YOSUA 18:16 - Susula Malalaok Hehelu Palak Ma Hehelu Beuk

¹⁶ boema, ana kona leo lete huuk fo nasasalematak no Bafak-Hinom-ma, nai Bafak Refaim-ma pe'dan kii. Basa ndia boema, too ndia leo kona neu, fo ana tunga Bafak Hinom-ma lete huun-na, nai nusa Yebus-sa boboan kona, de nakandoo leo En-Rogel neu,

YOSUA 18:16 ပူးပေါင်းရင်းမြစ်များ

2 SEMUEL 17:17

Ndia te, Yonatan, fo Abyatar anan-na, ma Ahimaas, fo Zadok anan-na, bei lahani nai mamanak manadeka no oemata En-Rogel-la, nai kota Yerusalem-ma, su'un-na. Ta lapalani masok leo kota dale leu fa, nana ala bii hataholi-la litas. Sama leo biasa-na, ata inak esa nafa'das halak fo, halak ndia muse nafa'dan neu Mane Dauk-ka.

2 SEMUEL 5:18

Hataholi Filistin-nala losa Bafak Refaim-ma boema, langatuu-la bafak ndia.

1RAJA-RAJA 1:9

Nai faik esa nai mamanak fo na'de Batu Menge deka no oemata En-Rogel la, Adonia fe tutunu-hohotu bi'ilopo, sapi manem-ma sapi ana fo maao mesa-mesan. Ana ka'i Mane Dauk ka ana mane fe'e kala, ma uma manek-ka hataholi mana'a ngga'di nala leme leo Yehuda mai leo feta tutunu-hohotuk ndia.

2RAJA-RAJA 23:10

Ana tao nanggenggeo Tofet, fo mamanak sene-do'ok neu lamatua daebafak, manai Bafak Hinom-ma. No enok ndia, ta hapu seluk hataholi, fo ana tunu-hotu anan-na, da'di leo tutunu-hohotu nanatunuk, soaneu Lamatua Daebafak Molokh-ka so'on.

1 TAWARIKH 14:9

Ndia te, hataholi Filistin nala losa lai Bafak Refaim ma so, de lamanako lai bafak ndia.

2TAWARIKH 28:3

boema ana hotu boomenik nai Bafak Hinom-ma. Nakalenak ana tunu-hotu anamanen-na da'di leo tutunu-hohotuk neu sosongo-tatangok, tunga ha'da-tatao mangalauk neme hataholi-hataholi fo Manetualain usihenis leme nusa Kanaan-na nai lelek hataholi Israel-la masok leo nusak ndia dalek leu.

2TAWARIKH 33:6

Ana tunu-hotu anan-nala da'di leo tutunu-hohotu nanatunuk nai Bafak Hinom-ma. Boeo ana da'di hataholi malelak, manasiula-tongonok, manasuangi, ma noke natutu'duk neme dula dalek-kala mai. Ana nasala-nasingo nanseli neu Manetualain nalosa ana tao nafo'a Manetualain nasa-melun.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YEREMIA 19:11

Au muse afa'da sila ae Manetualain Fo Manakoasa nafa'da nae leo ia, neukose leoina ma kota ia Au tao akalulutuk de nalosa ana da'di sama leo kete fo ba'ek ndia fo ta hapu tao nahiin seluk fa. Neukose hataholi natotoi-natotono sila popolan nai Tofet, nanahu ta hapu seluk mamana lo-late fe'ek fa.

YEREMIA 19:2

soaneu ala la'ok lakabubua lo sila lo Bafak Hinom, fo ala tunga Lelesu Ina Beling-nga. Nai naa au muse po'a-benga hata fo nanaheluk neu au.

YEREMIA 19:6

Hu ndia de fain-na losa soaneu mamanak ia ta nanaseseik lae Tofet do Bafak Hinom fa, te Bafak Dodo'dok-ka.

YEREMIA 32:35

Ala tao mei tunu-hotuk soaneu Baal-la nai Bafak Hinom, ma ala tunu-hotu anan-nala neu lamatua debafak Malokh. Te sekona Au beita adenus ala tao dede'ak ndia lai esa boen, nakalenak beita da'di nai Au dudu'ang dale lai esa boen nae, neukose ala tao tatao-nono'i mangalauk ndia, de tao-la hataholi Yehuda-la lasala-lasingo.”

YOSUA 15:63

Yehuda hapu kota Yerusalem-ma boe, tehu hataholi Yehuda-la ta hapu usi heni hataholi Yebus manaleo nai ndia fa. Losa besak ia, hataholi Yebus-sala bei leo lahele loo hataholi Yehuda-la lai kota ndia.

HAKIM-HAKIM 1:21

Leo Benyamin-na, ta hapu usi heni hataholi Yebus-sala, kalua leme kota Yerusalem-ma mai fa. Hu ndia de, hataholi Yebus-sala, bei leo lai naa, sama-sama loo hataholi Benyamin-nala.

HAKIM-HAKIM 1:8

Hataholi Yehuda-la, leu sapu-la Yerusalem, boema langatuu-lan, de ala hotu heni kota ndia, boema taolisa laun-nala.

HAKIM-HAKIM 19:10

Tehu hataholi Lewi ndia, ta nau sungu seluk nai ndia fa. De ndia ma saon-na, la'o sama-sama loo atan-na, ma keledei ka duan, fo bela basa ne'an-nala so. Lelek sanga nae le'odae boema, ala losa mamanak-ka deka no Yebus (fo nde Yerusalem). Boema, ata ndia nafa'da tuan-na nae, “Tuan, mai fo ata tuli, fo malole lenak, ata sungu nai hataholi Yebus ia kotan-na.”