YOSUA 2:14 - Susula Malalaok Hehelu Palak Ma Hehelu Beuk

¹⁴ Boema hataholi ka duak sila-lataa lae, “Ami maheluk mae neu faik bee fo Manetualain fe nusak ia neu ami soona, neukose ami ta tao mangalauk neu emi fa, sa'di o boso tui hataholi esa boen, mae ami nai ia. Metema, ami ta tao matetu hehelu-balataak ndia fa soona, nemen-na fo Manetualain soo-supa ami.”

YOSUA 2:14 ပူးပေါင်းရင်းမြစ်များ

KEJADIAN 24:49

Besak ia, metema emi nau tao au tuang-nga no malole, ma tao matetu emi lulu'a-lelepam soaneun, da'dileo tolanook soona, sa'di leo been-na mafa'dan neu au, tehu metema ta soona, mafa'dan neu au boe, fo ela au bubuluk, au muse tao beek.”

KEJADIAN 47:29

Lelek faim-ma losa, fo sanga maten boema, naloo Yusuf fo anan ndia, boema nafa'da nae, “Metema o sue au soona tao o limam-ma neu au puu huung duas tala'da, fo soo-supa mae neukose o ta matoi au nai Masir ia fa.

2 SEMUEL 2:5

nadenu hataholi neu leo naa neu, fo nanduku-nalosak hala-heheluk-ka nde ia nae, “Sa'di leo been-na, Manetualain fe emi baba'e-papalak, nanahu emi matu'du basa, emi lilinekam neu emi manem-ma, nenik emi matoi-matono popolan-na so.

2 SEMUEL 2:6

Hu ndia de, sa'di leo been-na, Manetualain natu'du lilinekan ma susue-lalain neu emi. Au boeo, tao emi no malolen-na, nanahu emi tatao-nono'im ndia.

2 SEMUEL 9:1

Faik esa boema, Dauk natane nae, “Bei hapu hataholi maso'dak nai Saul teidalen-nala dalek boe do ta? Metema, bei hapu soona, au hii tao malole neus, nanahu Yonatan.”

1RAJA-RAJA 20:39

Lelek manek-ka tunga ndia boema, nabi ndia naloo bou-bou neun nae, “Ama Manek fo Mandela-masa'ak, nai lelek au bei atee-atati nai natee-natatik-ka dalek, solda'du esa ho'un-na musu hataholin esa de non leo au mai. Solda'du ndia nae, ‘Manea matalolole hataholi ia. Metema nalai soona, muse taonisa o fo nggatin do bae doifulak lifun telu.’

AMSAL 14:22

See sanga enok, fo ana hapu malole-a soona, neukose nananamahelek, ma ana hapu ha'da-holomata; tehu see tutu'u eno mangalauk soona, nai eno matofa-matalak lain.

AMSAL 18:24

Hapu tia-laik fo, ana ta lilineka fa, tehu hapu nggelok malole-na seli, neme tolanook esa mai.

MATEOS 5:7

Maua-manalek neu hataholi fo mana sue-lai hataholi fe'e ka; nanahu neukose Manetualain sue-lais boe!

HATAHOLI 23:22

Boema malanga solda'du nae, “Boso mafafa'da hataholi esa boen mae, o mafa'da basa dede'ak ndia neu au so. Boema nadenu ni'iana ndia fali ne'un leona.”

YOSUA 2:15

Hu kande ala tao Rahab uman-na nai kota papala nanadaman-na, de Rahab nakona hataholi ka duak sila nenik tali, tunga jendela leo deak neu.

YOSUA 6:17

Basa kota no oe-isin lala'en-na, muse tao nakalulutuk la'iesak-kasa, fo da'di leo tutunu-hohotuk soaneu Manetualain. Ka'da Rahab, fo ina manasosoa-piaok ndia, no teidalen-nala mesak-kasa, bole fes laso'da, nanahu ana tulu-fali ita mata-matan-nala so.

YOSUA 6:22

Yosua nafa'da hataholi ka duak manada'di mata-mata la, nae, “Meu leo ina manasosoa-piaok ndia uman meu, fo moon kalua sama-sama no teidalen-nala, sama leo emi helu neun.”

YOSUA 6:25

Tehu, Yosua fe Rahab fo ina manasosoa-piaok ndia, no basa teidalen lala'en-na, laso'da, nanahu ana tulu-fali Yosua nadenu mata-mata ka duak, fo nadenus leu leo Yerikho leu. (Losa faik ia, bei hapu Rahab tititi-nonosin lai Israel.)

SEMUEL SUSULAK-KA ESAN-NA 20:8

Au oke tutulu-fafalik neme o mai, nanahu ita tao basa hengenee-balataak nai Manetualain matan so. Tehu, metema au asala soona, taomisa au, tehu boso fe au leo o amam neu.”