YOSUA 21:1 - Susula Malalaok Hehelu Palak Ma Hehelu Beuk

^1-2 Faik esa boema, basa malanga uma loo manai leo Lewi dalek, leu leo Silo, nai nusa Kanaan-na, fo leu lataa Imam Eleazar, Yosua, fo Nun anan-na, ma basa leoina Israel-la, leo-leon-nala, malanga uma loon-nala lala'en-na. Lafa'da lae, “Manetualain Ana paleta basa tunga Musa so, fo ela fe ami, fo hataholi Lewi-la kota-kota, soaneu mamana leleok, ma moo mana'uk-kala nai kota sila-la boboa-kaisun, soaneu ami bana-manum-mala.”

YOSUA 21:1 ပူးပေါင်းရင်းမြစ်များ

KEJADIAN 49:7

Sila nasa-melun, nanasoo-supak leona, nanahu nasa-melun ba'un-na seli. Sila nasa-melu mangalaun-na, nanasoo-supak leona, nanahu dale susue-lalai taak-kala. Neukose Au tao tapasasalas nai basa Israel lala'en-na. Neukose Au nggenggela-ngganggalis lai leoina lala'en-na tala'da.

KELUARAN 6:14

Simeon no saon fo hataholi Kanaan-na, ana bongi anatouk nee, fo nde: Yemuel, Yamin, Ohad, Yakhin, Zohar ma Saul. Fo leo-ingu-leo-ingu manai leo Simeon-na dalek, bei-ba'i kain nde hataholi sila.

KELUARAN 6:25

Harun no Musa ndia, nde Manetualain paletas, soaneu loo hataholi Israel-la, kalua leme Masir mai.

BILANGAN 35:1

Manetualain nafa'da Musa neme masadokek Moab-pa, fo nai Lee Yarden-na su'un-na, fo deka no kota Yerikho-a nae,

BILANGAN 35:8

La'eneu emi sanga fe hataholi Lewi-la kota neme hataholi Israel-la dae pusakan-na mai soona, emi muse ho'i kota ba'uk-ka neme leo matua-la mai, ma kota lumanak neme leo anak-kala mai.”

YOSUA 14:1

Tutuik manamaik ia la'eneu nusa Kanaan-na, nai Lee Yarden-na boboan muli, baba'en leo beek neu hataholi Israel-la. Manababa'e dae ndia neu hataholi Israel-la, nde Imam Eleazar, Yosua fo Nun anan-na, ma leoina Israel-la, mane leon-nala.

YOSUA 17:4

Leu leo Imam Eleazar, Yosua, fo Nun anan-na, boema mauli-malangan-nala, de lafa'da lae, “Manetualain nafa'da Musa, nae ami boeo, muse sama-sama hapu dae, sama leo ami tolanoo toum-mala.” Hu ndia de, nandaa no Manetualain paletan-na, de ala fe Zelafehad ana inan sila-la dae, sama-sama loo sila tolanoo toun-nala.

YOSUA 19:51

Leondiak, Imam Eleazar, Yosua, fo Nun anan-na, ma basa malanga umaloo manai leoina Israel-la leon-nala dalek, baba'e dae manai nusak ndia, nenik ala tu'u batu, fo loke natutu'duk neme Manetualain mai. Ala taon neme Silo, fo nai lelesu manai Manetualain Lalaa Teman-na, lelesun-na, matan-na. Dae ndia baba'en-na, nate'e ndia.