YOSUA 10:8 - Susula Malalaok Hehelu Palak Ma Hehelu Beuk

⁸ Manetualain nafa'da Yosua nae, “Boso bii hataholi sila. Au fe basa sesengik-ka neu o so, hu ndia de, sila hataholin esa boen, ta hapu nakatatakak la'ban o fa.”

YOSUA 10:8 ပူးပေါင်းရင်းမြစ်များ

1RAJA-RAJA 20:13

Ndia te, nabi esa neu leo Mane Ahab-pa neu de nafa'dan nae, “Manetualain nafa'da nae, ‘O mita solda'du makadotok sila-la? Neukose Au fe o sengis faik ia. Fo ela o bubuluk mae Au nde Manetualain na.’ ”

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?

ULANGAN 3:2

Tehu, Manetualain nafa'da au nae, ‘Musa, boso bii Og. Neukose Au fe Og no solda'dun-nala, ma basa daen-na lala'en-na leo o neu. Taon sama leo o tao Sihon, fo Mane Amori-a, fo ana paleta nai Hesybon.’

ULANGAN 7:24

Neukose, Ana fe sila manen-nala leo emi neu. Fo neukose, emi taomisas, ma mopo na'den-nala. Ta hapu hataholi esa boen, fo ana bisa nakatatakak nasasalematak no emi fa; nana neukose emi tao mamate-mamopo la'iesak-kasa.

YOSUA 10:25

Basa ndia boema Yosua nafa'da malanga solda'du matuainan-nala nae, “Dalem-mala boso ba'ihana ma bii. Ela leo been-na, emi mamahele ma mapalani, nana neukose, Manetualain tao emi musum-mala, enon-na leoiak.”

YOSUA 10:9

Le'odae boema, Yosua no solda'dun-nala mulai la'ok leme Gilgal leo Gibeon leu, boema ala sapu-la hataholi Gibeon-nala no kaiboik.

YOSUA 11:6

Manetualain nafa'da Yosua nae, “Boso bii hataholi sila. Balahaa, nai fain-na sama leo iak soona, o taomisa la'iesa kasa, hu kande Israel. Muse o tao la'di ndalan-nala ein-na, ma muse o hotu heni, kaleta musun-nala.”

YOSUA 8:1

Manetualain nafa'da Yosua nae, “Makabubua basa o solda'dum-mala, fo la'ok mos leo Ai meu. Dalem-mala boso ba'ihana ma boso bii! Neukose Au fe emi sengi mane Ai-a. Neukose, o loso-ma laun-na, kotan-na, ma nusan-na.

HAKIM-HAKIM 6:16

Manetualain nae, “Tao leo bee-o, o bisa, nana neukose Au nde tulu-fali o. Neukose o bisa tao makalulutuk hataholi Midian-nala no mudak, nono'kabai o masasalematak mo ka'da hataholi esa mesak-kana.”

HAKIM-HAKIM 7:9

Le'odaek ndia, Manetualain nafa'da Gideon nae, “Fo'a leon Gideon! Fo muu sapu-ma hataholi Midian-nala ofun-na leona. Te Au fe o sengis.

SEMUEL SUSULAK-KA ESAN-NA 17:47

ma basa hataholi manai ia-la, neukose lita, lae Manetualain ta paluu tafaina do tee soaneu soi-tefa anan-nala fa. Ndia nde naketu natee-natatik ia eno-dalan, ma Ndia nde neukose fe emi leo ami limam dale mai-a.”