YOSUA 14:12 - Susula Malalaok Hehelu Palak Ma Hehelu Beuk

¹² Hu ndia de, besak ia, fe nusa letelepak fo Manetualain helu basa, fen neu au so, nai lelek au ma hataholi fo sama-sama loo au fali ma'im-ma, fo ami meni hala nafa'dak. Nai lelek ndia, o mamanene matam, lae hataholi ao matuaina ma ei madema-la lai naa, fo lokes soona lae, leoina Enak. Ala leo lai kota-kota matuaina-la, lanuu papala nanadamak. Fafa'kama, Manetualain, neukose Ana tulu-fali au, nalosa au hapu usi henis, sama leo Manetualain nafa'dak-ka.”

YOSUA 14:12 ပူးပေါင်းရင်းမြစ်များ

2RAJA-RAJA 19:4

Manek Asyur-ra, nadenu basa, malanga solda'du manai lain esa, fo nakamumulu-nakamamaek Manetualain fo maso'dak-ka. See bubuluk, emi Aman Manetualain namanene basa nakamumulu-nakamamaek ndia, de neukose, Ana huku sila fo, manakokolak-kana! Hu ndia de, hule-haladoi leona, neu Manetualain, ba'eneu ita hataholin fo, bei maso'dak-kala.”

2TAWARIKH 14:11

Boema Asa hule-haladoi neu Manetualain nae, “Amak, ka'da O nde hapu tulu-fali manatapandoes-sala neme mabe'i-balakaik-kala mai. Tulu-fali ami besak ia, ou ami Manetualain! Ami masalai ka'da neu O ma no O na'dem-ma, ami kalua matee-matati la'ban solda'du de'u-de'u basa ia-la. Amak, O nde ami Manetualaim-ma. Boso po'ilotak hataholi daebafak esa boen sengi O.”

MAZMUR 44:3

O mesam-ma usi heni leoina-la fo ela O anam-mala leo lahele nai sila nusan-na. O fe leoina fe'ek-kala hapu soe, tehu O po'ilotak O anam-mala lamade'u.

MAZMUR 60:12

Ou Manetualain, ade O ta tunga sama-sama moo ami fa do? Ade O ta tutulumatak sama-sama moo ami solda'dum-mala fa do?

BILANGAN 13:28

Tehu nusak ndia, laun-nala, ao makadelek mesa-mesan. Nusan-nala matuaina mesa-mesan, ma makota musuk. Bai te, ami mita hataholi ao matua, ei madema-la tititi-nonosin-nala lai naa.

BILANGAN 13:33

Nakalenak, ami mita hataholi-la, sama leo hataholi ao matua, ei madema-la, fo nde hataholi Enak-kala tititi-nonosin-nala. Metema nakasasamak ami mo hataholi sila-la soona, ami mame'da-nana, ami sama leo lamak-ka, de tao leo bee-o, sila boeo dale nameme'dan-na leondiak soaneu ami boe.”

BILANGAN 21:34

Boema Manetualain nafa'da Musa nae, “Boso bii-mamata'u neun. Neukose Au fe o sengin no laun-na ma nusan-na. Taon sama leo o tao Mane Sihon fo ana paleta nai Hesybon-na.”

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?

ULANGAN 1:28

Da'di, sosoak hata, ita teu leo naa teu? Ita tadenu hataholi manaleu leo naa leu-a, ala tao-la ita bii-tamata'u, nenik sila hala nafafa'dan-na, lae leoina ndia, balakain-na ma aon-nala makadelek lena heni ita, ma lae ala leo nai kota-kota fo papala nanadaman-nala dedeman-na losa lalai. Lita hataholi ao matua ma ei madema-la lai naa boe!’

ULANGAN 9:1

“Tolano-tolanoong-ngala lemin, mamanene te! Faik ia, emi lena Lee Yarden-na, fo meu mangatuu-ma leoina fo ba'u lena em ma balakain-na lena heni emi ndia, daen-na. Sila kotan-nala matuaina mesa-mesan, ma papala nanadaman-nala mademaina-la losa lalai.

ULANGAN 9:3

Tehu besak ia, neukose emi mita matam, tao leo beek de, emi Manetualaim-ma, Ana la'ok nai emi uluk, sama leo ha'i manatao maputuk-ka. Neukose, Ana sengi hataholi sila-la, nai emi matam, nalosa no lai-laik, emi bisa usihenis ma emi tao mamate-mamopos, sama leo Manetualain helu basak-ka so.

FILIPI 4:13

Hu ka nde Kristus fe au koasa de, au hapu be'i-balakaik soaneu au asasale matak o basa manda'dik lala'ena.

IBRANI 11:33

Hu ka nde namahehele ka, de ala sengi basa nusa-nusak kala so. Ala tao-no'i hata fo ndo sa, nalosa ala sipo hata fo Manetualain helu ka. Ala ko'oketu singa la bafa nala,

YOSUA 15:14

Enak tititi-nonosin nde hataholi Sesai, Ahiman, ma Talmai. Kaleb usi heni basa-basas leme Hebron mai.

HAKIM-HAKIM 1:20

Sama leo hata, fo Musa paleta basan so, de ala fe Hebron leo Kaleb neu, nana makahulun-na, Kaleb usi heni Enak tititi-nonosin-nala, leo-ingu bubuak telu leme kota ndia mai so

SEMUEL SUSULAK-KA ESAN-NA 14:6

Boema Yonatan nafa'da touanak manaho'u tee-tafan ndia nae, “Mai fo ata teu leo hataholi Filistin dinitiu sila-la, uma nanean-na teu. Fafa'kama Manetualain nau tulu-fali ita. Nana Manetualain hapu fe sesengik neu, nau nenik hataholi makadotok, do hataholi lumanak boe.”