YOSUA 11:14 - Susula Malalaok Hehelu Palak Ma Hehelu Beuk

¹⁴ Ala taolisa la'iesak kota sila-la laun-nala; ala ta po'ilotak hataholi esa boen, naso'da fa. Tehu, basa bua-lo'a kabelin-nala ma bana-manun-nala, hataholi Israel-la ho'i-lalas da'di sila nuun.

YOSUA 11:14 ပူးပေါင်းရင်းမြစ်များ

2TAWARIKH 20:25

Boema Yosafat sama-sama no anaboa-nala leu kalo musu bua-lo'a-nala. Ala hapu bana-manu, tafa-sisilo, bua papakek, ma bua-lo'a kabelik fe'ek makadotok. Ala hehele lakabubua bua-lo'as sila-la faik telu dalen-na, te bua-lo'a fe'ek bei makadotok, nalosa ka'da ala la'oelas.

BILANGAN 31:9

Hataholi Israel-la foo leni basa inak-kala ma ni'iana Midian-nala, ma ala kalo leni la'iesak bana-manun-nala, boema su'i-beten-nala lala'en-na.

ULANGAN 20:14

Tehu, emi bole ho'im-ma basa inak-kala, ni'iana-la, bana-manu ma su'di hata beek fo manai kota ndia dalek-ka. Emi bole pake, emi musum-ma hata-heton sila-la lalaena. Nana emi Manetualaim-ma fe la'iesak, basa sila-la leo emi neu.

ULANGAN 20:16

Tehu metema, kota sila-la, nai emi Manetualaim-ma fe emi nusak-ka dalek soona, emi muse taomisa la'iesak laun-nala.

YOSUA 10:40

Yosua nangatuun-na kota ndia lala'en-na. Ana sengi basa manek manai nggolo leten-nala, nai pupukuhuk manai boboak dulu, nai letek-kala huun manai boboak muli, ma nai masadokek manai boboak kona. Ana ta po'ilotak hataholi esa boen, naso'da fa; Ana taonisa la'iesa kasa. Ndia nandaa no Manetualain fo Israel Manetualain paletan-na.

YOSUA 11:13

Tehu, kota-kota manai pupuku tokotik-kala lain-na, hataholi Israel-la ta hotu heni esa boen, te ka'da Yosua hotu heni Hazor.

YOSUA 11:15

Basa hata fo Manetualain paletan neu Musa fo atan-na, Musa nanduku-nalosak basan neu Yosua, de Yosua nakalala'ok la'iesak-kasa so.

YOSUA 8:2

O muse tao kota Ai no manen-na, sama leo makahulun-na, o tao Yerikho no manen-na. Tehu oek ia soona, emi bole ho'i-ma hata-heton ma bana-manun-nala, fo emi manuus. Maheheleaom leona, fo meu sapu-ma, kota ndia no kaiboik, neme dea mai.”

YOSUA 8:27

Hataholi Israel-la, ho'i-la ala kalo leni bana-manu, ma bua-lo'as manai kota ndia, de ala taos da'di sila hata-heton, nandaa hata fo Manetualain nafa'dan neu Yosua.