YOSUA 10:6 - Susula Malalaok Hehelu Palak Ma Hehelu Beuk

⁶ Boema, hataholi Gibeon-nala, haitua halak ia neu Yosua nai mamana ofun-na, nai Gilgal nae, “Boso po'ilotak ami mesam-ma, Tuan! Mai lai-lai, fo fali-ma ami, nana basa manek manai Amori-la, solda'dun-nala lakabubua basa, fo la'ban ami!”

YOSUA 10:6 ပူးပေါင်းရင်းမြစ်များ

2RAJA-RAJA 4:24

Ana bela basa ne'a sa'e ndala neu keledei ndia lain boema, nafa'da atan-na nae, “Fepa keledei ia, fo ela nalaik napane'e; metema, au beita adenu fa soona, boso fen la'ok faa-faa.”

MAZMUR 125:2

Sama leo letek-kala lasulu-lahapa Yerusalem, leondiak, Manetualain nasulu-nahapa anan-nala neme besak ia, losa dodoon-na.

YESAYA 33:22

Nana Manetualain nde been-na, ita Manakee-manafulan, Manetualain nde been-na, manafe ita hoholo-lalanek-ka; Manetualain nde been-na, ita Manen, Neukose Ana soi-tefa-na ita. Emi talim-mala, lakama'a so, de ta hapu pa'a nahele dii laa, nai mamanan-na fa, boema, ta hapu lofa laa neu fa. Nai lelek ndia, neukose hataholi baba'e bua-lo'a nanaloso-nak makadotok, ma hataholi lu'ueik-kala, neukose ala kalo bua-lo'a kakalok.

BILANGAN 13:29

Hataholi Amalek-kala, leo nai nusak ndia, boboan kona; hataholi Het, Yebus ma Amori-la, leo nai nggolok mapupukuk-kala; hataholi Kanaan-nala, leo nai nggolo tasi su'uk-kala, ma nai ndolo-ndolo Lee Yarden-na, su'un-na.”

LUKAS 1:39

Basa ndia de beita doo ka boen te Maria neu leo kota esa nai Yudea, fo nai nggolo letelepa na.

ULANGAN 1:15

Hu ndia de, nai mauli-malangan fo emi helek sila-la dalek, au hele hataholi de'ubee manatee-tenok, ma ha'da-paliin malole, fo au so'us da'di emi mauli-malangam. Sila de'ubee, da'di mauli-malangan neu hataholi lifun esa, ma nggelok lauli-lalanga hataholi natun esa, nggelok lauli-lalana hataholi 50, ma nggelok lauli-lalanga hataholi 10. Au so'u mauli-malangan fe'ek boe, fo ala ito-ato emi leom-ma.

YOSUA 10:5

Boema, Amori mane ka-5n sila, fo nde mane Yerusalem, Hebron, Yamut, Lakhis, ma Eglon lakabubua, boema loo basa solda'dun-nala lala'en-na, de leu lakahapi ma sapu-la Gibeon.

YOSUA 10:7

Boema Yosua no la'iesak solda'dun-nala lala'en-na, ma solda'du neulaun-nala boe, de leu latee-lata'ti nai Gilgal.

YOSUA 5:10

Lelek ala bei ofu leme Gilgal fo nai masadokek manadeka no Yerikho-a, te ala tao feta Paskah nai fai le'donoson-na, nai bulak ndia fain sanahuluhaa.

YOSUA 9:15

Boema, Yosua tao hehelu-balataa tia-laik no hataholi Gibeon sila-la, de ana helu, ana ta taonisa fas. Mauli-malangan Israel-la boeo, soo-supa fo ala tao latetu hehelu-balataak ndia.

YOSUA 9:6

No papake-ngganggao leondiak-ka, leu latongo loo Yosua nai mamana ofun-na nai Gilgal, boema lafa'dan no hataholi Israel-la lae, “Ami meme nusa dook mai, de ami sanga tao hehelu-balataak moo Tuan-tuan-nala.”

YOSUA 9:8

Boema lae, “Ami nau tao su'di beek fo Tuan paletan.” Boema Yosua natanes nae, “See emi? Ma emi meme nusak bee mai?”