YOSUA 2:10 - Susula Malalaok Hehelu Palak Ma Hehelu Beuk

¹⁰ Ami mamanene basa halak la'eneu, da'di tao leo beek de, Manetualain tao nama'da Tasi Gelagah nai emi matam, lelek emi la'oela Masir. Ami boeo mamanene basa, tao leo beek de, emi taomisa Sihon ma Og, fo leoina Amori mane ka duan sila-la, neme Lee Yarden-na boboan dulu.

YOSUA 2:10 ပူးပေါင်းရင်းမြစ်များ

MAZMUR 74:15

O nde fe oemata-la ma lee-la faa; O tao makamama'dak lee matua-la.

BILANGAN 20:14

Basa boema, Musa nadenu hataholi-la leme Kades, fo leu leo Mane Edom-ma leu. Lafa'da manek-ka lae, “Ami meme leo-leo Israel-la mai, fo bei daak esa moo Tuan. Fafa'kama Tuan bubuluk susa fo manatuni-ndeni nala ami-a so.

BILANGAN 23:22

Manetualain nde nos kalua leme Masir mai; Ana natee-natati soaneus, sama leo sapi fuik-ka.

BILANGAN 24:8

Manetualain nde nos kalua leme Masir mai, Ana natee-natati soaneus, sama leo sapi fuik-ka. Neukose Ana ko'do heni, leoina fo, manamusu loon-na, Ana tao nakalulutuk duin-nala, ma Ana helu la'di kokou isin-nala.

ULANGAN 2:30

Tehu Mane Sihon-na ta fe ita loak la'ok tunga ndia nusan-na fa. Emi Manetualaim-ma fen nalanga batu, ma dalen-na natea, fo ela ita hapu sengin. Ita bei tangatuu-ta daen-na losa besak ia.

YOSUA 24:12

Nai lelek emi tutulumatak fo mata'ti moos boema, Au tao-alas lapangamak ma ala bii, nalosa Amori manen ka duak sila-la, lalai leme emi mai. Emi sengi, ta hu kande emi tafainam-ma, ma boeo ta hu kande emi kokoum-ma fa.

YOSUA 4:24

fo ela basa hataholi manai daebafak-ka bubuluk, Manetualain koasan-na ba'un-na seli. Ma no enok ndia boe, neukose emi fe ha'da-holomata neu emi Manetualaim-ma, losa dodoon-na.”

YOSUA 5:1

Basa mane Amori manai Lee Yarden-na boboan muli, ma basa mane Kanaan manai Tasi Tala'dak-ka su'un-na, lamanene lae Manetualain Manakoasa, tao nama'da lee Yarden-na, nai lelek hataholi Israel-la lena lee ndia. Boema ala bii ma ala dele bengge'be, nanahu hataholi Israel-la.

YOSUA 9:10

ma la'eneu hata fo Ana taon soaneu Amori mane ka duan manai Yarden boboan dulu, fo nde: Sihon, mane Hesybon, ma Og, mane Basan, fo ala leo lai Asytarot.