YOSUA 13:6 - Susula Malalaok Hehelu Palak Ma Hehelu Beuk

⁶ Hapu la'iesak hataholi Sidon-nala nusan-na, nai dalek boe; hataholi Sidon fo manaleo nai nggolo letelepak-ka nai letek Libanon-nala ma Misrefot-Maim tala'da.” “Mahani te, neukose, Au usi heni basa leoina sila-la, nai lelek hataholi Israel-la lata'ti loos,” Manetualain kokolak nakandoo no Yosua nae, “O muse baba'e dae ndia neu hataholi Israel-la, fo da'di sila dae pusakan, sama leo Au paleta basan neu o so.

YOSUA 13:6 ပူးပေါင်းရင်းမြစ်များ

MAZMUR 80:8

Ou Manetualain, Fo Manakoasa, tao mabebeu ami; mete ami no dale malole fo ela ami maso'da.

BILANGAN 33:54

Basa soona, baba'en neu emi leo-ingum-mala nenik tu'u batu, fo ala taon da'di sila pusakan. Emi muse fe leo-ingu matua-la, baba'en-na matua, ma leo-ingu anak-kala, baba'en-na anak-ka.

YOSUA 1:6

Ela leo been-na, o mamahele ma mapalani, nana neukose o mauli-malanga leoina ia, nai lelek langatuu-la nusak fo Au helu basa, fen neu sila bei-ba'i kain-nala so.

YOSUA 11:12

Yosua nangatuun-na la'iesak kota sila-la, ma ana ho'un-na manen-na, de ana taonisan, nandaa no Musa fo Manetualain atan ndia, paletan-na.

YOSUA 11:8

De Manetualain tao-na hataholi Israel-la sengis. Hataholi Israel-la sapu-lalas, de ala usis losa Misrefot-Maim ma Sihon nai boboak kii, ma losa Bafak Mizpa nai boboak dulu. Natee-nata'tik-ka nakadedelek losa ta ela musu-a, hataholin esa boen – mate la'iesa kasa.

YOSUA 13:7

Da'di, besak ia baba'e dae ndia leona, neu Israel leo ka 9-na, ma neu leo Manasye seli, fo daenga dae ndia da'di sila dae pusakan.”

YOSUA 23:13

mafandendelek te, tao leo bee-o, emi Manetualaim-ma, neukose ta usi heni leoina sila soaneu emi so'on. Nasafalin-na, neukose leni bibii-namata'uk nanseli soaneu emi, nana neukose sila da'di sama leo hihi'ik, do sama leo meo o, soaneu emi. Sila boeo, neukose tao-la emi doi-doso manseli; nana neukose ala da'di sama leo ue-a nai emi muliha'im-ma, do sama leo nggauk-ka nai emi matam dale. Neukose, emi doi-doso makandoo, losa ta ela emi hataholim esa boen, nai emi Manetualaim-ma, fe emi nusak malole ia dalek fa.

YOSUA 23:4

Leoina-la daen fo bei elak-kala, leondiak boe, Au sengi basa leoina-la, daen manabetubala neme Lee Yarden-na boboan dulu, de nakandoo leo muli neu, fo ana losa Tasi Tala'dak-ka, Au baba'e basan neu emi, fo da'di emi pusakam so.

YOSUA 23:5

Metema, emi meu mata'ti moo leoina sila-la soona, emi Manetualaim-ma, neukose tao-na leoina sila-la lakadedeak, fo lalai leme emi mai. Neukose emi soa sila nusan-na, sama leo emi Manetualaim-ma, helu basan neu emi so.