YOSUA 1:2 - Susula Malalaok Hehelu Palak Ma Hehelu Beuk

² Manetualain nafa'da nae, “Mate Au atang Musa so. De besak ia, malole lenak, o ma hataholi Israel-la lala'en-na maheheleaom, fo lena leo Lee Yarden-na selik meu, fo masok leo nusak fo Au fen neu sila.

YOSUA 1:2 ပူးပေါင်းရင်းမြစ်များ

KEJADIAN 17:8

Neukose, Au fe dae ia neu o, ma o tititi-nonosim, fo nde dae fo besak ia, o leon da'di leo hataholi manamai. Basa dae Kanaan-na lala'en-na, neukose da'di o upu-anam pusakan, losa dodoon-na, ma neukose, Au da'di sila Manetualain-na.”

NEHEMIA 9:23

O makadada'dik tititi-nonosin-nala de'u nduuk manai lalai-a. O fes dae fo ala leo, dae fo O helu basan neu bei-ba'i kain so.

AYUB 1:8

Boema, Manetualain natanen nae, “Ade o taoafik neu Au atang Ayub do ta? Nai basa daebafak-ka lala'en-na, ta hapu hataholi lilineka leondiak, ma dalen-na malole sama leo ndia fa. Ana sene-do'ok neu Au, ma ana ta tao tatao-nono'i mangalauk makandondook fa.”

YESAYA 42:1

Manetualain nafa'da nae, “Au atang fo, Au tia-to'ban-na, nde ia, Au hataholi heheleng fo nandaa no Au daleng-nga. Au fe basa Au koasang-nga neun so, soaneu neni ndoos ma matetuk-ka, ba'eneu leoinak-kala esa-esak.

BILANGAN 12:7

Tehu, soaneu Au atang Musa soona, ta leondiak fa. Nai Au anang-ngala dalek, ndia nde manalilinekak.

ULANGAN 3:28

Fe Yesua natutu'duk. Matetea-mahehele dalen-na, nana neukose ndia nde nauli-nalanga leoina ndia leo Lee Yarden-na selik neu, fo langatuu-la nusak fo o mitan ndia.’

ULANGAN 31:7

Boema Musa naloo Yesua, de nafa'dan nai basa leoina Israel-la matan nae, “Yesua, ela leo been-na, matetea-mahehele o dalem-ma, ma mapalani! Neukose, o nde mauli-malanga leoina ia, fo langatuu-la nusak fo, Manetualainhelu basan neu sila bei-ba'i kain-nala so.

ULANGAN 34:5

Boema, mate Manetualain atan Musa neme dae Moab-pa, sama leo hala nafa'da makahulun-na.

YOSUA 1:1

Mate basa Musa, fo Manetualain atan ndia boema, Manetualain kokolak no Musa limaboa konan-na, fo nde Yosua fo Nun anan-na.

YOSUA 1:11

fo ela ala la'ok okofefeo la'iesak hataholi Israel-la uman-nala, fo fes paleta nde ia nae, “Sadia tua-lepa, nanahu bei faik telu seluk bai soona, emi muse lena leo Lee Yarden-na selik meu, fo mangatuu-ma nusak fo emi Manetualaim-ma, fen neu emi.”