YOSUA 10:10 - Susula Malalaok Hehelu Palak Ma Hehelu Beuk

¹⁰ Manetualain taon-na hataholi Amori-la nggenge, nai lelek lita solda'du Israel-la. Ala taolisa hataholi Amori makadotok nai Gibeon, ma ala usi bei maso'dak-kala kona leo letek manai Bet-Horon-na huun-na, dodoon-na, losa leo Azeka ma Makeda, nai boboak kona.

YOSUA 10:10 ပူးပေါင်းရင်းမြစ်များ

2 SEMUEL 22:15

Ana po'i kokou isin-nala mai, fo tao tapasasala musu-a. Ana fe mandelak-ka mai tuti-nato, de Ana taon-nalas lalai.

1RAJA-RAJA 9:17

De Salomo nde nafofo'a falik kota ndia.) Nenik tatao bela nusak-ka boe, de Salomo nafofo'a falik Bet-Horon-Hilir,

2TAWARIKH 14:12

Boema Asa no solda'du Yehuda-la sapu-la solda'du Sudan-nala. Manetualain sengi solda'du Sudan-nala nalosa lalai.

2TAWARIKH 25:13

Ndia te Amazia nadenu falik solda'du Israel-la, ma ana ta fes loak latee-latati fa, ala sapu-la Yehuda kota-kotan manai Samaria ma Bet-Horon tala'da so. Ala taolisa hataholi lifun telu ma ala kalo leni hata-heto makadotok.

MAZMUR 18:14

Boema Manetualain nanggulu neme lalai-a mai; Fo Mademaina, fe halan-na nananamanenek halan-na.

MAZMUR 44:3

O mesam-ma usi heni leoina-la fo ela O anam-mala leo lahele nai sila nusan-na. O fe leoina fe'ek-kala hapu soe, tehu O po'ilotak O anam-mala lamade'u.

MAZMUR 78:55

Ana usi heni laun manai sila-la, nai anan-nala matan, boema Ana baba'e dae ndia, neu basa anan-nala, fo leo Israel-la, nalosa ala leo musu-a lalaa teman-nala.

YESAYA 28:21

Neukose Manetualain fo'a, sama leo nai Letek Perazim-ma. Neukose Ana ulepo'de, sama leo nai Bafak Gibeon-na, soaneu nakalala'ok dale tutu'un-na, dale tutu'un fo, hataholi daebafak-ka, dodoo doak-kana! Neukose, Ana nakalala'ok tatao-nono'in fo hataholi daebafak-ka, dodoo doak-kana ndia.

YESAYA 30:30

Neukose Manetualain fe hataholi namanene hala matua-mademan, ma basa hataholi-la, neukose lame'da lita koasa matuainan-na. Neukose nasa-melun neni ha'i mana'a naputuk-ka, u'da matuaina, u'da batu, ma ani-sangu.

YEREMIA 34:7

nai lelek manek Babel-la bei sapu-la kota ndia. Sila boeo sapu-la kota Lakhis-sa ma Aseka, fo kota kaduak sila-la matea-mahelek-kala, ma bei lakatatakak nai Yehuda.

ZAKHARIA 14:3

Boema neukose Manetualain tutulumatak, fo natee-nata'ti la'ban leoina sila-la, sama leo Ana taon nai tepo-lelek makahulun-na.

ULANGAN 7:23

Enon-na leondiak, ba'eneu emi Manetualaim-ma fe emi musum-mala leo emi neu. Neukose, Ana taon-nalas lapokak losa mate-mopos.

YOSUA 10:11

Nai lelek hataholi Amori-la bei loe letek ndia, nanahu lalai leme solda'du Israel-la mai boema, Manetualain fe u'da eis matuaina-la tu'da leme lalai mai de tuni-nalas, su'di enok-ka nanalun-na losa Azeka. U'da eis ndia tunenisa hataholi-la, de'u lena hataholi Israel-la taolisak-kala.

YOSUA 10:28

Faik ndia Yosua neu sapun-na Makeda, de ana sengi kota ndia no manen-na. Ana taonisa la'iesak kota ndia laun-nala; ana ta po'ilotak hataholi esa boen, naso'da fa. Yosua tao mane Makeda, sama leo ana tao mane Yerikho-a.

YOSUA 10:9

Le'odae boema, Yosua no solda'dun-nala mulai la'ok leme Gilgal leo Gibeon leu, boema ala sapu-la hataholi Gibeon-nala no kaiboik.

YOSUA 11:8

De Manetualain tao-na hataholi Israel-la sengis. Hataholi Israel-la sapu-lalas, de ala usis losa Misrefot-Maim ma Sihon nai boboak kii, ma losa Bafak Mizpa nai boboak dulu. Natee-nata'tik-ka nakadedelek losa ta ela musu-a, hataholin esa boen – mate la'iesa kasa.

YOSUA 16:3

Too ndia, neme ndia mai, de nakandoo leo Muli neu, fo neu leo Yaflet teidalen-nala nusan-na neu, losa leo Bet-Horon-Hilir, de nakandoo leo Gezer neu, boema nate'e nai Tasi Tala'dak.

YOSUA 16:5

Too-la nde ia, nde been-na, dae too fo ala fen neu teidalek manai leo Efraim dalek-kala. Sila dae toon manai boboan dulu, mulai neme Atarot-Adar losa Bet-Horon-Hulu neu,

HAKIM-HAKIM 4:15

basa boema, ala sapu-la Sisera. Boema, Manetualain tao tapasasala Sisera solda'dun-nala, ma kaleta musun-nala, nalosa Sisera kona neme kaletan lain mai, de nalai no ana la'o eik.

HAKIM-HAKIM 4:16

Barak usi kaleta musu, ma solda'du sila-la, losa Haroset-Hagoyim, boema ana taonisa la'iesak Sisera solda'dun-nala; ana ta po'ilotak hataholi esa boen, naso'da fa.

HAKIM-HAKIM 5:20

Nduuk-kala boeo, ala puselaipana tunga la'ban Sisera neme sila enon-na nai lalai.

SEMUEL SUSULAK-KA ESAN-NA 13:18

ma bubuak ka dua, neu leo Bet-Horon neu, ma bubuak ka telu neu leo dae too fo nasasalematak no Bafak Zeboim-ma, ma moo solokaek-ka.

SEMUEL SUSULAK-KA ESAN-NA 17:1

Nai faik esa, fo nai lelek hataholi Filistin-nala hoka basa solda'dun-nala, fo ala tutulu matak soaneu latee-lata'ti. Ala ito-ato solda'dun-nala lapadeik lakadadalak nai kota Sokho, fo nai Yehuda nusan dale, ma ala tao sila mamana ofun-na nai Sokho ma Azeka tala'da, deka no Efes-Damim.