YOSUA 11:23 - Susula Malalaok Hehelu Palak Ma Hehelu Beuk

²³ Yosua nangatuun-na nusak ndia lala'en-na, nandaa no Manetualain paletan neu Musa, boema Ana fen neu leoina Israel-la, fo da'di sila pusakan. Ala baba'e nusak ndia, de leo esa-na, ana hapu baba'ek esa. Leoina Israel-la hahae natee-natatik-ka, boema nusan-na nee-nee lino-lino ma so'da-molek.

YOSUA 11:23 ပူးပေါင်းရင်းမြစ်များ

NEHEMIA 9:24

Sila tititi-nonosin sengi dae Kana'an-na; O taom-ma laun manai naa-la ta so'uk langan-nala fa. O fe O anam-mala koasa, fo ala tao tunga sila dale hihiin-na soaneu leoina Kanaan-nala ma manen-nala.

MAZMUR 46:9

Mai, fo mete hata fo Manetualain tao-no'in; tatao-nono'in nanadodoo-doak nanseli nai daebafak-ka!

KELUARAN 34:11

Emi muse tunga hoholo-lalanek fo faik ia Au fen neu emi. Neukose Au usiheni leoina Amori, Kanaan, Het, Feris, Hewi ma Yebus nai lelek emi tutulumatak.

YESKIAL 45:8

Dae ndia, ana da'di manapaleta manai Israel-la, pusakan, fo ela ala boso tuni-ndeni seluk Au anang-ngala, te ala fe dae lenak ndia neu leo-leo Israel-la, fo ala taon da'di sila pusakan.

ULANGAN 1:38

Tehu, matetea-mahehele o manatulu-manafalim Yosua, fo Nun anan ndia, dalen-na. Te neukose, ndia nde nauli-nalanga Israel, fo ala loso-la nusak ndia.’

ULANGAN 25:19

Hu ndia de, metema emi Manetualaim-ma fe nusak ndia neu emi, fo emi leo no nee-nee-lino-linok, nanahu emi musum manai emi titia-tataim-mala, ala ta latee-latati loo emi so'on soona, emi muse taomisa la'iesak hataholi Amalek sila-la, boso ela esa boen, fo ela mopo na'den-nala, nai daebafak-ka ia poin-na. Boso mafandele henin!”

YOSUA 12:7

Yosua sama-sama no hataholi Israel-la sengi manek-kala nde, basa mane-manek manai nusak manai Lee Yarden-na boboan muli, fo neme Baal-Gad nai Bafak Libanon-na, losa leo Letelepa Na'u tak-ka, nai boboan kona, deka Edom. Yosua baba'e nusak ndia neu leoina Israel-la leon-nala, fo da'di sila dae pusakan.

YOSUA 18:10

Boema Yosua tu'u batu, fo ana bubuluk Manetualain nakeketun soaneus. Basa ndia boema, leoina Israel-la, leon fo ana beita hapu dae baba'ek fa, Musa fe esa-esak dae baba'ek.

YOSUA 22:4

Hu ndia de, nandaa no hehelu-balataan, de Manetualain fo emi Manetualaim-ma, fe basa nee-nee lino-linok-ka neu emi tolanoom-mala, ma hataholi Israel fe'ek-kala so. Da'di, besak ia, fali me'um-ma leo makahulun-na Musa fe emi nusak manai Lee Yarden-na boboan dulu ndia meu.

YOSUA 23:1

Doon-na seli, nai lelek Manetualain fe hataholi Israel-la nee-nee lino linok; boema musu-a ta fes nasanene'dak mahelek so'on. Nai lelek ndia Yosua namalasi nanseli so.