YOSUA 11:1 - Susula Malalaok Hehelu Palak Ma Hehelu Beuk

¹ Lelek Mane Yabin fo neme Hazor mai, namanene la'eneu Israel sesengin-nala, boema nadenu hataholi neu leo Mane Yobab, fo neme kota Madon-na mai, ma neu kota Simron ma Akhsab mane-manen-nala,

YOSUA 11:1 ပူးပေါင်းရင်းမြစ်များ

2 SEMUEL 10:15

Hataholi Siria-la lame'da lae, hataholi Israel-la sengi sila so; hu ndia de, laloo basa sila solda'dun-nala, fo lakabubua seluk.

1RAJA-RAJA 9:15

Mane Salomo pake enok nenik tao bela nusak soaneu nafofo'a Manetualain Uman-na, manek-ka uma manen-na, Yerusalem papala nanadama na ma soaneu ala hulu ladodou dae neu Manetualain Uman-na boboan kona. Ana pake enok matak esa soaneu nafofo'a falik kota Hazor, Megido ma Gezer. (

2RAJA-RAJA 15:29

Nai tepo-lelek Pekah paleta, Tiglat-Pileser, fo mane Asyur-ra, natona-na kota Iyon, Abel-Bet-Maakha, Yanoah, Kedes, Hazor, nusa Gilead, Galilea ma Naftali. Laun-nala nanafook boe, da'di leo hataholi nanafook leo Asyur leu.

YESAYA 26:11

Manetualain, O maheheleaom, fo huku O musum-ma, tehu ala ta bubuluk fa. Nemen-na fo, ala hapu mamaek nai lelek lita O susue-lalaim ba'eneu O anam-mala. Nemen-na fo mate-mopo la'iesak-kasa, hu kande hoholo-lalanek fo O sadian ba'eneus.

YESAYA 43:2

Metema, o lena tunga oe dale soona, neukose Au sama-sama o o, neukose, o ta bolo nai, o toto'a-tataam dale fa. Metema, o la'ok tunga ha'i dale soona, neukose ha'i-a, ta na'a naputu o fa, Soso'ba-susu'di mabelaina-la, neukose ta tao soe o fa.

YOSUA 10:43

Basa ndia boema, Yosua no solda'dun-nala fali le'us leo mamana ofun-nala nai Gilgal.

YOSUA 11:10

Basa de, Yosua fali ma'in boema, nangatuun-na Hazor, fo nai lelek ndia, Hazor ndia nde balakain-na ba'ulena, neme basa nusak manai ndia. Ana hotu heni kota ndia, boema ana taonisa manen-na, ma basa laun-na lala'en-na; ana ta po'ilotak hataholi esa boen, naso'da fa.

YOSUA 19:36

Adama, Rama, Hazor,

YOSUA 9:2

Mane-manek sila-la lalahalak fo lakabubua, soaneu leu lata'ti loo Yosua ma hataholi Israel-la.

HAKIM-HAKIM 4:17

Ndia te, Sisera nalai leo Yael, fo Heber hataholi Keni ndia saoinan-na, lalaa teman dale neu. Nana, Mane Yabin fo neme Habor mai, tao tia-laik no teidalek Heber sila.

HAKIM-HAKIM 4:2

Boema Manetualain po'ilotak Yabin, fo mane Kanaan-na, nangatuuk nai kota Hazor-ra, ana sengis. Malanga solda'du matuainan-na nde Sisera, ana leo nai Haroset-Hagoyim.

HAKIM-HAKIM 5:19

Mane-manek-kala, latee-lata'ti nai Taanakh, fo deka no lee manai Megido, mane-mane Kanaan-nala, puselaipana, tehu ala ta leni lilofulak, da'di leo bua kakalok fa.