YOSUA 2:19 - Susula Malalaok Hehelu Palak Ma Hehelu Beuk

¹⁹ Metema, sila esa kalua neme uma ia dalek mai, fo nanataonisak soona, ndia mamaten-na ndia nde been-na ndia sala mesan ndia; ami ta lu'a-lepa dede'ak ndia fa. Tehu metema nggelok hapu soe nai uma ia dalek soona, ami nde lu'a-lepa soe ndia.

YOSUA 2:19 ပူးပေါင်းရင်းမြစ်များ

2 SEMUEL 1:16

Dauk nafa'da ta'eanak Amalek ndia nae, “O nde maketu aom huhuku nisak ia, soaneu o aoinam-ma, nana o manaku mae o taomisa manek, fo Manetualain helek-ka!”

2 SEMUEL 4:11

Neukose, au aketu huhuku nabelaina lena seluk, soaneu hataholi dale mangalauk, fo manataonisa hataholi sala taak-ka, bei sungu nai uman dale. Besak ia, nau do ta nau fa, au muse balas emi kanisam ndia, boema au tao amopo-amate emi neme daebafak ia poin-na mai!”

1RAJA-RAJA 2:32

Neukose Manetualain hukun nanahu kanisak fo ana taon te au amang ta bubuluk fa. Abner, Ner anan-na fo Israel malanga solda'du matuainan-na ma Amasa, Yeter anan-na fo Yehuda malanga solda'du matuainan-na ta lasala fa. Sila malole lena neme Yoab mai, tehu ana taonisas.

KELUARAN 12:13

Daak manai emi umam-ma lelesu-na, neukose ana da'di ta'du-tana neme uma fo emi mamana leleom-ma. Metema Au ita daak ndia soona, Au la'o seli emi, ma nai lelek Au huku Masir-ra, Au ta tao amopo-amate emi fa.

KELUARAN 12:22

Ho'i-ma na'u hisop puputuk esa, fo dopen leo bokol fo bi'ilopo ndia daa-na nai dalek-ka, fo losen neu emi umam-ma lelesun-na diin duas, ma neu netes manai lelesu-a lain. Ta bole emi hataholim esa boen, la'oela uman-na, losa fafaik fa.

KELUARAN 12:23

Nai lelek Manetualain, la'ok okofeo nusak ia, fo Ana taonisa hataholi Masir-ra, neukose Manetualain nita daak manai emi umam-ma lelesun-na diin duas, ma nai netes manai lelesu-a lain; soona neukose, Ana la'ok nakandoo, ma Ana ta fe Ata nusa so'dak fo maneni Mamates-sa loak ana masok emi umam-ma, fo ana taonisa emi fa.

IMAMAT 20:11

Touk esa, ana sungu no aman saon esa soona, ana la'olena aman hak-ka. Muse hukunisan no inak ndia. Sila mate, hu kande sila salan-na.

IMAMAT 20:9

Manetualain fe nakanenetek-kala nde ia nae, “Hataholi fo ana soo-supa aman do inan soona, muse hukunisan. Ana mate, hu kande salan-na.

MATEOS 24:17

Hataholi manai uma punin lai na, ana boso kona fo ana ho'i hata-hata neme uma dale mai.

HATAHOLI 18:6

Tehu, hu ka nde hataholi la ka'da ala la'ban lakandoon ma lakamumulu-lakamamae kana boema, ana ngganggafuheni daesopuk manai bua-lo'a papake na, fo ana da'di neu ta'du-tana soaneu ana fe nasanene'dak neu hataholi sila sala-singo nala. Paulus nae, “Metema emi hapu susa-soe soona emi salam ndia! Te au po'i au lima nga! Mulai besak ia, au sanga u leo hataholi ta Yahudi la.”

HATAHOLI 20:26

Hu ndia de, faik ia au afa'da emi te metema nai emi basa-basa mala ia, nggelok hapu momopo-mamates soona, au salang ta ndia fa.

HATAHOLI 27:31

Tehu Paulus nafa'da malanga solda'du matuaina no solda'du ana kala nae, “Metema ofa isi la ta lahele leme ofak ia lain fa soona, tolanoo kala basa-basa mala ta maso'da fa.”

FILIPI 3:9

fo te'e-te'e, au da'di esa on. Au ta sanga enok soaneu tututi-nanatok no Manetualai na, malole falik, tunga agama hoholo-lalanen so'on. Besak ia, au tututi-nanatong no Manetualai na malole falik, nanahu au amahele neu Kristus so. Da'di, tututi-nanato malole ndia, ana da'di neme Manetualai na mai, ma tunga namahehelek neu Yesus Kristu sa.

IBRANI 10:29

Huhuku na bela na seli, nanaketuk neu hataholi fo ana heheta-aa'i Manetualain Anan na. Hu ka nde hataholi ndia nakadadaek Manetualain hehelu-balataa daa na, fo nde Kristus mamate na, fo mana tao balisin neme sala-singon mai. Ndia boeo nakamumulu-nakamamaek Manetualain Dula Dalen fo mana fe do'o do ampon matua ina nanseli a.

YOSUA 2:12

Au amahena, emi nau soo-supa menik na'den-na, mae neukose emi ta tao mangalauk, neu au teidaleng-ngala fa, sama leo au ta tao mangalauk neu emi fa. Maheluk mae, neukose emi ta taomisa au ina-amang, au tolanoong-ngala loo sila teidalen-nala lala'en-na, tehu neukose emi masulu-mahapas. Hu ndia de, fe ta'du-tana esa, fo da'di bua pepe'dak nae, au bisa amahele emi!”

YOSUA 2:14

Boema hataholi ka duak sila-lataa lae, “Ami maheluk mae neu faik bee fo Manetualain fe nusak ia neu ami soona, neukose ami ta tao mangalauk neu emi fa, sa'di o boso tui hataholi esa boen, mae ami nai ia. Metema, ami ta tao matetu hehelu-balataak ndia fa soona, nemen-na fo Manetualain soo-supa ami.”

YOSUA 2:20

Nasafalin-na, metema emi mafa'da hataholi esa, mae ami nai ia soona, ami matapo'i neme hehelu-balataak, fo o moken neme ami mai ndia.”