YOSUA 11:2 - Susula Malalaok Hehelu Palak Ma Hehelu Beuk

² neu mane-manek manai letelepak-kala nai boboak kii, nai Bafak Yarden-na, nai Galilea boboan kona, nai nggolo letelepak-kala huun-na, ma nai nggolo tasi su'uk-ka deka no Dor.

YOSUA 11:2 ပူးပေါင်းရင်းမြစ်များ

1RAJA-RAJA 15:20

Benhadad sipok nonokek ndia, boema nadenu malanga solda'du matuainan-nala sama-sama loo Asa solda'dun-nala leu sapu-la Israel kotan-nala. Ala sengi Iyon, Dan, Abel-Bet-Maakha ma Kinerot fo ana deka no Dano Galilea boema basa nusa Naftali lala'en-na.

BILANGAN 34:11

Boema ana kona neme ndia leo Ribla neu, fo nai Ain boboan dulu, boema nakandoo leo pupukuk manai Dano Galilea su'un dulu,

LUKAS 1:39

Basa ndia de beita doo ka boen te Maria neu leo kota esa nai Yudea, fo nai nggolo letelepa na.

LUKAS 5:1

Nai faik esa boema Yesus napadeik neme dano Genesare ta solokaen lain. Hataholi makadotok lakaseseti ao soaneu lamanene halak maneme Manetualai na mai.

YOSUA 10:40

Yosua nangatuun-na kota ndia lala'en-na. Ana sengi basa manek manai nggolo leten-nala, nai pupukuhuk manai boboak dulu, nai letek-kala huun manai boboak muli, ma nai masadokek manai boboak kona. Ana ta po'ilotak hataholi esa boen, naso'da fa; Ana taonisa la'iesa kasa. Ndia nandaa no Manetualain fo Israel Manetualain paletan-na.

YOSUA 10:6

Boema, hataholi Gibeon-nala, haitua halak ia neu Yosua nai mamana ofun-na, nai Gilgal nae, “Boso po'ilotak ami mesam-ma, Tuan! Mai lai-lai, fo fali-ma ami, nana basa manek manai Amori-la, solda'dun-nala lakabubua basa, fo la'ban ami!”

YOSUA 11:16

Yosua nangatuun-na la'iesak nusak ndia – nusa letelepan-na, nusak manai letek-kala huun-na, nau manai kii-la, do manai kona-la; boeo basa nusa Gosyen lala'en-na, ma mook tokotik manai Gosyen boboan kona, boema Bafak Yarden-na.

YOSUA 11:21

Nai tepo-lelek ia boe, Yosua neu tao namopo-namate leoina Enak-kala, fo nde leoina ao matua-ei madema-la, ala leo nai nggolo letelepak-kala, nai Hebron, Debir, Anab, ma nai basa nggolo letelepak manai Yehuda, ma Israel. Yosua taonisa la'iesa kasa, ma ana tao nakalulutuk kotan-nala.

YOSUA 12:3

boeo neni Bafak Yarden-na boboan dulu, fo neme Dano Galilea leo kona neu, fo losa leo Bet-Yesimot (nai Tasi Mates-sa boboan dulu) soona nakandoo leo Lete Pisga huun-na neu.

YOSUA 13:27

Nai Bafak Yarden-na, fo leo Gad-ta nusan ndia, neni Bet-Haram, Bet-Nimra, Sukot ma Zafon, fo nde bei ela Mane Sihon manai Hesybon-na, nusa paletan-na. Leo Gad-ta nusan ndia, too muli nde Lee Yarden-na, losa leo Dano Galilea nai boboak kii.

YOSUA 17:11

Manasye daen fo manai Isakhar ma Asyer nusan-nala dalek-ka, nde: Bet-Sean ma Yibleam no nggolo-nggolok manai boboa-kaisun-nala. Boeo: Dor (kota esa nai tasi su'un-na), En-Dor, Taanakh, Megido, no nggolo-nggolok manai boboa-kaisun-nala.

HAKIM-HAKIM 1:27

Leo Manasye-a ta usi heni kota Bet-Sean-na laun-nala fo nde Taanakh, Dor, Yibleam ma Megido no nggolo-nggolok manai titia-tatain-nala fa. Da'di, hataholi Kanaan-nala leo lahele leme ndia.