YOSUA 14:9 - Susula Malalaok Hehelu Palak Ma Hehelu Beuk

⁹ Ma hu ndia de, Musa helu nae, dae fo ana la'ok okofefeon-nana, tao leo bee-o, neukose ana fen neu au, ma au anang-ngala, fo da'di ami pusakam, losa dodoon-na.

YOSUA 14:9 ပူးပေါင်းရင်းမြစ်များ

MAZMUR 37:9

Nana hataholi manatao, tatao-nono'i mangalauk-ka, neukose mopok-kana, tehu hataholi fo, namahena neu Manetualain-na, neukose nanuu dae ndia.

BILANGAN 13:22

Makasososan-na, leu leo nusak ndia boboan kona leu, de ala losa kota Hebron-na, fo hataholi Ahiman, Sesai, ma Talmai, fo Enak tititi-nonosin-nala, mamana leleon-na. Kota Hebron-na, napadedeik nakahuluk teuk hitu, neme kota Zoan-na nai Masir.

ULANGAN 1:36

Ka'da Kaleb, fo Yefune anan-na, nde neukose ana masok nusak ndia, nanahu ana lilineka nahele neu Au. Au fe nusak fo nanala'ok okofefeo basan ndia neu Kaleb no tititi-nonosin-nala.’

ULANGAN 11:24

Emi la'ok okofefeo basa dae-la, neukose emi hapu la'iesak dae sila-la. Emi daem-ma, natabaa neme moo solokaek-ka, fo nai kona, losa letelepak Libanon-na, fo nai kii, ma neme Lee Efrat-ta, fo nai dulu, losa Tasi Tala'dak, fo nai muli.

YOSUA 1:3

Au afa'da basa Musa ae, emi eim-ma ta'bula'e nusak-ka, Au fe basa neu o, Yosua, ma neu Au anang-ngala lala'en-na.

YOSUA 14:10

Besak ia, Manetualain nafa'da basa dede'ak ndia neu Musa, teuk haahulu lima ia so. Dede'ak ndia, ana da'di ndek lelek hataholi Israel-la bei laleu-lalaak leme moo solokaek-ka. Ma sama leo Manetualain helu basan, de Manetualain boeo, nasulu-nahapa au so, nalosa au aso'da ahele losa besak ia. Mitak besak ia, au teung faluhulu lima so,

HAKIM-HAKIM 1:20

Sama leo hata, fo Musa paleta basan so, de ala fe Hebron leo Kaleb neu, nana makahulun-na, Kaleb usi heni Enak tititi-nonosin-nala, leo-ingu bubuak telu leme kota ndia mai so