YOSUA 17:14 - Susula Malalaok Hehelu Palak Ma Hehelu Beuk

¹⁴ Yusuf tititi-nonosin lafa'da Yosua lae, “Tao le'e de, fe ami ka'da dae baba'ek esa mesak-kana, te se'kona ami makadotok nanseli, nanahu Manetualain Ana ba'e-pala basa ami so.”

YOSUA 17:14 ပူးပေါင်းရင်းမြစ်များ

KEJADIAN 48:19

Tehu aman ta sipok fa, de nae, “Au bubuluk, anang-ngo, Neukose Manasye koasan-na ba'un-na seli, ma tititi-nonosin boeo neukose da'di leoina matua. Tehu fa'din na neukose koasan-na matua lena neme ka'an ndia mai, ma fa'din ndia tititi-nonosin neukose da'di leoina matua.”

KEJADIAN 48:20

Boema ana fe seluk baba'e-papalak neu ni'iana sila-la nai faik ndia, nae, “Hataholi Israel-la neukose seseik o na'dem ma, metema ala fe baba'e-papalak neu hataholi. Neukose lafa'da lae, ‘Sa'di leo been-na Manetualain tao na o sama leo Efraim ma Manasye.’ ” No enok ndia, Yakob sue nakahuluk Efraim neme Manasye mai.

KEJADIAN 48:22

Sikhem fo nusak maisi-maminak fo au loso an neme hataholi Amori la nenik tafaina ma kokouk ka, au fen neu o, te au ta fen neu o tolanoom-mala fa.”

BILANGAN 26:54

Baba'e dae ndia, nenik tu'u batu. Ba'eneu leo matua soona, muse o fe baba'en-na matua, ma ba'eneu leo anak-ka, fe baba'en-na anak-ka boe.”

BILANGAN 36:12

Ala sao hataholi neme leo-ingu-leo-ingu manai leo Manasye fo Yusuf anan-na, dalek. No enok ndia, sila aman leon-na nanuu nahele sila dae pusakan-na.

YOSUA 16:4

Nusak ndia nde, ala fen neu leo Manasye ma Efraim, fo Yusuf tititi-nonosin, fo da'di sila pusakan.

YOSUA 17:15

Boema Yosua nataa nae, “Hu kande emi makadotok nanseli, ma Efraim nusa letelepan-na, makabi'aanak, de ta dai emi basa-basam-mala fa, de meu leo hataholi Feris, ma Refaim-ma, nusan-na meu. Fo tao nggolo beuk, nai sila dae manulan-nala.”