YOSUA 17:2 - Susula Malalaok Hehelu Palak Ma Hehelu Beuk

² Ala fe dae manai Lee Yarden-na boboan muli, leo Manasye tititi-nonosin, teidale fe'en-nala, fo nde teidalek: Abiezer, Helek, Asriel, Sekhem, Hefer ma Semida; basa sila-la tititi-nonosi touk, neme Manasye fo Yusuf anan-na. Hataholi sila nde been-na, malanga uma loo.

YOSUA 17:2 ပူးပေါင်းရင်းမြစ်များ

1 TAWARIKH 7:18

Gilead tolanoo inan fo mana'de Molekhet-ta, anatoun 3, fo nde: Isyhot, Abiezer ma Mahla.

YOSUA 17:1

Ala fe dae manai Lee Yarden-na boboan muli, seli leo Manasye tititi-nonosin seli, fo Yusuf ana ulun-na, teidalen-nala neu. Makhir, fo Gilead aman nde been-na, Manasye ana ulun-na nde ndia. Nanahu ndia hataholi palani ta'ti batu esa, boema ala fen Gilead ma Basan daen manai Lee Yarden-na boboan dulu.

YOSUA 17:3

Zelafehad, nde been-na, Hefer anan, fo Gilead upun-na (Gilead nde been-na Makhir anan fo Manasye upun-na), ana tou tak-kala, te ka'da maana inak-kala, fo nde: Makhla, Noa, Hogla, Milka, Tirza.

HAKIM-HAKIM 6:11

Nai faik esa boema, Manetualain ata nusa so'dan-na mai leo kota Ofra mai, boema nangatuuk neu luluu aifula esa huun-na, fo Yoas hataholi esa neme Leo-ingu Abiezer-ra mai, luluu aifulan ndia. Anan-na na'de Gideon, ana bei aa'i gandum, nai mamana he'e angol-la. Ana tao ndia no nafufunik, fo ela hataholi Midian-nala boso litan.

HAKIM-HAKIM 8:2

Tehu Gideon nataa nae, “Hata fo au taon-na, sosoa-ndandaan ta ba'u bee esa boen, metema nakasasamak-kana no hata fo emi taon so. Leomae emi taok-ka, ka'da faa anak mesan, tehu faa anak ndia, belin-na ba'ulena neme basa hata, fo au leo-ingug-nga solda'dun-nala lala'en-na taok-ka.