YOSUA 10:40 - Susula Malalaok Hehelu Palak Ma Hehelu Beuk

⁴⁰ Yosua nangatuun-na kota ndia lala'en-na. Ana sengi basa manek manai nggolo leten-nala, nai pupukuhuk manai boboak dulu, nai letek-kala huun manai boboak muli, ma nai masadokek manai boboak kona. Ana ta po'ilotak hataholi esa boen, naso'da fa; Ana taonisa la'iesa kasa. Ndia nandaa no Manetualain fo Israel Manetualain paletan-na.

YOSUA 10:40 ပူးပေါင်းရင်းမြစ်များ

1RAJA-RAJA 15:29

Baesa da'di manek tutika, ana taonisa la'iesak Yerobeam tititi-nonosin. Nandaa no hata fo Manetualain nafa'da basan tunga atan, Nabi Ahia neme Silo mai, boema basa Yerobeam teidalen lala'en-na, nanataonisak, de ta ela hataholi esa boen.

NEHEMIA 9:24

Sila tititi-nonosin sengi dae Kana'an-na; O taom-ma laun manai naa-la ta so'uk langan-nala fa. O fe O anam-mala koasa, fo ala tao tunga sila dale hihiin-na soaneu leoina Kanaan-nala ma manen-nala.

MAZMUR 9:17

Manetualain natu'du aoinan-na nanahu nakeketun-na ndoos ma matetuk. Hataholi mangalauk-ka, tatao-nono'in nakahihi'ik-na seluk-kana.

KELUARAN 34:12

Boso tao hehelu-balataak moo hataholi manai nusak fo emi meu, nana dede'ak ndia ana bisa da'di hihi'ik esa, fo nenenin-na mamates ba'eneu emi.

BILANGAN 13:17

Lelek Musa nadenus fo ala la'o-a, ana helus nae leo ia, “La'ok leo kii meu, soona la'ok masale leo dae Kanaan-na boboan kona meu, basa soona, makandoo leo dae mapupukuk-kala meu.

ULANGAN 1:7

Besak ia, ofeheni emi lalaa ofum-mala leona, fo meu leo hataholi Amori-la dae letelepan-na, ma nai basa dae manai titia-tatain-nala, fo nde Bafak Yarden-na, dae mapupukuk-kala, ma dae matetuk-kala, dae manai kona ma Tasi Tala'dak-ka su'un kona. Meu leona, fo mangatuu-ma, dae Kanaan-na, ma Letelepak Libanon-na losa Leeina Efrat-ta.

ULANGAN 2:34

Nai lelek ndia boe, ita loso-ta basa kota-la de ita tao takalulutuk-kasa, ma ita tao tisa la'iesak laun-nala lala'en-na, touk-kala, inak-kala ma ni'iana-la. Ita ta po'ilotak hataholi esa boen, naso'da fa.

ULANGAN 7:24

Neukose, Ana fe sila manen-nala leo emi neu. Fo neukose, emi taomisas, ma mopo na'den-nala. Ta hapu hataholi esa boen, fo ana bisa nakatatakak nasasalematak no emi fa; nana neukose emi tao mamate-mamopo la'iesak-kasa.

YOSUA 10:35

Nai faik ndia boe, langatuu-la Eglon, de ala taolisa la'iesak hataholi manai sila-la, sama leo ala taon nai Lakhis.

YOSUA 10:37

de langatuu-lan. Ala taolisa kota ndia manen-na, ma ala taolisa la'iesak hataholin-nala, ma hataholi manai kota-kota fe'ek manai titia-tatain-nala. Yosua tao nakalulutuk la'iesak kota ndia, sama leo ana taon neu kota Eglon-na. Ana ta po'ilotak hataholi esa boen, naso'da nai ndia fa.

YOSUA 10:39

Yosua loso-na kota ndia no manen-na, ma basa kota fe'ek manai titia-tatain-nala. Ana taonisa la'iesak hataholi manai sila-la. Yosua tao Debir no manen-na, sama leo ana tao Hebron ma Libna, boema manen-na.

YOSUA 11:16

Yosua nangatuun-na la'iesak nusak ndia – nusa letelepan-na, nusak manai letek-kala huun-na, nau manai kii-la, do manai kona-la; boeo basa nusa Gosyen lala'en-na, ma mook tokotik manai Gosyen boboan kona, boema Bafak Yarden-na.

YOSUA 12:8

Nusak ndia, neni nusak manai letelepan-na, nusa pupuku huuk-ka nai boboak muli, Bafak Yarden-na no nusa pupuku huun-na, nusa masakakalak-kala, nai boboak dulu, ma moo maloa, nai boboak kona. Nusa-nusak sila-la nde been-na, leoina Het, Amori, Kanaan, Feris, Hewi ma Yebus, mamana leleo palaan.

YOSUA 18:21

Teidalek manai leo Benyamin-na dalek, hapu kota la, basa-basan, kota sanahulu dua, loo nggolo-nggolok manai titia-tatain-nala, nde: Yerikho, Bet Hogla, Emek-Kezis, Bet-Araba, Zemaraim, Betel, Haawim, Para, Ofra, Kefar-Haamonai, Ofni ma Geba.

YOSUA 6:17

Basa kota no oe-isin lala'en-na, muse tao nakalulutuk la'iesak-kasa, fo da'di leo tutunu-hohotuk soaneu Manetualain. Ka'da Rahab, fo ina manasosoa-piaok ndia, no teidalen-nala mesak-kasa, bole fes laso'da, nanahu ana tulu-fali ita mata-matan-nala so.

YOSUA 8:2

O muse tao kota Ai no manen-na, sama leo makahulun-na, o tao Yerikho no manen-na. Tehu oek ia soona, emi bole ho'i-ma hata-heton ma bana-manun-nala, fo emi manuus. Maheheleaom leona, fo meu sapu-ma, kota ndia no kaiboik, neme dea mai.”

YOSUA 8:27

Hataholi Israel-la, ho'i-la ala kalo leni bana-manu, ma bua-lo'as manai kota ndia, de ala taos da'di sila hata-heton, nandaa hata fo Manetualain nafa'dan neu Yosua.

YOSUA 9:24

Boema lataa lae, “Ami tao leondiak, nanahu ami mamanene lae Manetualain, fo Tuan-tuan-nala sene-do'ok ndia, nadenu basa Musa fo atan ndia, fe nusak ia lala'en-na neu Tuan, ma nai lelek Tuan ho'i-na dae ia soona, Tuan taonisa la'iesak laun-na. Ami bii manseli, boso nalosak ami nanataonisak, hu ndia de, ami tao basa dede'ak ia-la.