YOSUA 11:3 - Susula Malalaok Hehelu Palak Ma Hehelu Beuk

³ Boeo, nadenu hataholi neu leo hataholi Kanaan-nala, nai boboak muli ma Yarden boboan dulu, neu hataholi Amori, Het, Feris, ma hataholi Yebus-sala, lai nggolo letelepak-kala, boema hataholi Hewi-la lai Lete Hermon-na huun-na, nai nusa Mizpa.

YOSUA 11:3 ပူးပေါင်းရင်းမြစ်များ

KEJADIAN 31:49

Laban boeo nafa'da nae, “Sa'di leo been-na, Manetualain mete-nakanae ita, nai ita maso'dan, fo komododoon ia dalek.” Hu ndia de, loke mamanak ndia soona lae, Mizpa boe.

2 SEMUEL 24:16

Boema, Manetualain ata nusa so'dan maneni mamates ndia, ana losa nai Arauna, fo hataholi Yebus ndia, mamana po'de gandum-ma so. Lelek Manetualain nita ata nusa so'dak ndia naheheleaon basa, fo ana tao namopo-namate Yerusalem boema, Manetualain dodoo nasafali seluk nakeketun-na, de Ana hahae huku leoina ndia. Nafa'da ata nusa so'dak ndia nae, “Dai so! Mate'e leona!”

2 SEMUEL 24:7

Leme ndia mai, de leu leo kona leu, fo leo Tirus leu, fo kota makota musuk ndia. Basa boema, ala la'ok lakandoo leo basa hataholi Hewi ma hataholi Kanaan-nala kotan-nala leu, de mate'en-na, ala leo Bersyeba, fo nai Yehuda boboan kona.

1RAJA-RAJA 15:22

Basa ndia boema, Mane Asa paletas basa hataholi manai Yehuda-la lala'en-na fo leu ko'oheni ai batu fo Baesa pakes nai Rama soaneu tao natea-nahele kota ndia. Asa pake ai batu sila-la soaneu tao natea-nahele kota Mizpa ma Geba, fo kota esa nai nusa Benyamin-na.

1RAJA-RAJA 9:20

Soaneu tao bela nusak ndia de Salomo paleta hataholi-la leme Amori, Het, Feris, Hewi ma Yebus tititi-nonosin-nala mai. Hataholi sila nde been-na leoina Kanaan-na tititi-nonosin fo Israel ta taonisa la'iesa kasa fa, nai lelek fo nangatuu na nusak ndia. Losa besak ia, hataholi sila tititi-nonosin bei da'di ata lahele.

MAZMUR 133:3

Do sama leo dinis-sa nai Letek Hermon-na, fo ana kona leo pupukuk Sion-nala lain neu. Nai naa, Manetualain nakona baba'e-papalan, fo maso'dak losa dodoon-na.

MAZMUR 89:12

Lalai ma daebafak-ka nde bee-na, O nuum, O nde makadada'dik daebafak-ka no basa oe-isin lala'ena.

KIDUNG AGUNG 4:8

Au saoinang-ngonei, mai fo ata kona teme Libanon mai, mai fo ata kona teme Libanon mai. Kona teme letek Amana poin-na mai leon, neme letek Senir ma letek Hermon-na po'in-na mai, fo meoasu ma singa mamana leleon-na.

YEREMIA 40:10

Leo neme kota-kota fo emi mahiik-kana, ma po'ilotak emi makaduduluk angol, ai boak ma mina zetun fo pe'da. Au mesang-nga neukose leo nai Mizpa fo asala'e laun-nala metema hataholi-hataholi Babel-lala mai leo ia mai.”

YEREMIA 40:6

Au u lo Gedalya neu nai Mizpa, de au leo on nai laun-nala tala'da, fo nanala'o elak mani nusak Yehuda.

YEREMIA 41:14

boema lasafali de lalai leu soluk Yohanan hataholin-nala.

YEREMIA 41:3

Ismael boeo tao nisa la'iesak hataholi Yehuda fo manamakabubuak lo Gedalya nai Mizpa, ma basa soloda'du Babel fo manai ndia boe.

BILANGAN 13:29

Hataholi Amalek-kala, leo nai nusak ndia, boboan kona; hataholi Het, Yebus ma Amori-la, leo nai nggolok mapupukuk-kala; hataholi Kanaan-nala, leo nai nggolo tasi su'uk-kala, ma nai ndolo-ndolo Lee Yarden-na, su'un-na.”

ULANGAN 4:48

Dae ndia, natabaa neme kota Aroer-ra, fo nai Lee Arnon-na su'un-na, fo nakandoo leo kii neu, de ana losa Letek Siryon-na, fo nde Letek Hermon-na,

ULANGAN 7:1

“Neukose emi Manetualaim-ma no emi leo nusak fo, neukose emi leon-nana, ma neukose, Ana usi heni leoina makadotok-kala, leme nusak ndia dalek mai. Neukose, Ana usi heni leoina hitu, leme emi matam-ma mai, fo leoina sila-la, aon-nala ba'u lena emi, ma balakain-nala, lena heni emi boe, fo hataholi sila-la nde hataholi Het, Girgasi, Amori, Kanaan, Feris, Hewi ma Yebus.

YOSUA 11:17

Nusak ndia loan-na, mulai neme Letelepak Na'u tak-ka, nai boboak kona, deka no Edom, losa leo kii neu, fo Baal-Gad nai Bafak Libanon-na nai Lete Hermon-na boboan kona. Yosua natee-nata'ti no nusak sila manen-nala, doon-na seli, tehu mate'en-na boema, ana ho'un-nalas de ana taonisa la'iesa kasa.

YOSUA 11:8

De Manetualain tao-na hataholi Israel-la sengis. Hataholi Israel-la sapu-lalas, de ala usis losa Misrefot-Maim ma Sihon nai boboak kii, ma losa Bafak Mizpa nai boboak dulu. Natee-nata'tik-ka nakadedelek losa ta ela musu-a, hataholin esa boen – mate la'iesa kasa.

YOSUA 13:11

Nusa Gilead-ta nai dalek boe, nusa-nusak manai Gesur ma Maakha titia-tatain-nala, boema Lete Hermon-na lala'en-na, ma nusa Basan lala'en-na losa leo Salkha neu.

YOSUA 13:5

basa boema, leoina Gebal-la nusan-na, ma nusa Libanon-na lala'en-na, leo boboak dulu neu, fo neme Baal-Gat nai Lete Hermon-na boboan kona, fo nakandoo leo enok manaleo Hamat neu.

YOSUA 15:63

Yehuda hapu kota Yerusalem-ma boe, tehu hataholi Yehuda-la ta hapu usi heni hataholi Yebus manaleo nai ndia fa. Losa besak ia, hataholi Yebus-sala bei leo lahele loo hataholi Yehuda-la lai kota ndia.

YOSUA 3:10

Mahani te, metema emi tutulumatak soona, tao leo bee-o, Manetualain usi heni hataholi Kanaan, Het, Hewi, Feris, Girgasi, Amori ma Yebus-sala. Ma nai lelek Manetualain fo nakadada'dik lalai ma daebafak-ka, Peti Hehelu-balatan lena Yarden-na, nakahuluk neme emi mai soona, neukose emi mita Manetualain fo maso'dak-ka, nai emi tala'da heom.

HAKIM-HAKIM 20:1

Boema hataholi Israel-la lala'en-na, ala mai leme Dan nai kii, losa Bersyeba nai kona, ma Gilead nai dulu, fo tao latetu hala nalolook ndia. Lakabubua, ma dalek esa lai Mizpa, nai Manetualain matan.

HAKIM-HAKIM 21:5

Basa boema, ala palisak lutu-lutuk, nai leo-leo manai leoina Israel-la dalek, fafa'kama makahulun-na, hapu nggelok, ta leu lakabubua fo lataa Manetualain nai Mizpa fa. (Nai lelek ndia, ala soo-supa basa lae, matema see ta tao natetu hala nalolook leo Mizpa neu fa soona, muse hukunisan.)

HAKIM-HAKIM 21:8

Boema, ala palisak lutu-lutuk, fafa'kama leoina Israel-la leon esa, ta leu lakabubua lai Mizpa fa. De ala hapu, neme hataholi Yabesh manai Gilead-tala, ta hapu hataholi esa boen, neu leo Mizpa neu fa.

HAKIM-HAKIM 3:3

Leoina fo bei leo lahele nai nusak ndia: nde leoina fo manaleo nai Filistin kotan lima dalek-ka, basa leoina Kanaan-nala, leoina Sidon-na, ma leoina Hewi, fo manaleo nai letelepak Libanon-na, mulai neme Letek Baal-Hermon-na losa leo enok manaleo Hamat neu.

HAKIM-HAKIM 3:5

Hu ndia de, hataholi Kanaan, Het, Amori, Feris, Hewi ma Yebus-sala, ala leo lahele, sama-sama loo hataholi Israel-la, nai nusak ndia.

SEMUEL SUSULAK-KA ESAN-NA 10:17

Boema, Semuel naloo laun Israel-la, fo lakabubua nai Mizpa,