YOSUA 15:4 - Susula Malalaok Hehelu Palak Ma Hehelu Beuk

⁴ Neme ndia mai, de nakandoo leo Azmon neu, boema ana ndolo leeanak manai too no Masir-ra, basa boema, nate'e nai Tasi Tala'dak. Leo Yehuda nusan-na, boboan kona, too-lanen leondiak. Ma too-lane ndia, nalupa nusa Israel-la lala'en-na, too kona.

YOSUA 15:4 ပူးပေါင်းရင်းမြစ်များ

KEJADIAN 15:18

Nai lelek ndia boe, Manetualain tao hehelu-balataak no Abram. Manetualain nae, “Au helu ae neukose, Au fe dae ia lala'en-na neu o tititi-nonosim, mulai neme too no nusa Masir-ra, losa Lee Efrat-ta,

1RAJA-RAJA 8:65

Nai Manetualain Uman ndia, Salomo ma basa laun Israel-la lala'en-na, tao feta Lalaak Akidook-ka faik hitu dalen-na. Hataholi makadotok nanseli lakabubua lai ndia. Ala mai leme nusa dook-ka mai fo mulai neme Eno Hamat ta, fo nai kii, losa leo dae too loo Masir-ra, fo nai kona.

KELUARAN 23:31

Neukose, Au aketu emi nusam-ma dae toon-na neme Namo Akaba losa leo Lee Efrat-ta neu, ma neme Tasi Tala'dak losa leo mook solokaek-ka neu. Nai lelek emi tutulumatak fo emi loso-ma dae ndia soona, Au fe emi koasa soaneu koasa nusak ndia laun-na, nalosa emi hapu usi henis.

YESAYA 27:12

Nai lelek ndia, neukose Manetualain tao nakabubua leoinan, esa basa soona esa, neme Lee Efrat-ta, losa Masir dae toon-na. Neukose Ana ta'da fe'es, sama leo hataholi-a ta'da fe'e gandum-ma isin-na, neme loun-na mai.

BILANGAN 34:5

Soona ana dilu neme ndia leo bafak manai Masir dae toon-na, fo nate'e nai Tasi Tala'dak.

YOSUA 13:3

ma nusa Awi lala'en-na leo kona neu. (Nusak maneme Lee Sikhor-ra, nai Masir dae toon-na, losa leo Ekron dae toon-na nai boboak kii, basa sila lala'en-na, leken leoina Kanaan-na nusan sila; ma mane-manek Filistin manaleo nai Gaza, Asdod, Askelon, Gat, ma Ekron.)

YOSUA 15:3

de nakandoo leo kona neu, de ana tunga letek manai Akrabim-ma huun-na, losa Zin. Basa boema, ana tunga Kades-Barnea kona, de nakandoo tunga Hezron, de ana kae leo Adar neu, basa boema, ana pilu leo Karka neu.

YOSUA 15:47

Leondiak boe, Asdod ma Gaza no kota anak-kala, ma nggolo-nggolok fo lakapepela losa deka loo leeanak, manai too Masir ma Tasi Tala'dak su'un-na.