YOSUA 17:11 - Susula Malalaok Hehelu Palak Ma Hehelu Beuk

¹¹ Manasye daen fo manai Isakhar ma Asyer nusan-nala dalek-ka, nde: Bet-Sean ma Yibleam no nggolo-nggolok manai boboa-kaisun-nala. Boeo: Dor (kota esa nai tasi su'un-na), En-Dor, Taanakh, Megido, no nggolo-nggolok manai boboa-kaisun-nala.

YOSUA 17:11 ပူးပေါင်းရင်းမြစ်များ

2 SEMUEL 21:12

neu ho'in-na Saul no Yonatan dui-kalun neme laun manai kota Yabesh-sa, nai Gilead. (Hataholi sila-la, lamanako-la dui-kaluk sila neme mook nakaminak bola manai kota Bet-San-na. Nai mamanak ndia nde, hataholi Filistin-nala lona Saul no Yonatan popolan-na, nai lelek ala sengi Saul neme Pupukuk Gilboa.)

1RAJA-RAJA 9:15

Mane Salomo pake enok nenik tao bela nusak soaneu nafofo'a Manetualain Uman-na, manek-ka uma manen-na, Yerusalem papala nanadama na ma soaneu ala hulu ladodou dae neu Manetualain Uman-na boboan kona. Ana pake enok matak esa soaneu nafofo'a falik kota Hazor, Megido ma Gezer. (

2RAJA-RAJA 9:27

Ahazia, nita manada'dik so, boema ana nalai heok kaletan-na, leo kota Bet-Hagan-na neu. Yehu usi tungan, ma ana eki neu solda'du anan-nala nae, “Taomisa hataholi ndia boe!” Ala kou lahinan, nai enok manaleo Gur neu-a, deka no kota Yibleam-ma. Tehu, ana hapu nalai losa Megido, de maten neme ndia.

1 TAWARIKH 6:70

Nai leo Manasye nusan manai Lee Yarden-na boboan muli, ala sipo nggolok Aner ma Bileam no moo mana'uk manai titia-tatain-nala.

1 TAWARIKH 7:29

Manasye tititi-nonosin koasa kota Bet-Sean, Taanakh, Megido, Dor ma nggolo-nggolok manai boboa-kaisun-nala. Yusuf fo Yakob anan-na tititi-nonosin, mamana leleon-nala basa-basan nde ndia.

2TAWARIKH 35:22

Tehu Yosia natea nahele soaneu la'ban, ma ana ta nau tunga hata fo Manetualain nafa'dan tunga Manek Nekho-a fa. Yosia pake papake-ngganggao fe'ek fo boso lalelak-kana, boema ana masok leo natee-natatik dalek nai masadokek Megido.

MAZMUR 83:10

Taos sama leo hataholi Midian-nala, sama leo Sisera ma Yabin neme Lee Kison-na,

YEREMIA 49:2

Tehu losa fain-na Au tao-a laun Raba, Amon kota inan ndia lamanene hala natee-natatik. Kota ndia da'di nakalulutuk ma nggolok-nggolok manai na-la nanahotu henik. Boema neukose Israel-la ho'i falik dae-na fo neme hataholi manaho'i na makahuluk-kala.

ZAKHARIA 12:11

Nai faik ndia, neukose hapu kii-makaleleu matuaina nai Yerusalem, sama leo kii-makaleleuk ba'eneu Hadad-Rimon nai Bafak Megido-a.

YOSUA 11:2

neu mane-manek manai letelepak-kala nai boboak kii, nai Bafak Yarden-na, nai Galilea boboan kona, nai nggolo letelepak-kala huun-na, ma nai nggolo tasi su'uk-ka deka no Dor.

YOSUA 16:9

nai dalek, hapu kota anak ma nggolok manai nusa Manasye dalek, de'ubee boe.

YOSUA 17:10

Too-lane leondiak de, Efraim nai kona, ma Efraim nai kii, de sila toon muli nde Tasi Tala'dak. Nai tasi muli, leo Manasye-a nusan ndia, nakatoo no Asyer nusan-na, ma nai tasi dulu, nakatoo no Isakhar nusan-na.

YOSUA 17:16

Yusuf tititi-nonosin lataa lae, “Nusa letelepak ndia, ta maloa soaneu ami fa, nate'ka leoina Kanaan fo manaleo nai masabafak-kala, lanuu kaleta musu besi, nau sila fo manaleo nai Bet-Sean ma nggolo-nggolok manai boboa-kaisun-nala, do sila fo manaleo nai Bafak Yizreel-la boe.”

HAKIM-HAKIM 1:27

Leo Manasye-a ta usi heni kota Bet-Sean-na laun-nala fo nde Taanakh, Dor, Yibleam ma Megido no nggolo-nggolok manai titia-tatain-nala fa. Da'di, hataholi Kanaan-nala leo lahele leme ndia.

HAKIM-HAKIM 5:19

Mane-manek-kala, latee-lata'ti nai Taanakh, fo deka no lee manai Megido, mane-mane Kanaan-nala, puselaipana, tehu ala ta leni lilofulak, da'di leo bua kakalok fa.

SEMUEL SUSULAK-KA ESAN-NA 28:7

Hu ndia de, Saul kokolak no basa hataholi mana'a ngga'din-nala nae, “Sanga-ma, ina manamaloo nalelak samanek esa, fo au sanga u oken natutu'duk.” Boema, lataa lae, “Hapu hataholi malelak leondiak-ka, nai En-Dor.”

SEMUEL SUSULAK-KA ESAN-NA 31:10

Basa boema, ala pe'da Saul ba'du musun ndia, nai lamatua daebafa inak Asytoret-ta, uma sosongon dale, ma ala paku popolan-na neu kota Bet-Sean-na, papala nanadaman-na.

SEMUEL SUSULAK-KA ESAN-NA 31:12

boema, hataholi palani ta'ti batu-la, ala la'ok leme ndia leo Bet-Sean leu, le'odae katemak esa. Lakona heni Saul no anamanen-nala popolan-nala, neme kota ndia papala nanadaman lain mai, boema lenin leo Yabesh neu, de ala hotun.