YOSUA 10:41 - Susula Malalaok Hehelu Palak Ma Hehelu Beuk

⁴¹ Yosua sengi nggolo-nggolok, fo neme Kades-Barnea nai boboak kona, losa leo Gaza, fo deka no nggolo tasi su'uk-ka, nai dalek hapu nusa Gosyen-na lala'en-na, losa leo Gibeon nai kii.

YOSUA 10:41 ပူးပေါင်းရင်းမြစ်များ

KEJADIAN 10:19

nalosa sila nusan-na dae toon-na, namaloa neme Sidon leo kona neu, fo nakandoo leo Gerar neu, losa ana deka no Gaza, boema ana leo dulu neu, fo leo Sodom, Gamora, Adma, ma Zeboim, losa ana deka no Lasa.

1RAJA-RAJA 3:5

Le'odaek ndia boeo, Manetualain natu'du aoinan-na neun nai me'is dale de nafa'da nae, “Salomo, moke hata fo o mahiik-kana leon, te neukose Au o!”

ZAKHARIA 9:5

Neukose kota Askelon ma kota Gaza litan, fo ala bii-lamata'u. Neukose Ekron nitan boe, de mopo basa namahehenan lala'en-na. Neukose mopo Gaza manen-na, ma neukose Askelon da'di kota nee-nee lino-linok ma kota louk.

BILANGAN 13:26

de lafa'da Musa no Harun, ma basa hataholi Israel-la, bei lakabubua lai Kades, fo nai moo solokaek Paran-na. Ala tui hata fo sila litan so, ma latu'du ai boak fo, sila lenik-ka.

BILANGAN 32:8

Emi amam-mala tao leondiak boe, nai lelek au adenus leu la'ok okofefeo nusak ndia.

BILANGAN 34:4

fo ana dilu leo kona neu, fo leo Enok Akrabim-ma neu, de nakandoo leo Zin, losa Kades-Barnea fo nai kona. Soona ana dilu neme ndia mai, fo ana leo muli neu, fo ana losa Hazar-Adar, fo nakandoo leo Azmon neu.

HATAHOLI 8:26

Lamatua ka ata nusa so'dan esa nafa'da Felipus nae, “La'o lai-lai leo kona mu fo tunga enok mana tuti Yerusalem no Gaza.” Enok ndia nee nee-lino lino.

ULANGAN 1:19

“Boema, nandaa no ita Manetualain paletan-na, de ita la'oela Letek Sinai-a, boema ita la'ok tunga moo solokaek maloina, ma henuk no bibii-namata'uk-ka, ita teu leo hataholi Amori-la dae letelepan-na teu. Nai lelek ita losa Kades-Barnea boema,

ULANGAN 2:23

Hataholi-la leme pulu Kreta mai, langatuu-la dae manandolo-ndolo Tasi Tala'dak-ka su'un-na. Ala tao lamopo-lamate hataholi Awi, fo nggolo isik manai dae ndia, boema langatuu-la dae ndia losa leo kona neu, fo nakandoo leo kota Gaza neu.)

ULANGAN 9:23

Boema, nai lelek Manetualain nadenu emi fo, la'oela Kades-Barnea, fo meu mangatuu-ma, dae fo neukose Manetualain fen neu emi-a, emi lena-la'ban emi Manetualaim-ma paletan-na; emi ta nau mamahele do tunga neu fan.

YOSUA 10:12

Nai faik ndia, fo nai lelek Manetualain fe hataholi Israel-la sengi hataholi Amori-la, Yosua kokolak no Manetualain. Ma Yosua kokolak nai hataholi Israel-la matan nae, “Hai le'do-a nei! Mate'e nai lete Gibeon-na poin-na. Ma o, bulak-ka nei! Boso heok meme Bafak Ayalon-na lain mai.”

YOSUA 10:2

Boema laun Yerusalem-mala bii lanseli, nana Gibeon nde been-na kota matuaina; matua-na sama no kota-kota fo nanuu manek, nakalenak matua lena kota Ai-a. Hataholin-nala boeo, palani ta'tibatu malela natee-natatik-kala.

YOSUA 11:16

Yosua nangatuun-na la'iesak nusak ndia – nusa letelepan-na, nusak manai letek-kala huun-na, nau manai kii-la, do manai kona-la; boeo basa nusa Gosyen lala'en-na, ma mook tokotik manai Gosyen boboan kona, boema Bafak Yarden-na.

YOSUA 11:22

Ta ela leoina Enak ndia, hataholin esa boen, nai nusa Israel-la, ka'da bei hapus lai Gaza, Gat, ma Asdod.

HAKIM-HAKIM 16:1

Faik esa boema, Simson neu leo Gaza neu. Nai naa, natongo no ina manasosoa-piaok esa, boema neu sungu no inak ndia.

HAKIM-HAKIM 16:21

Boema hataholi Filistin-nala ho'u-lan, de ala e'do heni mata de'en-nala. Loon leo Gaza neu, de ala hengen nenik namosina liti 2, boema ala taon leo bui dale neu. Nai naa, ladenun po'de su'di beek.

SEMUEL SUSULAK-KA ESAN-NA 6:17

No enok ndia, hataholi Filistin-nala haitua fe Manetualain tutunu-hohotuk sala-singok nanasoi-tefak soaneu Filistin manek-ka liman fo ala paleta kota ka limak-kala, laun-nala. Kota sila-la nde, Asdod, Gaza, Askelon, Gat ma Ekron. Nai kota sila-la, hapu nggelok lanuu kota musu, ma nggelok ta. Kota sila-la esan-na haitua peta-paek nanataok neme lilopilas esa ma lafo nanataok neme lilopilas esa. Manada'dik ndia buti-na nde batu matuaina, mamanak fo ala pe'da Manetualain Peti Hehelu-balataan. Losa faik ia, batu ndia bei nahele nai Yosua, fo hataholi Bet-Semes ndia, tinan-na.