YOSUA 12:7 - Susula Malalaok Hehelu Palak Ma Hehelu Beuk

⁷ Yosua sama-sama no hataholi Israel-la sengi manek-kala nde, basa mane-manek manai nusak manai Lee Yarden-na boboan muli, fo neme Baal-Gad nai Bafak Libanon-na, losa leo Letelepa Na'u tak-ka, nai boboan kona, deka Edom. Yosua baba'e nusak ndia neu leoina Israel-la leon-nala, fo da'di sila dae pusakan.

YOSUA 12:7 ပူးပေါင်းရင်းမြစ်များ

KEJADIAN 14:6

ma hataholi Hori-la neme letelepak Edom-ma, boema ala usis losa dodook El-Param-ma, nai moo solokaek-ka su'un-na.

KEJADIAN 32:3

Basa ndia boema, Yakob nadenu hataholin de'ubee lakahuluk leo nusa Edom-ma leu, fo latongo loo ka'an Esau.

KEJADIAN 36:20

Dae Edom-ma nusa isin-nala, nanaba'ek neu Seir, fo hataholi Hori ndia, tititi-nonosin, leon-nala. Leo-leo sila-la nde ia: Lotan, Syobal, Zibeon, Ana, Disyon, Ezer ma Disyan.

KEJADIAN 36:8

Boema Esau fo ala foin na'de Edom ndia boe, ana leo nahele neme nusak manai letelepak Seir-ra.

MAZMUR 135:11

Sihon, fo mane Amori, ma Og, fo mane Basan-na, boema, basa mane-manek manai Kanaan-nala.

ULANGAN 2:1

Mate'ena boema, ita fali leo moo solokaek-ka teu, de ita tunga enok manaleo Namo Akaba neu, sama leo Manetualain paletan-na. Ita taleu-talaak dook-ka neme dae letelepak Edom-ma.

ULANGAN 2:4

Basa boema, Manetualain nadenu au, fo au fe emi natutu'duk-ka nde ia nae, ‘Ta dook-ka so'on te, neukose emi masok nusa Edom-ma, fo emi tolanoom-mala, fo Esau tititi-nonosin nusan-na. Neukose ala bii-lamata'u neu emi,

YOSUA 11:17

Nusak ndia loan-na, mulai neme Letelepak Na'u tak-ka, nai boboak kona, deka no Edom, losa leo kii neu, fo Baal-Gad nai Bafak Libanon-na nai Lete Hermon-na boboan kona. Yosua natee-nata'ti no nusak sila manen-nala, doon-na seli, tehu mate'en-na boema, ana ho'un-nalas de ana taonisa la'iesa kasa.

YOSUA 11:23

Yosua nangatuun-na nusak ndia lala'en-na, nandaa no Manetualain paletan neu Musa, boema Ana fen neu leoina Israel-la, fo da'di sila pusakan. Ala baba'e nusak ndia, de leo esa-na, ana hapu baba'ek esa. Leoina Israel-la hahae natee-natatik-ka, boema nusan-na nee-nee lino-lino ma so'da-molek.

YOSUA 9:1

Halak la'eneu Israel sesengin-na, nakapela losa leo basa manek manai Lee Yarden-na boboan muli – nai letelepak-kala, nai letek-kala huun-na, nai mook manandolo nahele Tasi Tala'dak-ka su'un-na, losa Letek Libanon-na nai boboak kii: fo nde mane-manek Het, Amori, Kanaan, Feris, Hewi, ma Yebus.