YOSUA 12:1 - Susula Malalaok Hehelu Palak Ma Hehelu Beuk

¹ Nusak manai Yarden boboan dulu, neme Bafak Lee Arnon-na mai, de ana kae nakandoo leo Bafak Yarden-na neu, losa leo Lete Hermon-na, nai boboak kii, hataholi Israel-la loso-lan, de langatuu-lan so. Ala sengi manek dua.

YOSUA 12:1 ပူးပေါင်းရင်းမြစ်များ

MAZMUR 133:3

Do sama leo dinis-sa nai Letek Hermon-na, fo ana kona leo pupukuk Sion-nala lain neu. Nai naa, Manetualain nakona baba'e-papalan, fo maso'dak losa dodoon-na.

MAZMUR 136:21

Ana fe sila nusan-nala leo anan-nala neu; susue-lalain manaktu-basa tak, losa dodoon-na;

MAZMUR 89:12

Lalai ma daebafak-ka nde bee-na, O nuum, O nde makadada'dik daebafak-ka no basa oe-isin lala'ena.

YESAYA 16:2

Hataholi Moab-pala, lahani lai Lee Arnon-na su'un-na, ma beela'o no lapangamak sama leo manupui fo, nanausihenik neme ndunun dale mai.

BILANGAN 21:13

Ala la'o seluk leme ndia mai, de ala ofu leme, Lee Arnon-na selik, nai moo solokaek fo, natabaa leo hataholi Amori-la nusan-na neu. Lee Arnon ndia nde been-na, hataholi Moab-pala loo hataholi Amori-la, dae toon-na nde ndia

BILANGAN 21:21

Boema, leoina Israel-la, nadenu hataholi neu lao Sihon, fo mane Amori-a neu, fo nanduku-nalosak hala heheluk-ka nde ia nae,

BILANGAN 21:24

Tehu, nai natee-natatik ndia dalek, hataholi Israel-la, taolisa solda'du Amori makadotok. Boema, hataholi Israel-la, langatuu-la nusan-na, mulai neme Lee Arnon-na losa Lee Yabok-ka, fo hataholi Amori-la dae toon-na, nana naneak manai dae too ndia, ta bole fan.

BILANGAN 32:19

Ami ta nau sipo sila daen manai Lee Yarden-na selik, faaanak boen, nanahu ami sipo-ma, ami baba'em-ma nai ia so, fo nde Lee Yarden-na boboan dulu.”

BILANGAN 32:32

No Manetualain hehela-nonolen, de neukose ami lena leo nusa Kanaan-na meu, fo matee-matati, tehu ela leo been-na, ami manuu mahele dae manai Lee Yarden-na boboan dulu.”

BILANGAN 32:33

Boema Musa fe la'iesak nusa Sihon-na, hataholi Amori-la manen-na, nusa Og-ka, mane Basan-na, ma kota-kota ma dae manai titia-tatain-nala leo, leo Gad ma leo Ruben-na neu.

ULANGAN 2:24

“Lelek ita seli dae Moab-pa, Manetualain nafa'da ita nae, ‘Besak ia, meu leo Lee Arnon-na selik meu. Neukose Au fe Sihon, fo manek Hesybon, fo hataholi Amori ndia, no nusan-na, leo emi neu.

ULANGAN 2:32

Boema, Sihon no basa solda'dun-nala lala'en-na mai fo latee-lata'ti loo ita, deka no kota Yahas-sa.

ULANGAN 3:1

“Basa boema, ita la'ok leo kii teu, de ita leo dae Basan-na teu. Og, fo mane Basam-ma, ana mai no basa solda'dun-nala lala'en-na, fo latee-lata'ti loo ita, deka kota Edrei-a.

ULANGAN 4:44

Boema, Musa fe leoina Israel-la Manetualain hoholo-lalanen, ma nakaneneten-nala.

ULANGAN 4:48

Dae ndia, natabaa neme kota Aroer-ra, fo nai Lee Arnon-na su'un-na, fo nakandoo leo kii neu, de ana losa Letek Siryon-na, fo nde Letek Hermon-na,

YOSUA 1:15

Emi muse tulu-falis, losa langatuu-la dae manai Lee Yarden-na boboan muli ia, dae fo emi Manetualaim-ma, fen neu sila. Metema Manetualain fe basa leoina Israel-la lala'en-na laso'da no nee-nee lino-linok soona, besak-ka emi bole fali me'um-ma leo emi daem manai Lee Yarden-na boboan dulu ia, fo Musa Manetualain atan ndia ana fen neu emi.”

YOSUA 11:17

Nusak ndia loan-na, mulai neme Letelepak Na'u tak-ka, nai boboak kona, deka no Edom, losa leo kii neu, fo Baal-Gad nai Bafak Libanon-na nai Lete Hermon-na boboan kona. Yosua natee-nata'ti no nusak sila manen-nala, doon-na seli, tehu mate'en-na boema, ana ho'un-nalas de ana taonisa la'iesa kasa.

YOSUA 11:3

Boeo, nadenu hataholi neu leo hataholi Kanaan-nala, nai boboak muli ma Yarden boboan dulu, neu hataholi Amori, Het, Feris, ma hataholi Yebus-sala, lai nggolo letelepak-kala, boema hataholi Hewi-la lai Lete Hermon-na huun-na, nai nusa Mizpa.

YOSUA 13:8

Leo Ruben, ma Gad boema leo Manasye seli, sipo basa dae baba'ek neme Musa, fo Manetualain atan ndia mai so: fo nde dae manai Lee Yarden-na boboan dulu.

YOSUA 22:4

Hu ndia de, nandaa no hehelu-balataan, de Manetualain fo emi Manetualaim-ma, fe basa nee-nee lino-linok-ka neu emi tolanoom-mala, ma hataholi Israel fe'ek-kala so. Da'di, besak ia, fali me'um-ma leo makahulun-na Musa fe emi nusak manai Lee Yarden-na boboan dulu ndia meu.

HAKIM-HAKIM 11:18

Basa boema, ala la'ok lakandoo tunga moo solokaek-ka, tehu ala ta tunga Edom ma Moab nusan-na fa, te ala ho'i eno manalu, nalosa ala losa Moab boboan dulu, fo nai Lee Arnon-na selik. Ala ofu leme naa, tehu ala ta lena leo lee ndia selik leu fa, nanahu dae ndia, nai Moab nusan dale.