 12:3

Ou Manetualain, tehu O malelak au. O mita beek-ka fo au tao-no'ik-ka, ma o bubuluk au dale maedaenga tao leo beek soaneu O. Tipa-soli hataholi-hataholi mangalauk sila la leo deak neu, menis sama leo bi'i lopo-a leo mamana dodo'dok-ka neu. Maneas losa fain-na losa soaneu sila nana do'dok.

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

DANIAL 11:36

Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.

DANIAL 2:47

Manek-ka nafa'da nae, “Tete'ek-ka Danial, o Manetualaim ndia matuaina nanseli nai basa Manetualain lala'en-na. Ndia nde been-na, manakoasa neu basa manek lala'en-na, ma manasoi heni basa bibila-babaak lala'en-na. Au bubuluk dede'ak ndia, nana o mafa'da-malak bibila-babaak ndia sosoa-ndandaan.”

MIKHA 7:9

Ita tasala-tasingo basa neu Manetualain so, hu ndia de besak ia, ita muse tame'da tita nasa-melun. Tehu ta dook-ka so'on, te neukose nasala'e ita, ma Ana fe ndoos ma matetuk-ka neu ita. Neukose no ita kalua leo mangale'dok-ka teu; neukose ita tame'dan tae, Ana soi-tefa-na ita.

MALEAKHI 3:18

Neukose Au anang-ngala, lita seluk hataholi malole, ma hataholi mangalauk, hataholi manasene-do'ok, ma manasene-do'ok tak-ka, so'dan-nala ta sama fa.”

YOHANIS 21:17

Yesus natanen neu kala'i telu na nae, “Simon, fo Yona anan, ade o sue-lai Au do ta?” Boema Petrus dale na he'di sa, nana Yesus natanen losa la'i telu, Boema Petrus nataa seluk nae, “Lamatuak, Lamatua ka bubuluk basa hata lala'ena. Lamatua ka bubuluk, au sue-lai Lamatua ka!” Boema Yesus nafa'dan nae, “Makaboboi Au bi'ilopo ngala.

HATAHOLI 1:24

Boema ala hule-haladoi lae, “Ou Lamatuak, O bubuluk basa hataholi daebafa ka dale na. Yudas ia, Lamatua ka hataholi nadedenun, tehu ana tu'da neme kandela nagatutuu na mai, de maten so. Hu ndia de, matu'du fe ami, nai hataholi kaduak ia la, see ka nde Lamatua ka helen, soaneu nakalala'ok bela-ba'uk ndia nggati Yudas.”

HATAHOLI 25:11

Metema au la'olena hoholo-lalanek do au tao salak esa nandaa huku nisa au, soona au hii au mate. Tehu metema sila kalaan sila la, ta tete'e ka fa soona, ta bole hataholi esa boen fe au leo hataholi sila la neu fa. Au oke palisak au dede'a nga nai Kese la mana maketu-mala'di nala!”

2 KORINTUS 11:11

Tao le'e de au afa'da ae leondia? Ade hu ka nde au ta sue-lai emi fa do? Manetualain bubuluk au sue-lai emi!

2 KORINTUS 11:31

Manetualain, fo Lamatuak Yesus Aman, Ana bubuluk nae, au ta pepeko fa. Koa-kio na'de na losa dodoo na.

2 KORINTUS 5:11

Ami bubuluk, sosoak hata ita bii Lamtua ka; hu ndia de ami sanga enok fo hataholi la lamahele, see ami ia. Manetualain nalelak besa-besa no ami, de au amahena emi boeo malelak ami nai emi dalem dale.

ULANGAN 10:17

Emi Manetualaim-ma, nai basa lamatua daebafak lala'en-na lain, ma koasan-na, lena heni basa koasa lala'en-na. Ndia nde Manetualain fo, matua-madema ma manakoasa, de muse tungan. Ana ta metematak fa, ma Ana ta nau hataholi solo dalen-na nenik hata esa boen.

1 TIMOTIUS 6:16

Ka'da Ndia mesa kana nde, mamate sa ta koasa nala fan; Naso'da nai ndela-sa'a ka dalek, fo ta hapu hataholi esa boen, deka no fan. Ma hataholi daebafak esa boeo, beita nitan la'iesa boen, do hapu nita hai son. Basa ha'da-holomata ma koasa ba'eneun, losa dodoo na! Tete'e ka.

IBRANI 4:13

Ta hapu mahahaek esa boen, fo nanafunik neme Manetualain mata memete na mai fa. Basan lala'ena makaholak ma nanabukak nai mata na. Hu ndia de, ita muse fe natataak neun.

YOSUA 22:21

Boema, leo Ruben, Gad ma leo Manasye manai boboak dulu ndia, hataholin-nala lataa lae,

NINITAK 19:16

Nai ba'du manalu na, ma nai puu na nanasulak na'de ka nde ia, “Manek nai basa manek lala'ena.”

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

SEMUEL SUSULAK-KA ESAN-NA 15:23

Nana la'ban Manetualain soona, mangalaun-na sama leo hataholi manasuangik-ka, ma dale manakoao-ndaeaok-ka, mangalaun-na, sama leo sene-do'ok neu lamatua daebafak-ka. Hu ka nde Ama Manek la'ban basa Manetualain paletan-na so, de Manetualain boeo, ta manaku Ama Manek da'di leo manek so'on.”

SEMUEL SUSULAK-KA ESAN-NA 2:3

Hahae o tutui bafa loum-ma leona! Hahae o kokola manakoao-ndaeaom-ma leona! Nana Manetualain ndia, Manetualain fo manabubuluk basa hata lala'en-na; fo mananaketu-nala'di basa hataholi-a tatao-nono'in lala'en-na.