YOSUA 1:5 - Susula Malalaok Hehelu Palak Ma Hehelu Beuk

⁵ Ta hapu hataholi esa boen, neukose bisa sengi o fa Yosua, nai o fai maso'dam-ma dalek. Nana neukose Au nai o boboam-ma tataas esa, sama leo makahulun-na, Au nai Musa boboan-na. Neukose, Au ta la'oela o fa.

YOSUA 1:5 ပူးပေါင်းရင်းမြစ်များ

KEJADIAN 39:2

Manetualain tulu-fali Yusuf, nalosa ana hapu buna-boak tataasesa nai ue-le'din na dalek. Ana leo nai Tuan na, fo hataholi Masir ndia uman.

1RAJA-RAJA 1:37

Sama leo Manetualain no Ama Manek so, de ela leo been-na Ana no Salomo boe. Ela leo been-na Manetualain tao na paletan-na tetu-temak lena neme Ama Manek paletan-na mai.”

1RAJA-RAJA 11:38

Metema o sama leo Au atang Dauk fo o tunga Au no dalek-katema tuak boema maso'da tunga Au hoholo-lalaneng, ma tao mamahoko Au daleng-nga nenik tao basa hata fo Au paletan neu o, soona neukose Au ook-ko tataas esa. Neukose Au fe o da'di manek nai Israel. Neukose Au helu memak ae o tititi-nonosim neukose da'di mane Israel nggati o, sama leo hata fo Au tao basan soaneu Dauk.

1RAJA-RAJA 6:13

Neukose Au leo nai uma fo o mafofo'ak ia dalek, nai Au anang Israel tala'da heon. Neukose Au ta la'oela fas.”

1RAJA-RAJA 8:57

Sa'di leo been-na ita Manetualain no ita sama leo nok ita bei-ba'i kai nala. Sa'di leo been-na Ana ta la'oela ita fa.

1 TAWARIKH 28:20

Basa boema Dauk nafa'da seluk anamanen Salomo nae, “O muse mamahele ma mapalani. Mulai ho'u tatao-nono'ik ndia leona, ma boso bii neu hata esa boen. Manetualain fo au sene-do'ok-ka, neukose tulu-fali o. Neukose Ana ta la'oela o fa. Neukose nai o boboam-ma losa basa tatao-nono'ik ndia lala'en-na.

MAZMUR 46:11

Nafa'da nae, “Natee-nata'tik-ka, nate'e leona; bubuluk leona, te au ia Manetualain, Au matua-madema nai leoina-la tala'da matua-madema nai daebafak-ka lala'ena.”

KELUARAN 3:12

Manetualain nataa nae, “Neukose, Au tulu-fali o. Ma metema o moo leoina ndia kalua neme Masir mai soona, neukose emi sene-do'ok neu Au nai letek ia. Ndia da'di buti, nae Au adenu o.”

YESAYA 42:16

Neukose Au hela-nole Au leoinang pokek-kala tunga enok fo, ala ta bubuluk-kana fa; Neukose Au hela-noles lai enok fo, ta lalelak-kana fa. Au tao-a makahatuk-ka, da'di mangale'dok ba'eneus, ma Au tao atetu eno manapeko-pakik-kala. Ndia nde, neukose Au taon ba'eneus, de tao leo bee-o, neukose Au tao atetun.

YEREMIA 1:8

Boso bii-mamata'u neus, nana neukose Au sama-sama o o, fo Au asulu-ahapa o. Au, fo Manetualain nde manakokolak-ka!”

DANIAL 11:16

Manek nusa kii ndia, neukose ana tao tunga ka'da dale hihiin-na, te ala ta la'ban-nana faa anak boen. Neukose nangatuu-na dae maoe-maisik-ka, fo ana koasa la'iesak-kana.

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?

ROMA 8:37

Ta! Nakalenak nai basa dede'ak sila la dalek, ita hapu sesengi matetu-mandaa ka neme Ndia fo manasue-lai ita!

ULANGAN 20:1

“Metema emi meu matee-matati fo, la'ban emi musum-mala, fo emi mita musu-a kaleta musun-nala, ndalan-nala boema solda'dun-nala de'ulena emi soona, boso bii. Te emi Manetualaim-ma, fo manasoi-po'i emi meme Masir mai-a, neukose Ana tulu-fali emi boe.

ULANGAN 20:4

Emi Manetualaim-ma, Ana tunga fo Ana tulu-fali emi, fo Ana fe emi sengi.’

ULANGAN 31:23

Basa boema, Manetualain nafa'da Yesua, fo Nun anan-na nae, “Yesua, ela leo been-na, matetea-mahehele o dalem-ma, ma mapalani! Te neukose, o mauli-malanga leoina Israel-la, masok leo nusak fo, Au helu basa, fen leo sila neu, fo neukose Au tulu-falis.”

ULANGAN 4:31

Emi Manetualaim-ma nde been-na, Manetualain fo dale susue-lalain ba'un-na seli. Ana ta nau la'oela emi, do Ana tao namopo-namate emi, do nafandele heni hehelu-balataak fo Ana taon no emi bei-ba'i kaim-mala fa.

ULANGAN 7:24

Neukose, Ana fe sila manen-nala leo emi neu. Fo neukose, emi taomisas, ma mopo na'den-nala. Ta hapu hataholi esa boen, fo ana bisa nakatatakak nasasalematak no emi fa; nana neukose emi tao mamate-mamopo la'iesak-kasa.

2 TIMOTIUS 4:17

Tehu Lamatua ka no nahele au, nai au boboa nga. Ana fe au be'i balakaik, de nalosa au apalani tui-benga la'i esak Hala Malole ndia, fo ela basa hataholi ta Yahudi la, lamanene beno'u. Ma au ala soe mamate sa deak.

IBRANI 13:5

Boso fe doi ka koasa emi so'da ma, tehu ela leo bee na emi mamahoko neu hata fo emi manuu ka. Nana Manetualain nafa'da basa nae, “Neukose Au ta po'ilotak emi do la'oela emi fa.”

YOSUA 1:17

Neukose ami tunga o, sama-na leo, ami boeo tunga Musa tataas esa. Sa'di leo been-na, emi Manetualaim-ma, nai o boboam-ma, sama leo nai Musa boboan-na!

YOSUA 1:9

Mafandendelek, te Au paleta basa o, fo ela te'e-te'e o mamahele, ma mapalani! O boso bii-mamata'u, do pela-bale, nana Au, fo o Manetualaim-ma, nai o boboam-ma, nai lelek o muu leo su'di bee muu.”

YOSUA 10:8

Manetualain nafa'da Yosua nae, “Boso bii hataholi sila. Au fe basa sesengik-ka neu o so, hu ndia de, sila hataholin esa boen, ta hapu nakatatakak la'ban o fa.”

YOSUA 21:44

Boema nandaa no Manetualain helun neu sila bei-ba'i kain-nala, de nusak ndia nee-nee lino-linok, nanahu Manetualain nasulu-nahapan. Musu-musun-nala, ta hapu esa boen hapu la'ban-nana fa, nana Manetualain fe hataholi Israel-la sengi basa musun-nala.

YOSUA 3:7

Manetualain nafa'da Yosua nae, “Mulai faik ia, neukose Au tao o da'di hataholi matua, nalosa basa hataholi Israel-la lala'en-na, fe ha'da-holomata neu o, ma ala lame'da, lae Au nai o boboam-ma, sama leo Au nai Musa boboan-na.

YOSUA 6:27

Manetualain nok Yosua, de Yosua na'den-na, nananita-nalelak nai basa nusak ndia lala'en-na.

HAKIM-HAKIM 2:18

Metema Manetualain fe leoina Israel-la mauli-malangan esa soona, Manetualain tulu-fali mauli-malangan ndia do'e-do'e. Ma nai lelek mauli-malangan ndia bei naso'da, Manetualain soi-po'is do'e-do'e leme musun-nala mai. Metema namanenes ala hoonggu'u, nanahu ala fepa-li'us, ma ala tuni-ndenis soona, dalen-na ta tu'da kasian neu fas.

HAKIM-HAKIM 6:16

Manetualain nae, “Tao leo bee-o, o bisa, nana neukose Au nde tulu-fali o. Neukose o bisa tao makalulutuk hataholi Midian-nala no mudak, nono'kabai o masasalematak mo ka'da hataholi esa mesak-kana.”

SEMUEL SUSULAK-KA ESAN-NA 10:7

Metema, basa sila-la da'di soona, tao su'di beek fo o dodoo-nana malole, nanahu Manetualain no o.