YOSUA 21:44 - Susula Malalaok Hehelu Palak Ma Hehelu Beuk

⁴⁴ Boema nandaa no Manetualain helun neu sila bei-ba'i kain-nala, de nusak ndia nee-nee lino-linok, nanahu Manetualain nasulu-nahapan. Musu-musun-nala, ta hapu esa boen hapu la'ban-nana fa, nana Manetualain fe hataholi Israel-la sengi basa musun-nala.

YOSUA 21:44 ပူးပေါင်းရင်းမြစ်များ

2TAWARIKH 13:16

nalosa lalai. Manetualain fe hataholi Yehuda-la sengis.

KELUARAN 23:31

Neukose, Au aketu emi nusam-ma dae toon-na neme Namo Akaba losa leo Lee Efrat-ta neu, ma neme Tasi Tala'dak losa leo mook solokaek-ka neu. Nai lelek emi tutulumatak fo emi loso-ma dae ndia soona, Au fe emi koasa soaneu koasa nusak ndia laun-na, nalosa emi hapu usi henis.

KELUARAN 33:14

Manetualain nae, “Neukose Au asulu-ahapa o, ma Au fe o tetu-temak.”

YESAYA 63:14

Manetualain nos leo, mamana hahaeaok-ka neu, sama leo foo bana-manu, fo leu la'a na'u nai mook-ka. Leondiak, Ana hela-nole anan-nala, fo ela na'den-na, nana namatutua-namadedemak.

ULANGAN 2:36

No ita Manetualain-na tutulu-fafalin, de ita hapu loso-ta, basa kota sila-la, mulai neme Aroer mai, fo nai Bafak Arnon-na, ma kota manai bafak ndia tala'da, losa dae Gilead-ta. Ita tao takalulutuk basa papala nanadaman-nala.

ULANGAN 21:10

“Metema, emi matee-matati, fo emi Manetualaim-ma fe emi sengi, boema emi foo meni hataholi nanafook,

IBRANI 4:9

Da'di ba'eneu Manetualain hataholi kamahehele nala soona, bei hapu hala-heheluk soaneu ala hahae ao nala, sama leo Manetualain hahae ao na, nai faik kahitu ndia.

YOSUA 1:13

“Mafandendelek! Te Musa fo Manetualain atan ndia, nafa'da basa emi nae, emi Manetualaim-ma, Ana fe emi dae manai Lee Yarden-na boboan dulu, fo da'di emi nusam.

YOSUA 1:15

Emi muse tulu-falis, losa langatuu-la dae manai Lee Yarden-na boboan muli ia, dae fo emi Manetualaim-ma, fen neu sila. Metema Manetualain fe basa leoina Israel-la lala'en-na laso'da no nee-nee lino-linok soona, besak-ka emi bole fali me'um-ma leo emi daem manai Lee Yarden-na boboan dulu ia, fo Musa Manetualain atan ndia ana fen neu emi.”

YOSUA 1:5

Ta hapu hataholi esa boen, neukose bisa sengi o fa Yosua, nai o fai maso'dam-ma dalek. Nana neukose Au nai o boboam-ma tataas esa, sama leo makahulun-na, Au nai Musa boboan-na. Neukose, Au ta la'oela o fa.

YOSUA 11:12

Yosua nangatuun-na la'iesak kota sila-la, ma ana ho'un-na manen-na, de ana taonisan, nandaa no Musa fo Manetualain atan ndia, paletan-na.

YOSUA 11:23

Yosua nangatuun-na nusak ndia lala'en-na, nandaa no Manetualain paletan neu Musa, boema Ana fen neu leoina Israel-la, fo da'di sila pusakan. Ala baba'e nusak ndia, de leo esa-na, ana hapu baba'ek esa. Leoina Israel-la hahae natee-natatik-ka, boema nusan-na nee-nee lino-lino ma so'da-molek.

YOSUA 11:8

De Manetualain tao-na hataholi Israel-la sengis. Hataholi Israel-la sapu-lalas, de ala usis losa Misrefot-Maim ma Sihon nai boboak kii, ma losa Bafak Mizpa nai boboak dulu. Natee-nata'tik-ka nakadedelek losa ta ela musu-a, hataholin esa boen – mate la'iesa kasa.

YOSUA 2:24

Basa boema, lafa'da lae, “Tao leo bee-o, Manetualain fe la'iesak nusak ndia leo ita mai; basa hataholi manai naa-la, ala bii ita.”

YOSUA 22:4

Hu ndia de, nandaa no hehelu-balataan, de Manetualain fo emi Manetualaim-ma, fe basa nee-nee lino-linok-ka neu emi tolanoom-mala, ma hataholi Israel fe'ek-kala so. Da'di, besak ia, fali me'um-ma leo makahulun-na Musa fe emi nusak manai Lee Yarden-na boboan dulu ndia meu.

YOSUA 23:1

Doon-na seli, nai lelek Manetualain fe hataholi Israel-la nee-nee lino linok; boema musu-a ta fes nasanene'dak mahelek so'on. Nai lelek ndia Yosua namalasi nanseli so.