YOSUA 22:19 - Susula Malalaok Hehelu Palak Ma Hehelu Beuk

¹⁹ Metema, emi nusam ndia manggenggeok, fo ta nandaa taon da'di mamana makaluku-makatele neu Manetualain fa soona, lali heok-kana leo ia mai, fo leo Manetualain nusan-na mai, fo Manetualain Lalaa Teman-na nai ndia. Ami fe emi ami nusam-ma seli, tehu sa'di boso la'ban Manetualain do la'ban ami nenik popo-tama seluk mei tunu-hotu fe'ek esa, te se'kona Manetualain fo ita Manetualain-na nanuu mei tunu-hotuk so.

YOSUA 22:19 ပူးပေါင်းရင်းမြစ်များ

2TAWARIKH 11:13

Imam-imam-mala loo basa hataholi Lewi manai nusak Israel-la leu lakabubua da'di esa loo Rehabeam.

KELUARAN 15:17

Boema O hela-nole Israel leo mamanak fo O helen soaneu O mamana leleom-ma. Ala leo lahele leme O pupuku malalao-malalafum-ma nai Uma fo O nde mapadedeik-kana.

DANIAL 10:13

Ata nusa so'dak manamasulu-mahapa nusa Persia, la'ban au kilo duahulu esa dalen-na. Boema Mikhael, fo ata nusa so'dak-kala mauli-malangan-na, ana mai tulu-fali au. Au la'oelan neme naa, fo nai Persia.

AMOS 7:17

Manetualain nafa'da nae, neukose o saom-ma da'di ina manasosoa piaok nai kota enon-nala lain, ma mate o anam-mala nai natee-natatik dale. O daem-ma neukose nanababa'ek neu hataholi fe'ek, ma neukose mate o nai hataholi fo ta lalelak Manetualain nusa-namon. Tao leo bee-o, neukose Israel laun-nala nanafook leo mamana tu'u-tapak neu, fo dook-ka neme nusan-na mai.”

YOSUA 18:1

Langatuu-la Manetualain helu nusak-ka boema, hataholi Israel-la lala'en-na, lakabubua nai Silo, de lapadedeik Lalaa temak soaneu Manetualain mamain-na.

YOSUA 22:11

Hataholi Israel fe'ek fo sila bei leoina esa, lamanene boema, lafa'da lae, “Leo Ruben, Gad ma leo Manasye manai Lee Yarden-na boboan dulu, hataholin-nala lapadedeik-la mei tunu-hotuk esa nai Gelilot, deka no Lee Yarden-na, nai ita nusan dale ndia!” Boema, basa-basas lakabubua nai Silo, fo sanga leu lata'ti loo Israel leo-leon manai Lee Yarden-na boboan dulu ndia.