YOSUA 16:7 - Susula Malalaok Hehelu Palak Ma Hehelu Beuk

⁷ Too ndia, ana kona neme ndia, leo Atarot ma Naharat neu, boema ana ndolo nakandoo Yerikho, de nate'e nai Lee Yarden-na.

YOSUA 16:7 ပူးပေါင်းရင်းမြစ်များ

1 TAWARIKH 7:28

Nusak fo nanafek soaneu da'di sila mamana leleon-na, nde been-na neme Betel losa Naaran nai boboak dulu, ma Gezer nai boboak muli, boema nggolo-nggolok manai kota sila-la titia-tatain. Nai nusak ndia dalek boe, hapu kota Sikhem ma Aya, boema nggolo-nggolok manai boboa-kaisun.

YOSUA 16:6

boema nakandoo leo Tasi Tala'dak neu. Mikhmetat nai boboa kiin-na. Too ndia, ana pilu neme boboan muli, leo Taanat-Silo neu, boema ana selin, de neme boboan dulu leo Yanoah neu.

YOSUA 3:16

no hatematak ndia boe, lee-a ta faa so'on. Oe manafaa neme lee langan-na mai, ana da'di te'te, tehu nai dook-ka, nai kota Adam fo kota esa nai kota Sartan-na boboan-na. Lee oen manafaa leo Tasi Mates-sa neu, ana ta faa so'on, nalosa hataholi Israel-la, la'ok nai dae ma'dak lain leo selik leu mamanak ndia, nasasalematak no kota Yerikho-a. Basa imam-mala fo manandolo Peti Hehelu-balataak ndia, lapadeik lahele nai lee tala'da heon, losa hataholi Israel-la lala'en-na, lala selik.

YOSUA 6:1

Nai kota Yerikho, lanea lahele lelesuinan-nala so, ma ala kena laheheles, fo ela hataholi Israel-la ta hapu masok leo dalek leu fa. Ala ta fe hataholi esa boen, bole masok, do kalua kota ndia fa.

YOSUA 6:26

Nai lelek ndia, Yosua kalua kena-ka'ik-ka nde ia nae, “Su'di see boe, fo ana sanga enok nafofo'a falik kota Yerikho ia soona, neukose Manetualain soo-supan la'en. Soo-supak-ka nde ia: See kande nafofo'a falik kota Yerikho-a soona, neukose namopo ana ulun-na; ma see kande pasak falik lelesuinan-nala soona, neukose namopo ana mulianan-na.”