YOSUA 2:1 - Susula Malalaok Hehelu Palak Ma Hehelu Beuk

¹ Basa boema, Yosua nadenu hataholi manamakuk dua leme Sitim leo Kanaan leu. Hataholi ka duak sila-la hapu paleta, fo leu palisak matalolole nusa Kanaan-na, no nafufunik fo makasososan-na leu leo kota Yerikho leu. Boema leu leo kota ndia leu, de ala sungu leme ina manasosoa-piaok esa na'de Rahab, uman.

YOSUA 2:1 ပူးပေါင်းရင်းမြစ်များ

KEJADIAN 42:16

Emi esa muse fali neu nalan. Neukose au akanete ahele fe'e-fe'ek-kala, losa emi hala-kokolam ndia nananitak tete'ek-ka. Metema ta soona, no manek-ka na'den-na, emi ia musu-a mata-matan!”

KEJADIAN 42:9

Boema nafandele me'in-na la'e neus. De nafa'das nae, “Emi ia mata-mata; emi mai soaneu palisak matalolole ami nusam-ma malole-mangalaun.”

MIKHA 6:5

Au anang-ngala lemin, mafandele hata fo Balak mane Moab-pa tutu'un la'eneu emi, ma hata fo Beor anan Bileam nataa neun. Mafandele hata fo ana da'di nai emi leleo-lala'om dalek, nai emi mamana leleom nai Sitim nai Gilgal tala'da. Metema emi mafandele basa sila-la soona, neukose emi mame'da mita hata fo Au tao basan soaneu soi-tefa emi.”

BILANGAN 13:1

Manetualain nafa'da Musa nae,

BILANGAN 13:2

“Neme Israel leon esa mai soona, madenu mauli-malangan esa neu mamaku dae Kanaan fo neukose Au fen neu hataholi Israel-la ndia.”

BILANGAN 25:1

Lelek leoina Israel-la, leo lai bafak Sitim-ma, toun-nala mulai hohonge loo ina Moab manai sila-la.

MATEOS 10:16

“Taoafik neu dede'ak esa nde ia te: Au adenu emi sama leo bi'i lopo tapandoe sa, neu leo busa fui makaa mangalau ka tala'da neu. Hu ndia de, emi muse manea sama leo menge a, tehu emi dale ma ndoos, sama leo manupui kalua sina.

EFESUS 5:5

Taoafik matalolole hataholi mana sosoa-piao ka, do matetu-mandaa ta ka, do mana tene peta ka ha'da-tatao matak leo sila kala, sama no sosongo-tatango ka, hataholi ndia, ta hapu da'di lima eik hataholi kamahehelek fo Kristus ma Manetualain paleta fan.

IBRANI 11:31

Hu ka nde namahehele ka boe, de Rahab fo ina manasosoa-piaok ndia, ala ta taolisan sama-sama no hataholi mana la'ban Manetualai na fa, nana ana sipok Israel mata-mata nala no mangana'uk.

YAKOBIS 2:25

Boema mete mitak Rahab fo ina mana sosoa-piaok ndia. Manetualain sipo kana no malole, nana tatao-nono'in ndek lelek fo, nafuni hataholi Israe la mata-mata nala neme uman dale, boema ana tulu-falis, de ana fes lalai fali tunga eno fe'ek.

YOSUA 1:18

Basa hataholi, fo ana ta nau nakatele neu o koasam-ma, do ana ta nau tunga o paletam-ma fa soona, neukose nanahukunisak. Ela leo been-na, o mamahele, ma mapalani!”

YOSUA 2:2

Kota Yerikho manen-na namanene lae, nai le'odaek ndia, hataholi Israel-la mai palisak lutu-lutuk dae Yerikho-a.

YOSUA 3:1

Balahaa fafaik boema, Yosua ma hataholi Israel-la lala'en-na, fo'a fafaianak nanseli, boema ala la'oela leme sila mamana ofun manai Sitim-ma, de leu leo Lee Yarden-na leu. Ala ofu leme ndia, fo lahani fain-na losa, ala lena leo selik leu.

YOSUA 5:10

Lelek ala bei ofu leme Gilgal fo nai masadokek manadeka no Yerikho-a, te ala tao feta Paskah nai fai le'donoson-na, nai bulak ndia fain sanahuluhaa.

HAKIM-HAKIM 18:14

Makahulun-na, ladenu mata-mata ka limak-kala, lafa'da nonoon-nala lae, “Emi bubuluk, mae nai uma ia-la esa dalek, hapu dodoki-dudulak nakadiditak doi fulak do ta? Boeo hapu dodoki-dudula fe'ek-kala, ma Tema Babaa Fanak. So'ba dodoo su'dik, ita muse tao beek.”

HAKIM-HAKIM 18:17

Tuti'ka mata-mata ka limak sila-la leo uma dale leu, de ala ho'i-la dodoki-dudulak nakadiditak lilofulak ndia, sama-sama no dodoki-dudula fe'ek-kala, ma Tema Babaa Fanak-ka. Ta'eanak Lewi ndia, bei napadeik no solda'du natu ka 6-k sila-la, nai lelesuina.

HAKIM-HAKIM 18:2

Hu ndia de, ala hele-la hataholi ao makadelek 5, neme basa leo-ingu nai sila leon fo, manaleo nai Zora ma Esytaol-la dalek, boema ala fe hataholi ka limak sila bela-ba'uk, fo palisak lutu-lutuk nusak ndia. Boema hataholi sila-la la'o, de ala losa letelepak manai nusa Efraim-ma. Ala losa naa boema, ala sungu nai Mikha uman.