YOSUA 12:6 - Susula Malalaok Hehelu Palak Ma Hehelu Beuk

⁶ Sila nde mane ka duak fo Musa sama-sama no hataholi Israel-la sengik-ka. Musa, fo Manetualain atan ndia, ana fe manek sila-la daen-na leo, leo Ruben, leo Gad ma basa leo Manasye lala'en-na neu, fo da'di sila dae pusakan.

YOSUA 12:6 ပူးပေါင်းရင်းမြစ်များ

BILANGAN 32:29

“Metema Gad ma Ruben hataholin-nala tunga Manetualain paletan-na, fo ala lena leo Lee Yarden-na selik mai, fo latee-latati, ma metema no sila tutulu-fafalin, de emi hapu loso-ma nusak ndia, soona emi muse fes dae Gilead-ta, fo da'di sila pusakan.

BILANGAN 32:32

No Manetualain hehela-nonolen, de neukose ami lena leo nusa Kanaan-na meu, fo matee-matati, tehu ela leo been-na, ami manuu mahele dae manai Lee Yarden-na boboan dulu.”

BILANGAN 32:33

Boema Musa fe la'iesak nusa Sihon-na, hataholi Amori-la manen-na, nusa Og-ka, mane Basan-na, ma kota-kota ma dae manai titia-tatain-nala leo, leo Gad ma leo Ruben-na neu.

YOSUA 14:3

Musa fe basa, dae manai Lee Yarden-na boboan dulu, neu leo kadua seselik-ka so. (Paluu nanasulak nai ia, nae Yusuf tititi-nonosin nanaba'ek neu leo dua; fo leo Manasye ma leo Efraim-ma.) La'eneu leo Lewi-a soona, Musa ta fes dae fa. Ka'da ana fes kota, soaneu mamana leleon-nala, ma mook-kala, soaneu bana-manun-nala.

YOSUA 18:7

Neukose, ka'da leo Lewi-a, ta sipo dae baba'ek sama-sama no emi fa, nanahu sila baba'en-na nde, sila da'di imam fo lalalau-laoono Manetualain. Ma la'eneu leo Gad, Ruben ma leo Manasye-a soona, memak sila sipo basa sila baba'en-na, nai Lee Yarden-na, boboan dulu so. Musa, fo Manetualain atan-na, fe basa dae ndia neu sila so.”

YOSUA 22:4

Hu ndia de, nandaa no hehelu-balataan, de Manetualain fo emi Manetualaim-ma, fe basa nee-nee lino-linok-ka neu emi tolanoom-mala, ma hataholi Israel fe'ek-kala so. Da'di, besak ia, fali me'um-ma leo makahulun-na Musa fe emi nusak manai Lee Yarden-na boboan dulu ndia meu.