YOSUA 11:16 - Susula Malalaok Hehelu Palak Ma Hehelu Beuk

¹⁶ Yosua nangatuun-na la'iesak nusak ndia – nusa letelepan-na, nusak manai letek-kala huun-na, nau manai kii-la, do manai kona-la; boeo basa nusa Gosyen lala'en-na, ma mook tokotik manai Gosyen boboan kona, boema Bafak Yarden-na.

YOSUA 11:16 ပူးပေါင်းရင်းမြစ်များ

MAZMUR 105:44

Ana fe leoina-la daen-na neu anan-nala, ma Ana fe tinan-nala, leo anan-nala neu, fo da'di anan-nala pusakan,

MAZMUR 78:55

Ana usi heni laun manai sila-la, nai anan-nala matan, boema Ana baba'e dae ndia, neu basa anan-nala, fo leo Israel-la, nalosa ala leo musu-a lalaa teman-nala.

YESKIAL 17:23

Au falak-kana, nai lete mademaina manai Israel-la. Neukose, nanupu nai naa, fo nabuna-naboa, boema, ana da'di ai kaiou nanakoa-nanakiok. Basa manupui mata-matak lala'en-na, neukose landunu nai lain, ma lafuni aoinan-nala, nai sa'on dale.

YESKIAL 36:8

Tehu Au afa'da o, hai lete-letek Israel-la lemin, neukose o ai-mala ladoo beu, fo laboa seluk fe Au anang Israel.

ULANGAN 1:7

Besak ia, ofeheni emi lalaa ofum-mala leona, fo meu leo hataholi Amori-la dae letelepan-na, ma nai basa dae manai titia-tatain-nala, fo nde Bafak Yarden-na, dae mapupukuk-kala, ma dae matetuk-kala, dae manai kona ma Tasi Tala'dak-ka su'un kona. Meu leona, fo mangatuu-ma, dae Kanaan-na, ma Letelepak Libanon-na losa Leeina Efrat-ta.

YOSUA 10:40

Yosua nangatuun-na kota ndia lala'en-na. Ana sengi basa manek manai nggolo leten-nala, nai pupukuhuk manai boboak dulu, nai letek-kala huun manai boboak muli, ma nai masadokek manai boboak kona. Ana ta po'ilotak hataholi esa boen, naso'da fa; Ana taonisa la'iesa kasa. Ndia nandaa no Manetualain fo Israel Manetualain paletan-na.

YOSUA 10:41

Yosua sengi nggolo-nggolok, fo neme Kades-Barnea nai boboak kona, losa leo Gaza, fo deka no nggolo tasi su'uk-ka, nai dalek hapu nusa Gosyen-na lala'en-na, losa leo Gibeon nai kii.

YOSUA 11:15

Basa hata fo Manetualain paletan neu Musa fo atan-na, Musa nanduku-nalosak basan neu Yosua, de Yosua nakalala'ok la'iesak-kasa so.

YOSUA 11:2

neu mane-manek manai letelepak-kala nai boboak kii, nai Bafak Yarden-na, nai Galilea boboan kona, nai nggolo letelepak-kala huun-na, ma nai nggolo tasi su'uk-ka deka no Dor.

YOSUA 11:21

Nai tepo-lelek ia boe, Yosua neu tao namopo-namate leoina Enak-kala, fo nde leoina ao matua-ei madema-la, ala leo nai nggolo letelepak-kala, nai Hebron, Debir, Anab, ma nai basa nggolo letelepak manai Yehuda, ma Israel. Yosua taonisa la'iesa kasa, ma ana tao nakalulutuk kotan-nala.

YOSUA 12:8

Nusak ndia, neni nusak manai letelepan-na, nusa pupuku huuk-ka nai boboak muli, Bafak Yarden-na no nusa pupuku huun-na, nusa masakakalak-kala, nai boboak dulu, ma moo maloa, nai boboak kona. Nusa-nusak sila-la nde been-na, leoina Het, Amori, Kanaan, Feris, Hewi ma Yebus, mamana leleo palaan.

YOSUA 9:1

Halak la'eneu Israel sesengin-na, nakapela losa leo basa manek manai Lee Yarden-na boboan muli – nai letelepak-kala, nai letek-kala huun-na, nai mook manandolo nahele Tasi Tala'dak-ka su'un-na, losa Letek Libanon-na nai boboak kii: fo nde mane-manek Het, Amori, Kanaan, Feris, Hewi, ma Yebus.